اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

كوكتەمگى ەگىس وندىرىسىنە دايىندىق جاسالدى

  كۇننىڭ بىرتىندەپ جىلىنۋىنا ساي ايماعىمىزدىڭ جەر- جەرىندەگى ەگىن شارۋاشىلىعىنا ساياتىن قۇرىلىمدار مەن ەگىس ماتەريالدارىن وندىرەتىن كاسپورىندار كوكتەمگى وندىرىسكە ويداعىداي قىزمەت وتەۋگە كۇن ىلگەرى دايىندالدى.

  بۋىرشىن اۋدانىنداعى «شينتايياڭ» ەگىن شارۋاشىلىعىن دامىتۋ شەكتى سەرىكتەستىگىنىڭ زاۆود ۇيىندە جۇمىسشلار ۇستەمەلەپ جۇمىس ىستەپ تامشىلاتىپ سۋارۋ تاسپاسىن ءوندىرۋ جۇمىسىن تىڭعىلىقتى ىستەپ، ەگىس ماتەريالدارىمەن ويداعىداي قامداۋعا كەپىلدىك ەتىپ، كوكتەمگى ەگىس وندىرىسىنە دايىندالدى.

  بۋىرشىن اۋدانىنداعى «شينتايياڭ» ەگىن شارۋاشىلىعىن دامىتۋ شەكتى سەرىكتەستىنىڭ قىزمەتكەرى فۋ چىڭنان: مەرزىمدى ۋاقىتتا ونىمدەرگە ۇلگى الىپ تەكسەرۋ جۇرگىزىپ، ونىمدەرىمىزدىڭ ساپاسىنا كەپىلدىك ەتەمىز.

  بيىل بۋىرشىن اۋدانىنداعى «شينتايياڭ» ەگىن شارۋاشىلىعىن دامىتۋ شەكتى سەرىكتەستىگى ءوندىرىستى 20 كۇن بۇرىن باستادى، بازاردىڭ ەگىس ماتەريالدارىمەن جەتكىلىكتى قامداۋىنا كەپىلدىك ەتۋ ءۇشىن قازىر 7 ءوندىرىس جەلىسىندە تامشىلاتىپ سۋارۋ تاسپاسىن ءوندىرۋ جۇمىسى جەدەل ىستەلۋدە.

  بۋىرشىن اۋدانىنداعى «شينتايياڭ» ەگىن شارۋاشىلىعىن دامىتۋ شەكتى سەرىكتەستىگىنىڭ باس ديرەكتورى پۋ شينلياڭ: بيىل ءونىم مولشەرى ٪30 ارتادى، الداعى ءۇش ايدا 20 مىڭ تاسپا ارتىق وندىرەمىز.

  التاي قالاسىنىڭ اۋىل- قالاشىقتارىنداعى ەگىس ماشيناسى كووپەراتيۆتەرىندە، ەگىس ماشيناسىمەن اينالىساتىن ءىرى وتباسىلارى ەگىس ماشينالارىن جوندەۋ جۇمىستارىن كۇن ىلگەرى تىڭعىلىقتى ىستەپ، كوكتەمگى ەگىس وندىرىسىنە ويداعىداي دايىندالدى. قىزىلتاس قالاشىعى بوكەنبۇلاق قىستاعىنداعى ەگىس ماشيناسىمەن اينالىسۋشى شيۇڭ فۋجياڭ تاياۋدان بەرى تراكتورى مەن كوكتەمگى وندىرىسكە قاجەتتى جابدىقتاردى جوندەۋمەن قاربالاس بولدى.

  التاي قالاسى قىزىلتاس قالاشىعى بوكەنبۇلاق قىستاعىنىڭ تۇرعىنى شيۇڭ فۋجياڭ: مىنا تراكتوردىڭ دوڭگەلەگى كونەرىپ كەتكەندىكتەن بىلتىر جارىلىپ توقتاماي قويدى، بيىل ەرتەرەك قيمىلداپ دوڭگەلەگىن اۋىستىرىپ، كوكتەمگى ءوندىرىستى ويداعىداي جۇرگىزۋگە كەپىلدىك ەتەمىن.

  التاي قالاسىنىڭ قىزىلتاس قالاشىعىندا، تراكتور، كومبايىن قاتارلى ەگىس ماشينالارىنان 700 دەن استامى بار، كوكتەمگى ەگىس ءوندىرىسىنىڭ ويداعىداي ىستەلۋىن قامتاماسىز ەتۋ ءۇشىن ەگىنشىلىك تەحنيكاسىن جالپىلاستىرۋ پۋنكىنىڭ قىزمەتكەرلەرى قىستاقتارعا بارىپ تەحنيكالىق جاقتان جەتەكشىلىك ەتۋ جۇمىسىن تىڭعىلىقتى ىستەپ، 4- ايدىڭ باس شەنىندە بارلىق ەگىس ماشيناسىن جوندەپ بولۋعا كەپىلدىك ەتتى.

  التاي قالاشىق ەگىس ماشينالارىن باسقارۋ پۋنكىتىنىڭ قىزمەتكەرى سايلانبەك: قىستاقتارعا بارىپ ەگىس ماشيناسىمەن اينالىسۋشىلاردىڭ تراكتورىن جانە باسقادا ەگىس جابدىقتارىن جوندەۋىنە جەتەكشىلىك ەتىپ، بيىل كوكتەمگى ەگىس جۇمىستارىنىڭ ويداعىداي ىستەلۋىنە كەپىلدىك ەتتىك.

  قازىرگە دەيىن ايماعىمىزدا ءىرى، ورتا، جانە شاعىن تۇرپاتتى 35 مىڭ 400 ەگىس ماشينا جابدىعى بار. وتكەن جىلى ايماعىمىزداعى 925 ديقان وتباسى 1109 ەگىس ماشيناسىن تىڭنان ساتىپ الىپ، ەگىس ماشينالارىن ساتىپ الۋشىلارعا بەرىلەتىن 17 ميلليون 812 مىڭ يۋان قوسىمشا قاراجاتتان يگىلىكتەنگەن.

جاۋاپتى رەداكتور: ءاننا اكىمقان قىزى
  • لي كىچياڭ زۇڭلي مەملەكەتتىك ەكى ماجىلىسكە تىلشىلىك ىستەگەن جۇڭگولىق، شەتەلدىك تىلشىلەرمەن كەزدەستى ءارى سۇراۋلارىنا جاۋاپ بەردى
  • 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭدە جابىلدى
  • مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى جابىلدى
  • قاس-قاعىم ساتتەگى التاي