اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

شاڭعى الاڭىنىڭ قۇرىلعىلارىن كەمەلدەندىرىپ، بايىرعى كەزدەگى مەن وسىزامانعىنى ۇشتاستىرۋ كەرەك

  ايماعىمىزدىڭ «ماسەلەلەردى تابۋ، ولقىلىقتاردى تولىقتاۋ، ءالسىز بۋىنداردى كۇشەيتۋ، دامۋدى جەبەۋ» تاقىرىبىنداعى قىسقى ساياحات جونىندە تالقى ءماجىلىسى 3- ايدىڭ 20- كۇنى التاي قالاسىندا اشىلدى. ەلىمىزدىڭ جەر- جەرىنەن كەلگەن شاڭعى ماماندارى، قار- مۇز سپورتشىلارى، ساياحات تانىستىرۋشىلار، اقپارات قىزمەتكەرلەرى، شينجياڭنىڭ ءىشى- سىرتىنداعى ساياحات كاسىبىمەن اينالىسۋشىلار قاتارلى جۇزدەن استام ادام ماجىلىستە التايدىڭ ساياحاتى جونىندە ىشكەرىلەي وي جۇگىرتىپ، كەلەلى كەڭەس وتكىزدى.

  دۇنيە جۇزىندەگى شاڭعى تەبۋگە باپ كەلەتىن ەندىككە ورنالاسقان التايدىڭ قار- مۇز بايلىعى مول، دۇنيە جۇزىندە بىرەگەي شاڭعى تەبۋ شارت- جاعدايى بار، قار- مۇز مادەنيەتى ارىدان جالعاسقان، ادامزات شاڭعى ونەرىنىڭ جارىققا شىققان جەرى بولعان التاي دۇنيە جۇزى قار- مۇز سپورتى سالاسىندا داڭقتى اتقا يە، ەلىمىزدەگى بىردەن ءبىر جۇڭگونىڭ قارلى مەكەن ەسەپتەلەدى، الايدا شاڭعى سپورتىن جوعارى دەڭگەيدە دامىتۋدا ءالى دە كوپتەگەن ولقىلىقتار ورىن تەۋىپ وتىر.

  بەيجيڭ «جۇڭگاڭشۋەليڭ» شاڭعى جابدىقتارى شەكتى سەرىكتەستىگىنىڭ باس جوراسى، باس جوبالاۋشىسى پاۆەل: مەنشە شينجياڭدا حالىقارالىق تۇتىنۋدى باۋراي الاتىن شاڭعى الاڭىن سالۋعا بولادى، قازىر بۇل ارانىڭ بايلىعى تولىق كادەگە جاراتىلماي وتىر، مىسالى، ا ق ش-ىنداعى كالىرادوۋدا ۇلكەن شاڭعى الاڭى شىعىس تەڭىز جاعالاۋىنداعى نيۋيوركتەن، باتىس تەڭىز جاعالاۋىنداعى لوس انجەلەستەن الىس بولعانىمەن، بۇل اراعا شاڭعى تەبۋگە كەلۋشىلەردىڭ ٪95 ۇشاققا وتىرىپ كەلەدى، التايدىڭ ەل ىشىندەگى بازار ورتاسىمەن بىردەي. سوندىقتان جوعارى دەڭگەيدەگى شاڭعى اۋەسكەرلەرىن باۋراي الۋىمىز قاجەت، جوعارى دەڭگەيدەگى قار شاڭعى الاڭىن اشۋ قاجەت، قازىر شاڭعى الاڭىنداعى تۇتىنۋشىلار ورتاشا، تومەن دەڭگەيدەگى شاڭعى اۋەسكەرلەرى بولىپ وتىر، كۇندىك تۇتىنۋى 2000 يۋاننان اساتىن قالتالى شاڭعى اۋەسكەرلەرىن باۋراي الماي وتىر، امالىن تاۋىپ جوعارى دەڭگەيدەگى شاڭعى تەبۋ شارت- جاعدايىن قالىپتاستىرۋىمىز كەرەك.

  شاڭعى الاڭىنىڭ قۇرىلىسى جالاڭ، بايىرعى شاڭعى سپورتىن كادەگە جاراتۋ قۋاتىن ءالى دە جوعارىلاتۋعا تۋرا كەلەدى، مىنە بۇل شاڭعى الاڭىن كەمەلدەندىرۋدىڭ ءونىمدى شارالارىنىڭ ءبىرى ەسەپتەلەدى.

