اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

جەمەنەيدىڭ ۇنى حالىقارالىق بازارعا كىرۋ تولىمدىلىعىن يەلەدى

  ءوز ءتىلشىمىز قۇرمانگۇل جەڭىسبەك قىزى حابارلايدى. 3-ايدىڭ 16-كۇنى، ءتىلشىمىزدىڭ التاي يكاڭ ورگانيكالىق ۇن ءوندىرۋ شەكتى سەرىكتەستىگىنەن ۇعىسۋىنشا، اتالمىش سەرىكتىك وندىرگەن جەمەنەي اۋدانىنىڭ ۇنى حالىقارالىق بازارعا كىرۋ تولىمدىلىعىنا يە بولىپ ەۆروپا وداعى ورگانيكالىق ولشەم كۋالاندىرۋىن العان.

  يكاڭ ورگانيكالىق ۇن ءوندىرۋ شەكتى سەرىكتەستىگىنىڭ باس ديرەكتورى جۋ جيانحۋا بىلاي دەپ تانىستىردى: «بيىل جىل باسىندا سەرىكتەستىگىمىزدىڭ ءبيدايى مەن ءبيداي ۇنى ەۆروپا وداعى ورگانيكالىق ونىمدەرىن كۋالاندىرۋ قۇرىلىمىنىڭ Bioagricert (قىسقاشا BAC كۋالاندىرۋى دەپ اتالادى) كۋالاندىرۋىنان ءوتىپ، شينجياڭ كولەمىندەگى بىردەن-ءبىر ەۆروپا وداعىنىڭ كۋالاندىرۋىنان وتكەن ورگانيكالىق ءبيداي ەگەتىن كاسپورىن سانالدى.

  نانجيڭ گۋوحۋان ورگانيكالىق ونىمدەردى كۋالاندىرۋ ورتالىعىنىڭ تەكسەرۋ ءبولىمى 2-باسقارماسىنىڭ باستىعى ساۋ يۇي بىلاي دەدى: «ەۆروپا وداعىنىڭ BAC ولشەمىنە جەتۋ ەۆروپا وداعى مەملەكەتتەرىنە ەكسپورت ونىمدەرىن شىعارۋ تولىمدىلىعىنا يە بولدى دەگەن ءسوز. قازىر، ۇن ونىمدەرىن وندىرۋ كاسىبىندە ەۆروپا وداعى كۋالاندىرۋىنا يە بولعان كاسپورىندار وتە از. جەمەنەي اۋدانى يكاڭ ۇن ونىمدەرى سەرىكتەستىگى جونىنەن العاندا، بۇل كۋالاندىرۋعا يە بولۋ اتالمىش سەرىكتەستىكتىڭ التىن ماڭدايشالىعى ىسپەتتى، بۇدان كەيىنگى ورگانيكالىق ءبيداي ءونىمى باسەكەسىندە مول ابزالدىلىققا يە».

  التاي يكاڭ ورگانيكالىق ۇن ءوندىرۋ شەكتى سەرىكتەستىگى 2015-جىلى 7-ايدا قۇرىلعان بولىپ، ورگانيكالىق ءبيداي ەگۋ، مانەرلەۋ جانە ورگانيكالىق كەسپە ءوندىرۋ ءبىر تۇلعالانعان ازىق-تۇلىك مانەرلەۋ كاسپورنى، جەمەنەي شەكاراسىنداعى ەكونوميكالىق-سەلبەستىك اشىق رايونىنا ورنالاسقان. سەرىكتەستىك جەمەنەي اۋدانىنىڭ ساپالى تالشىقتى كوكتەمگى ءبيداي مايساسى وسۋدەي ءتابيعى ەكولوگيالىق ابزالدىلىعىنا سۇيەنە وتىرىپ، 2016-جىلى جەمەنەي اۋدانىنىڭ سۋلاندىرۋ وڭىرىندە 10 مىڭ مۋلىق ورگانيكالىق ءبيداي ەگۋ بازاسىن قۇردى، قازىر ورگانيكالى ءبيداي بازاسىنىڭ ناقتى كولەمى 12 مىڭ مۋعا ارتتى.

  «سەرىكتىگىمىز باستان-اياق ”جاسىل، ورگانيكالى“دامۋ بەتالىسىن مىقتى ۇستاپ، ورگانيكالىق ءبيداي كاسىبىن كۇش سالا قۇردى. 2017-جىلى 7-ايدان باستاپ ونىمدەرىمىزدى بازارعا سالدىق، قازىر ورگانيكالى ءبيداي بازاسىنىڭ كولەمى جىل سايىن كەڭەيۋدە. باستاپقى مەزگىلدە ءبىز ءونىم ساپاسىن جوعارىلاتۋدى ءتۇيىندى ورىنعا قويىپ كەلدىك، ءونىم ساپاسىن مىقتى يگەرۋمەن بىرگە ءبيىل ءونىمدى بازاردا جالپىلاستىرۋدى قولعا الدىق. ەۆروپا وداعىنىڭ كۋالاندىرۋ ولشەمىنەن ءوتۋ سەرىكتىگىمىزدىڭ تانىمالدىعى مەن ىقپالىن جوعارىلاتۋعا بەلسەندى ىقپال كورسەتەتەتىن بولادى، قازىر، ءبىزدىڭ ونىمدەرىمىز ىشكى ولكەدەگى تەڭىز جاعالاۋى قالالارىنىڭ نەگىزگى بازارلارىندا ساتىلۋدا. دامۋ بەلگىلى دارەجەگە جەتكەندە، ءبىز ەكسپورت جوسپارىن ويلاستىرامىز، جەمەنەيدىڭ ورگانيكالىق ۇنىن بۇكىل دۇنيە جۇزىنە ايگىلەيمىز»،- دەدى جۋ جيانحۋا.

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى
  • لي كىچياڭ زۇڭلي مەملەكەتتىك ەكى ماجىلىسكە تىلشىلىك ىستەگەن جۇڭگولىق، شەتەلدىك تىلشىلەرمەن كەزدەستى ءارى سۇراۋلارىنا جاۋاپ بەردى
  • 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭدە جابىلدى
  • مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى جابىلدى
  • قاس-قاعىم ساتتەگى التاي