اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

عالىم قۇدىق قازىپ اۋقاتتاندى

  شىڭگىل اۋدانى شاعانعول اۋىلى جالتىرتاس قىستاعىنىڭ تۇرعىنى عالىم جۇمابەك ۇلى قوس قولىنا سۇيەنىپ تاۋلى وڭىردەن قۇدىق قازىپ، تابان ەت ماڭداي تەرىنىڭ ارقاسىندا اۋقاتتانىپ، قىستاقتاعى كەدەيلىكتەن قۇتىلىپ اۋقاتتانۋشىلاردىڭ ۋاكىلىنە جانە كوشباسشىسىنا اينالدى.

  وتباسىندا قينشىلىق بولعاندىقتان 2014-جىلى شىڭگىل اۋدانىنداعىلار عالىم جۇمابەك ۇلىنىڭ وتباسىن ارحيۆ تۇرعىزىلىپ كارتىچكالانعان وتباسىلارى قاتارىنا ەنگىزگەن ەدى، ءدال سول جىلى عالىمنىڭ شەشەسى سالماقتى ناۋقاسقا شالدىقاندىقتان وتباسىنىڭ قينشىلىعىن اۋىرلاي تۇسەدى.

  شىڭگىل اۋدانى شاعانعول اۋىلى جالتىرتاس قىستاعىنىڭ تۇرعىنى عالىم جۇمابەك ۇلى: شەشەم اياعىن باسا الماي قالىپ شىڭگىل اۋداندىق شيپاحانادا وپەراتسيا جاساتتىم، ەمدەلۋگە 60 مىڭ يۋاننان استام اقشا جۇمسالدى، 40 نەشە مىڭ يۋانى سەلبەسىپ ەمدەلۋ بويىنشا ەسەپتەن كوتەرىلدى، شاعانعول اۋىلدىق ۇكىمەت 2000 يۋان، قىستاق ءبىر مىڭ يۋان كومەك اقشا بەردى، ۇكىمەت كوپ كومەكتەستى.

  پارتيا مەن ۇكىمەتتىڭ ءتيىمدى ساياساتتارىنىڭ ارقاسىندا عالىم قينشىلىق قىسپاعىنان قۇتىلدى. جەرگىلىكتى ورىندا كەدەيلەردى سۇيەمەلدەۋ ساياساتى ۇگىتتەلۋ بارىسىندا كەدەيلىكتەن قۇتىلىپ اۋقاتتانعانداردىڭ ىزگى ىستەرى مەن اسەرلى اڭگىمەلەرىن كوپ ەستىگەن عالىمنىڭ كاسىپ كوزىن اشۋ ىنتاسى كۇشەيە تۇسەدى، شارۋالاردىڭ ءوندىرىسى مەن تۇرمىسى سۋدان ايىرىلا المايتىنىن، ەگىن سالۋعا جانە باعىمشىلىقپەن شۇعىلدانۋعا كوپ سۋ قاجەت ەكەنىن بايقايدى، الايدا جەرگىلىكتى ورىننىڭ جاراتىلىستىق ورتاسى وزگەشە بولعاندىقتان قۇدىق از بولاتىن، سۋ ماسەلەسى شەشىلسە ءوندىرىس ورگە باساتىنىن اڭعارعان ول كەدەيلەردى سۇيەمەلدەۋگە بەرىلەتىن قارىز اقشادان 50 مىڭ يۋان قارىز الىپ، قۇدىق قازۋ جابدىعىن ساتىپ الىپ، قوس قولىنا سۇيەنىپ وتباسى تۇرمىسىن جاقسارتادى.

  شىڭگىل اۋدانى شاعانعول اۋىلى جالتىرتاس قىستاعىنىڭ تۇرعىنى عالىم جۇمابەك ۇلى: قۇدىق قازۋ ماشيناسىن ساتىپ الىپ، قۇدىق قازۋ ارقىلى كىرىسىمدى ارتتىردىم، قازىر جوعارى ەڭبەكاقى بەرىپ ارناۋلى ادام ىستەتىپ وتىرمىن.

  وتكەن جىلى عالىم جۇمابەك ۇلى وتباسىنىڭ جىلدىق ناق كىرىسى 43 مىڭ يۋان بولدى. «سۋ ىشكەندە قۇدىق قازۋشىنى ۇمىتپا دەگەندەي» كەزىندە قينشىلىق قىسپاعىندا قالعاندا كوپ بولىپ كومەكتەسكەن اۋىلداستارىنىڭ جاقسىلىعىن ۇمىتپاعان عالىم اۋقاتتانعاننان كەيىن اۋىلداستارىن ەسىنە شىعارماي، قىستاقتاعى جاستارعا جەتەكشىلىك ەتىپ، ولاردىڭ وتباسى كىرىسىن ارتتىرۋىنا كومەكتەستى.

  شىڭگىل اۋدانى شاعانعول اۋىلى جالتىرتاس قىستاعىنىڭ تۇرعىنى ەرلان: عالىممەن ءتورت، بەس جىل بىرگە جۇمىس ىستەدىم، ايىنا 6 مىڭ يۋان ەڭبەكاقى الامىن، جۇمىس كوپ كەزدەرى ەڭبەكاقىمدى دا كوبەيتىپ بەرەدى، تۇرمىسىم كورنەكتى جاقساردى.

جاۋاپتى رەداكتور: ءاننا اكىمقان قىزى
  • لي كىچياڭ زۇڭلي مەملەكەتتىك ەكى ماجىلىسكە تىلشىلىك ىستەگەن جۇڭگولىق، شەتەلدىك تىلشىلەرمەن كەزدەستى ءارى سۇراۋلارىنا جاۋاپ بەردى
  • 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭدە جابىلدى
  • مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى جابىلدى
  • قاس-قاعىم ساتتەگى التاي