اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ەكولوگيانى ماڭداي الدى ورىنعا قويىپ جاسىل دامۋدى ىلگەرىلەتتى

  تۇنىق سۋ مەن جاسىل تاۋدىڭ ءوزى باعالى بايلىق. بۋرىلتوعاي اۋدانىنداعىلار ەكولوگيانى ماڭداي الدى ورىنعا قويۋدان جازباي، ەكولوگيا تومەنگى شەگىن قاتاڭ ساقتاپ، ەكولوگيانى قورعاۋداعى قىزمەتتەردى تىڭعىلىقتى ىلگەرىلەتىپ، قورعاۋ بارىسىندا دامۋ، دامۋ بارىسىندا قورعاۋ تالابىن ورىندادى.

  3- ايدا كۇننىڭ جىلىنۋىنا ساي قار- مۇز ەري باستادى. بۋرىلتوعاي اۋدانىنداعى كۇمىس قايراڭ سۋلى القاپ باقشاسى قورىق وڭىرىنەن جايىلىپ جۇرگەن قۇلانداردى كوپتەپ كەزىكتىرۋگە بولادى، قۇلانداردىڭ ۇيىرىمەن جايىلىپ جۇرگەن، ادام مەن تابيعاتتىڭ جاراسىمدىلىعىن ايگىلەيتىن كوركەم كورىنىس كوپتەگەن فوتو سۋرەت اۋەسكەرلەرىن باۋرادى.

  جيلين ولكەلىك فوتوگرافتار قوعامىنىڭ ءتوراعاسى جاۋ چۋنجياڭ: بۇل كورىنىستى كورىپ ەرەكشە تەبىرەندىم، قۇلاندار ادامنان ۇرىكپەيدى ەكەن، بۇل جەرگىلىكتى بۇقارانىڭ جابايى حايۋاناتتاردى ويداعىداي قورعاعانىن بىلدىرەدى، ادام مەن جابايى حايۋاناتتاردىڭ بىرگە ءومىر سۇرگەنىن اڭعارتادى.

  ەكولوگيالىق ورتانى ويداعىداي قورعاپ، جابايى حايۋاناتتاردىڭ وسۋىنە ءتيىمدى شارت- جاعداي ازىرلەۋ ءۇشىن بۋرىلتوعاي اۋدانىنداعىلار بەس جىلدىڭ الدىندا 5 ميلليون يۋاننان استام قارجى جۇمساۋ ارقىلى اۋماعى 60 شارشى كيلومەتر كەلەتىن قۇمدى ءوڭىردىڭ ورتاسىنان 3 شارشى كيلومەترلىك جابايى حايۋاناتتاردى قولدا ۇيرەتۋ، جەتىلدىرۋ بازاسىن قۇردى، بۇل بازا جابايى حايۋاناتتاردى قۇتقارۋ، باعۋ جانە جەتىلدىرۋ قىزمەتىنە جاۋاپتى بولدى.

  بۋرىلتوعاي اۋدانىنداعى جابايى حايۋاناتتاردى قولعا ۇيرەتۋ، جەتىلدىرۋ بازاسىنداعى باقتاشى جاۋ مەييڭ: بۇل جەردە تەڭبىل بۇعى، ارقار، قۇلان سەكىلدى جابايى حايۋاناتتار بار، كەيبىر جارالانعان حايۋاناتتاردى ورمان شارۋاشىلىعى ساقشى بولىمشەسىندەگىلەر اكەلگەن، ولاردىڭ جاراقاتىن ەمدەۋ، ويداعىداي باعۋ جۇمىستارىن ىستەيمىز.

  قازىر وسى بازادا 50 نەشە تەڭبىل بۇعى، 11 ارقار، جەتىلدىرىلگەن 3 قۇلان بار، سونىمەن قاتار 1 بۇعى، 1 بۇركىت قۇتقارىلىپ، جابايى حايۋانات بايلىعىنىڭ باياندىلىعى نەداۋىر قورعالدى.

  بۋرىلتوعاي اۋدانىنداعى جابايى حايۋاناتتاردى قولعا ۇيرەتۋ، جەتىلدىرۋ بازاسىنىڭ جاۋاپتىسى يۇي جاۋشىڭ: جابايى حايۋاناتتاردى قولعا ۇيرەتۋ، جەتىلدىرۋ جونىندە مەملەكەتتىڭ قاتاڭ ساياسات بەلگىلەمەسى بار، مەملەكەت 54 ءتۇرلى جابايى حايۋاناتتى قوعامداعىلاردىڭ قولعا ۇيرەتىپ، جەتىلدىرۋىنە شابىت بەرەدى، قولعا ۇيرەتۋ ءوسىرۋ جۇمىسىن تىڭعىلىقتى ىستەۋ ارقىلى جابايى حايۋاناتتاردىڭ ۇيىرىن مولايتۋعا بولادى، ادام كۇشى ارقىلى جەتىلدىرىلگەن جابايى حايۋاناتتاردى كەيىن تابيعاتقا قويا بەرەمىز، بۇل ەكولوگيالىق ورتانى قورعاۋعا ءتيىمدى، ءبىز التاي ايماعىنداعى جابايى حايۋاناتتاردى قۇتقارۋ مىندەتىن دە ارقالايمىز، ارناۋلى قۇرىلعان قۇتقارۋ پۋنكىتى بار، بىرنەشە جىلدان بەرى جەتى، سەگىز ءتۇرلى جابايى حايۋاناتتى قۇتقاردىق.

