اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

قونىستانۋ ورتاسىن جونگە سالۋ قيمىلى ورىستەتىلدى

  تاياۋ كۇندەردەن بەرى، ايماعىمىزدىڭ جەر-جەرىندەگىلەر جالپى وڭىرلىك قوقىر-قوقسىقتاردى تازالاۋ قيمىلىن ىشكەرىلەي ورىستەتىپ، قونىستانۋ ورتاسىن جاقسارتۋعا جالعاستى كۇش سالدى. بۋىرشىن اۋدانى ويماقى قالاشىعى قىزىلقاباق قىستاعىنداعى ءار ۇلت كادر بۇقاراسى جابال اتتانىسقا كەلىپ، ۇيلەردىڭ الدى-ارتى مەن جٶلدىڭ ەكى جاعاسىنداعى قوقىر-قوقسىقتاردى تازالادى.

  بۋىرشىن اۋدانى ويماقى قالاشىعى قىزىلقاباق قىستاعىنىڭ تۇرعىنى تاڭ شيۋلان: بۇرىن كوشەدە قوقىر-قوقسىق تولىپ جاتاتىن، قازىر قوقىر-قوقسىق تازالانىپ، قونىستانۋ ورتاسى جاقسارىپ، قىستاق تۇرعىندارى قاباعات قۋاندى.

  قىزىلقاباق قىستاعىنداعى ەكى كوميتەت القاسى تاماشا قونىستانۋ ورتاسىن قالىپتاستىرۋ ءۇشىن، پارتيا مۇشەلەرى ۋاكىلى مەن بۇقارا ۋاكىلى ورتا تازالىعىن كۇندەلىكتى باقىلاۋ-باسقارۋ قىزمەتىنە جاۋاپتى بولدى، ءارى ءار قايسى وڭىرلەردىڭ ورتا تازالىعى احۋالىن كۇندەلىكتى قاداعالاپ، قاتارعا تۇرعىزىپ، جالپى حالىق قاتىناساتىن، بىردەي ۇستاپ بىرگە باسقاراتىن جاعداي قالىپتاستىردى.

  بۋرشىن اۋدانى ويماقى قالاشىعى قىزىلقاباق قىستاعى پارتيا ياچەيكاسىنىڭ شۋجيى تۇرسىنبەك نۇرقۇمار ۇلى: ەندى دارتحانالاردى جاپپاي جالپىلاستىرىپ، بۇقاراعا ۇگىت جۇرگىزەمىز، مال شارۋاشىلىعى قىزمەتىندە مالدى قورادا باعۋ ۇلگىسىن قولدانىپ، ادام مەن مالدى ءبولۋدى جۇزەگە اسىرامىز.

  وسى بىرنەشە كۇندە ايماعىمىزداعى مەكەمەلەردەگى كادر-قىزمەتكەرلەر كوكتەمدەگى ورتانى جاپپاي جونگە سالۋ ارەكەتىنە بەلسەنە ات سالىستى، قوقىر-قوقسىقتاردى تازالاپ، قالانىڭ بەت-بەينەسىن جاقسارتتى. 3-ايدىڭ 18-كۇنى، التاي قالاسى كۇمىس بۇلاق جٶلى الەۋمەتتىك اۋماعى قاراستى رايونداعى مەكەمەلەردى قىران وزەنى جاعاسىنداعى قوقىر-قوقسىقتاردى شوعىرلى تازالاۋعا ۇيىمداستىردى. جۇزدەن استام كادر-قىزمەتكەر قوقىر-قوقسىقتاردىڭ لاستىعىنا، شارشاپ-شالدىققاندارىنا قاراماستان جاپپاي تازالىق ىستەپ جٶل جاعالاۋى مەن وزەن ارناسىن تازالاپ شىقتى.

  التاي قالالىق ىنتىماق جٶلى ءمالىسى ءىس باسقارماسىنىڭ مەڭگەرۋشىسى لي شۋشيۋ: كادرلاردى ورتا تازالاۋ ارەكەتىنە بەلسەنە قاتىناستىرۋ ارقىلى ولاردىڭ ورتا قورعاۋ ساناسىن جوعارىلاتىپ، اسپانى اشىق، جەرى جاسىل، سۋى تۇنىق تاماشا ورتا قالىپتاستىرۋدى ماقسات ەتتىك.

جاۋاپتى رەداكتور: ءاننا اكىمقان قىزى
  • شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، ساياسي قاسيەت پەن توڭكەرىستىك رۋحتى ماڭگى ساقتاپ، تانىم مەن ارەكەتتى بىرلىككە كەلتىرىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتەيىك
  • لي كىچياڭ زۇڭلي مەملەكەتتىك ەكى ماجىلىسكە تىلشىلىك ىستەگەن جۇڭگولىق، شەتەلدىك تىلشىلەرمەن كەزدەستى ءارى سۇراۋلارىنا جاۋاپ بەردى
  • 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭدە جابىلدى
  • مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى جابىلدى