اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

قاتىناس ءتارتىبىن جۇيەلەندىردى

  تاياۋدا بۋىرشىن اۋداندىق قوعام حاۋىپسىزدىگى مەكەمەسى قاتىناس ساقشى ۇلكەن اترەتى قاراستى وڭىردەگى نەگىزگى جولدارعا اۆتوكولىكتى بەتالدى توقتاتۋ جايىتىن شوعىرلى وڭاۋ قيمىلىن ورىستەتىپ، جول قاتىناس ورتاسىن تازارتىپ، قاتىناس ءتارتىبىن جاقسارتتى.

  تاياۋدان بەرى بۋىرشىن اۋداندىق قوعام حاۋىپسىزدىگى مەكەمەسى قاتىناس ساقشى ۇلكەن اترەتى كوپتەگەن تاراۋ مەن بىرلەسىپ قالا رايونىنداعى جول بولەكتەرىندە، تۇرعىندار رايونى مەن دۇكەندەردىڭ الدىندا اۆتوكولىك توقتاتۋ ورنىن بەلگىلەدى، سونىمەن قاتار زاڭ اتقارۋشىلار تىنباي شارلاپ تەكسەرۋ، وڭاۋ، تاربيەلەۋ مەن جازالاۋدى ۇشتاستىرۋ سىندى قىزمەت ۇلگىسى بويىنشا اۆتوكولىكتى بەلگىلەمەگە قايشى توقتاتۋ جايىتىن تەكسەرىپ ءبىرجاقتى ەتۋ تەبىنىن ارتتىردى.

  بۋىرشىن اۋداندىق قوعام حاۋىپسىزدىگى مەكەمەسى قاتىناس ساقشى ۇلكەن اترەتىنىڭ ورىنباسار باستىعى لي داپىڭ: قازىر كوپشىلىكتىڭ اۆتوكولىكتى بەلگىلەمەگە قايشى توقتاتۋ جونىندەگى تانىمى جەتەرسىز، اسىرەسە ەلەكترلى كولىك، ءۇش دوڭگەلەكتى موتوتسيكل قاتارلى كولىكتەردى بەتالدى توقتاتۋ جايىتى ءبىرشاما كورنەكتى، ەرەن بازارلار مەن ساۋدا سارايى قاتارلى ادام كوپ جەرلەردە كولىكتى بەتالدى توقتاتۋ جايىتى ءبىرشاما كورنەكتى، وسى ماسەلەلەردى شوعىرلى جونگە سالامىز.

  وسى رەتكى شوعىرلى وڭاۋ قيمىلىنان كەيىن اۋدان ورتالىعىندا اۆتوكولىكتى بەتالدى توقتاتۋ، جول توسىپ ساۋدا ىستەۋ سەكىلدى بەلگىلەمەگە قايشى ارەكەتتەر كورنەكتى ازايىپ، قاتىناس ءتارتىبى كورنەكتى جاقسارىپ، تۇرعىنداردىڭ القاۋىنا يە بولدى.

  بۋىرشىن قالاشىعىنىڭ تۇرعىنى دىڭ كاي: بۇل قىزمەتتىڭ ءونىمى كورنەكتى بولدى، قاتىناس ءتارتىبى جاقسارىپ، وقۋشىلار جولدا الاڭسىز جۇرەتىن بولدى.

  قازىرگە دەيىن قاتىناس زاڭىنا قايشى 200 دەن ارەكەت تەكسەرىلىپ ءبىرجاقتى ەتىلدى، مۇندا اۆتوكولىكتى بەتالدى توقتاتۋعا ساياتىن 70 ارەكەت جونگە سالىندى، قازىر شوعىرلى وڭاۋ قيمىلى جالعاستى ورىستەتىلۋدە.

  بۋىرشىن اۋداندىق قوعام حاۋىپسىزدىگى قاتىناس ساقشى ۇلكەن اترەتىنىڭ ورىنباسار باستىعى لي داپىڭ: ۆيچات الەۋمەتتىك ءنومىرى، اقپارات قۇرالى قاتارلى تاسىلدەر ارقىلى ۇگىتتەۋ تەبىنىن ارتتىرىپ، اۆتوكولىكتى جۇيەلى توقتاتاتىپ وركەنيەتتى بولاتىن تاماشا اۋان قالىپتاستىرۋعا كۇش سالدىق، تەكسەرۋ تەبىنىن جالعاستى ارتتىرىپ اۆتوكولىكتى بەلگىلەمەگە قايشى توقتاتۋشىلاردى قوعامعا جاريالايمىز.

جاۋاپتى رەداكتور: ءاننا اكىمقان قىزى
  • لي كىچياڭ زۇڭلي مەملەكەتتىك ەكى ماجىلىسكە تىلشىلىك ىستەگەن جۇڭگولىق، شەتەلدىك تىلشىلەرمەن كەزدەستى ءارى سۇراۋلارىنا جاۋاپ بەردى
  • 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭدە جابىلدى
  • مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى جابىلدى
  • قاس-قاعىم ساتتەگى التاي