  بۋرىلتوعاي اۋدانىنداعىلار ەكولوگيا قىزىل سىزىعى شەگىن قاتاڭ مەڭگەرىپ، كاسىپتەردى كىرگىزۋگە رۇحسات ەتۋدىڭ كەرى تىزىمدىگىن قاتاڭ تياناقتاندىرىپ، ەكولوگيالىق ورتانى قورعاۋ قىزمەتىن جاپپاي كۇشەيتىپ، ەكولوگيالىق يقۋاتتىڭ تومەندەمەۋىنە، كولەمىنىڭ كىشىرەيمەۋىنە، قاسيەتىنىڭ وزگەرمەۋىنە كەپىلدىك ەتتى. سونىمەن قاتار ماڭىزدى ەكولوگيالىق يقۋات ءوڭىرىنىڭ، تابيعي قورىقتىڭ، ورگانيزىمدەردىڭ الۋان تۇرلىلىگىن قورعاۋ ءوڭىرىنىڭ ەكولوگيالىق جۇيەسىنىڭ ورنىقتىلىعى مەن ەكولوگيالىق قىزمەت وتەۋ يقۋاتىن جوعارىلاتىپ، ەكولوگيالىق حاۋىپسىزدىك قالتقىسىن بارىنشا بەكەمدەپ، بىلعانىشتان ساقتانۋ جانە ونى جٶنگە سالۋدان قامال الۋ شايقاسىن ءسوزسىز ويداعىداي جۇرگىزۋگە كۇش سالدى. وتكەن ءبىر جىلدا اۋا ساپاسىنىڭ جاقسى بولۋ مولشەرى ٪95 كە جەتتى، شوعىرلى اۋىز سۋىنىڭ ساپاسى تولىق ولشەمگە جەتتى، ورتانى باعالاۋ قىزمەتىنىڭ اتقارىلۋ مولشەرى جانە بىلعانىشتى وڭاۋ قۇرىلعىلارىنىڭ ورناتىلۋ مولشەرى ايىرىم- ايىرىم ٪100 كە جەتتى، 4539 مۋ جەرگە ادام كۇشىمەن ورمان ءوسىرىلدى، تۇتاس اۋداننىڭ ورمانمەن كومكەرىلۋ مولشەرى ٪14.46 بولدى.

  بۋرىلتوعاي اۋداندىق پارتكومنىڭ تۇراقتى مۇشەسى، اۋداننىڭ ورىنباسار اكىمى ۋاڭ لي: باس شۋجي شي جينپيڭ ەكولوگيالىق وركەنيەت قۇرىلىسىنىڭ ستراتەگيالىق تۇراقتىلىعىن ساقتاپ جانە كۇشەيتىپ، اۋىتقىماۋ، بوساڭسىماۋ، جول بەرمەۋ، ستراتەگيالىق تۇرعىعا ۇيلەسەتىن، ەكولوگيانى ماڭداى الدى ورىنعا قوياتىن، جاسىل دامۋدى جەتەكشى ەتكەن جوعارى ساپالى دامۋدىڭ تىڭ جولىن قاراستىرۋ كەرەكتىگىن العا قويدى. ءبىز باس شۋجيدىڭ تالابى بويىنشا، ەكولوگيانى قورعاۋدى بارلىق قىزمەتتىڭ شىعار ءتۇيىنى جانە تابان تىرەر تياناعى ەتىپ، ەكولوگيالىق ورتانى قورعاۋدىڭ ەڭ قاتاڭ ءتۇزىمىن تىنباي اتقارىپ، جاراتىلىستىق قورىق قۇرىلىسىنىڭ تەبىنىن ارتتىرىپ، «ەنەرگيا جۇمسالىمى، بىلعانىشى، جاراقسىز زات ىعىستىرۋى ەرەپايسىز نىسانداردىڭ» كىرۋىن قاتاڭ شەكتەپ، ءۇشتى اشپاۋ تالابىن باتىل ورىندايمىز، ەكولوگيالىق ورتانى قورعاۋ ماقساتىندا سيلىق اقشا بەرۋ مەحانيزىمىن اتقارىپ، بەتالدى اڭ اۋلاۋ، قازۋ ارەكەتتەرىنە قاتاڭ سوققى بەرىپ، ەكولوگيالىق ورتانى قالپىنا كەلتىرۋ جانە قورعاۋ قىزمەتىن تىنباي ىلگەرىلەتىپ، بۋرىلتوعايدىڭ ەكولوگيالىق ورتاسىن ويداعىداي قورعاۋعا كۇش سالامىز.

جاۋاپتى رەداكتور: ءاننا اكىمقان قىزى
  • شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، ساياسي قاسيەت پەن توڭكەرىستىك رۋحتى ماڭگى ساقتاپ، تانىم مەن ارەكەتتى بىرلىككە كەلتىرىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتەيىك
  • لي كىچياڭ زۇڭلي مەملەكەتتىك ەكى ماجىلىسكە تىلشىلىك ىستەگەن جۇڭگولىق، شەتەلدىك تىلشىلەرمەن كەزدەستى ءارى سۇراۋلارىنا جاۋاپ بەردى
  • 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭدە جابىلدى
  • مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى جابىلدى