اعاجاي-التاي تورابى   ›   مادەنيەت ارناسى   ›   بىلگەنگە مارجان

ميىمىز نەگە قاتەلىكتەرگە جول بەرەدى؟

  ءبىزدىڭ ميىمىز ءمىنسىز ەمەس. ءبىز ادامداردىڭ ەسىمىن ۇمىتىپ قالامىز، تۇندە ۇيىقتاي المايمىز، وڭاي كورۋگە بولاتىن زاتتاردى بايقامايمىز... ءبىزدىڭ ميىمىزدا نەگە مۇنداي قاتەلىكتەر ورىن الادى؟

  1. نەگە سانامىز قاراپايىم نارسەلەردى قورقىنىشتى دۇنيە رەتىندە قابىلدايدى؟

  كوشەدە جالعىز كەلە جاتىپ، ءوز جۇرىسىڭىزدەن قورقىپ تەزدەتىپ جۇرگەن ءساتىڭىز ەسىڭىزدە بولار. اينالامىز تولعان حاۋىپ-قاتەر. ال، ميىمىز بولسا، كەز كەلگەن قاۋىپكە جاۋاپ قاتۋعا بەيىمدەلگەن. بۇل ميلليونداعان ەۆوليۋتسيا ءۇردىسى اسەرىنەن پايدا بولعان. ءوزىڭىزدىڭ كولەڭكەڭىزدەن قورقىپ، سوعان بولا ۇيالىپ جۇرسەڭىز، قۋانىڭىز.

  قورقىنىش قانا ادام بويىنداعى «ۇر نەمەسە قاش» قورعانىش قاسيەتىن جاساقتاۋدا ۇلكەن رول اتقارادى. بۇل ۋاقىتتا جۇيكە جۇيەسى ميعا حابار بەرىپ، بويىڭىزداعى بار كۇشىڭىز سىرتقا شىعادى. ياعني، سوققىڭىز ءالسىز بولسا، قورقىنىش كەزىندە سوققىڭىز جويقىن كۇشكە يە بولادى.

  2.كورشى بولمەگە نە ءۇشىن بارعانىمىزدى نەگە ۇمىتىپ قالامىز؟

  تانىس جاعداي ما؟ اس ۇيگە جۇگىرىپ باراسىز دا نە ءۇشىن كەلگەنىڭىزدى ۇمىتىپ قالاسىز. بۇل قىسقا مەرزىمدى جادىڭىزدىڭ قىزمەتىنە تاۋەلدى قىزىقتى ءۇردىس. ەستە ساقتاۋ قابىلەتىنىڭ بۇل ءتۇرى ءار ۋاقىت جۇمىس جاساپ تۇرادى. ءبىز ءار سەكۋند سايىن ويلانامىز، ال ول اقپارات رەتىندە ميعا اسقان جىلدامدىقپەن ءتۇسىپ، سول ۋاقىتتا ءوز كۇشىن جوعالتادى. كەيدە بۇل ماڭىزدى جۇيەدە اقاۋلىق ورىن الادى. سونىڭ اسەرىنەن ءسىز اس بولمەگە نەگە بارعانىڭىزدى ۇمىتىپ قالاسىز. ەگەر ءسىز ءبىر ۋاقىتتا بىرنەشە زات ويلايتىن بولساڭىز، بۇل اقاۋ ءجيى قايتالاناتىن بولادى. قىسقا مەرزىمدى اقپاراتتى مينۋتقا جەتەر جەتپەس ۋاقىت ساقتاي الادى. سوندىقتان ءسىز العان جاڭا اقپارات سول بويدا ەسكىلەردىڭ قاتارىنا ەنۋى مۇمكىن.

  3. سىنعا نەگە توتەپ بەرە المايمىز؟ مي ماقتاۋدان گورى سىندى جادىندا ۇزاعىراق ساقتايدى. نەگە؟

  سىزگە بىرەۋ سىن، جامان پىكىر ايتسا ءسىزدىڭ جۇيكەڭىز كۇيزەلىسكە ۇشىرايدى. ونىمەن كۇرەسۋ ءۇشىن اعزاڭىز كورتيزول گورمونىن بولە باستايدى. كورتيزول سونىمەن قاتار، قورقىنىش كەزىندە دە بولىنەدى. سىندى ءبىزدىڭ سانامىز قاتەر رەتىندە قابىلدايدى. بۇل كەزدە دە ءسىزدىڭ بويىڭىزداعى «ۇر نەمەسە قاش» قىزمەتى ىسكە قوسىلىپ، دەنەڭىزگە كوپ سالماق تۇسەدى.

  4.ءوز قابىلەتىمىزگە نەگە كۇمانمەن قارايمىز؟ اقىلدى ادامدار نەگە اقىماقتاردان جەڭىلەدى؟ ويتكەنى اقىماق ادامداردىڭ وزدەرىنە دەگەن سەنىمى جوعارى بولادى. اقىلدى ادامدار ءجيى وقيدى، ءجيى زەرتتەۋ جۇرگىزەدى. ولار كەز كەلگەن سۇراقتىڭ جاۋابى ءدال ەمەس ەكەنىن بىلەدى. كەز كەلگەن جاۋاپتىڭ ورنىن باسار وزگە دە اقپارتتاردىڭ بارىن جاقسى تۇسىنەدى. سوندىقتان ءار ىسىنە كۇمانمەن قارايتىن بولادى.

  ءبىزدىڭ ميىمىزدى زاماناۋي كومپيۋتەرلەرمەن سالىستىرادى. ءبىراق بىزگە وزدىگىنەن جادىنداعى اقپاراتتى جويىپ جىبەرەتىن كومپيۋتەر ۇناماس ەدى. سوندىقتان ميىڭىزدى ءبىر ۋاقىت تىنىقتىرىپ، مازاسىز ويلار مەن جاۋاپسىز سۇراقتاردان قاشۋعا تىرىسىڭىز.

جاۋاپتى رەداكتور: ءاننا اكىمقان قىزى
  • شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، ساياسي قاسيەت پەن توڭكەرىستىك رۋحتى ماڭگى ساقتاپ، تانىم مەن ارەكەتتى بىرلىككە كەلتىرىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتەيىك
  • لي كىچياڭ زۇڭلي مەملەكەتتىك ەكى ماجىلىسكە تىلشىلىك ىستەگەن جۇڭگولىق، شەتەلدىك تىلشىلەرمەن كەزدەستى ءارى سۇراۋلارىنا جاۋاپ بەردى
  • 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭدە جابىلدى
  • مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى جابىلدى