  اۆتونوميالى رايوندىق ونەركاسىپشىلەر مەن ساۋداگەرلەر بىرلەستىگىنىڭ ورىنباسار ءتوراعاسى، شينجياڭ ساياحات قوعامىنىڭ ورىنباسار باستىعى، ءۇرىمجى قالالىق ساياحات قوعامىنىڭ باستىعى، شينجياڭ جىبەك جولى حالىقارالىق دەمالىس ءوڭىرىنىڭ باس جوراسى لي جيانحۇڭ: التايدا شاڭعى الاڭىنىڭ قۇرىلىسى جالاڭ، گەنارال تاۋى شاڭعى الاڭى عانا بار، التاي باسقا جەرلەرمەن قۇرىلىس كولەمىندە عانا باسەكەلەسىپ قالماستان، تاعى ءبىر توپ قالىپتاستىرۋ كەرەك. گەنارال تاۋى شاڭعى الاڭىن الىپ ايتساق، گەنارال تاۋى شاڭعى الاڭىندا ارقاندى ۆاگوننان تەك بىرەۋى عانا بار مەنشە، گەنارال تاۋى شاڭعى الاڭى بيىل جالعاستى كەڭەيتىپ سالىپ، كەمىندە تاعى بىرەۋىن ورناتۋ كەرەك. شاڭعى جابدىقتارىن قوياتىن زال ون جىلدان بەرى وزگەرگەن جوق، وسى زالدى كەمەلدەندىرىپ، سايكەستى قوناقجايى بار ورىنعا اينالدىرۋ ءتيىس. ەكىنشى، دالالىق شاڭعى باقشاسىن اشۋ كەرەك، ساۋداگەردى شاقىرىپ اكەلگەن سوڭ، ولاردى ورنىقتىرا ءبىلۋ قاجەت، ۇيتكەنى التايدىڭ بولاشاقتاعى ساياحاتىن دامىتۋ ءۇشىن تەك ۇكىمەتكە عانا سۇيەنۋگە بولمايدى، قوعامدىق كاپيتالدى ەنگىزۋ قاجەت، دالالىق شاڭعى باقشاسى ويداعىداي اشىلماسا كەلىپ قارجى قوساتىندار شىقپايدى. ەندى ءبىرى قومداعى بايىرعى شاڭعى سپورتىن جاقسى ساقتاۋ كەرەك. سوندىقتان التايدىڭ نەگىزگى قالىپتاستىراتىن تانىمالدىعى كولەم جاعىنان باسەكەلەسۋ دە، قۇرىلعى جاعىنان دا باسەكەلەسۋ ەمەس، قايتا ادامزات شاڭعى ونەرىنىڭ جارىققا شىققان جەرى دەگەن تانىمالدىق بولماق، ساياحاتشىلار التايعا بايىرعى شاڭعى مادەنيەتىن سەزىنۋگە كەلەتىن بولۋى كەرەك، وسى تانىمالدىق اسپانداسا ساياحاتتاپ كەلۋشىلەردە ەسەلەپ كوبەيەدى.

  جۇڭگوداعى شاڭعى جارىسىنىڭ تۇڭعىش اعا جۇلدەگەرى شان جاۋجيان دا تەرى شاڭعى مەن وسىزامانعى دالالىق شاڭعى سپورتىن ويداعىداي ۇشتاستىرۋ كەرەكتىگىن العا قويدى.

  جۇڭگوداعى شاڭعى جارىسىنىڭ تۇڭعىش اعا جۇلدەگەرى شان جاۋجيان: جۋىرداعى جىلداردان بەرى تەرى شاڭعىنى جالپىلاستىرىپ پايدالانۋدا جانە جارىس بارىسىندا ءىشنارا ماسەلەلەر ورىن تەۋىپ وتىر، بۇل ماسەلەلەردەن اتتاپ وتۋگە بولمايدى، بارلىعىن شەشۋگە بولادى، تەرى شاڭعىنى اۋەلى التايدا جالپىلاستىرۋ، كەڭ كولەمدى قولدانۋ كەرەك، التايدىڭ وزگەشە بايىرعى تەرى شاڭعى مادەنيەتىن قورعاۋمەن بىرگە وسىزامانعى شاڭعى سپورتىمەن ۇشتاستىرۋكەرەك، بايىرعى شاڭعى باستابىندا جارىس ءۇشىن ەمەس تۇرمىس قاجەتى ءۇشىن پايدالانىلعان، شاڭعى سپورتى دامىعان بۇگىنگى كۇندە بايىرعى شاڭعى سپورتىن وسىزامانعى دالالىق شاڭعى سپورتىمەن ويداعىداي ۇشتاستىرىپ، بايىرعى شاڭعى مادەنيەتى مەن وسىزامانعى شاڭعى مادەنيەتىن ويداعىداي توعىستىرىپ، التايدىڭ قار- مۇز سپورتىنىڭ دامۋىن جەبەۋىمىز كەرەك.

جاۋاپتى رەداكتور: ءاننا اكىمقان قىزى
  • شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، ساياسي قاسيەت پەن توڭكەرىستىك رۋحتى ماڭگى ساقتاپ، تانىم مەن ارەكەتتى بىرلىككە كەلتىرىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتەيىك
  • لي كىچياڭ زۇڭلي مەملەكەتتىك ەكى ماجىلىسكە تىلشىلىك ىستەگەن جۇڭگولىق، شەتەلدىك تىلشىلەرمەن كەزدەستى ءارى سۇراۋلارىنا جاۋاپ بەردى
  • 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭدە جابىلدى
  • مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى جابىلدى