اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماعىمىزدا 31 مىڭ 625 دارەتحانا سالىندى

  وتكەن جىلى ايماعىمىز دارەتحانا قىزمەتىن ويداعىداي ىستەۋدى ساياحات قالاسىنىڭ وبىرازىن جوعارىلاتىپ، وڭىرلىك ساياحاتتى دامىتۋداعى ولقىلىقتاردى تولىقتاۋداعى جانە قونىستانۋ ورتاسىن جاقسارتۋداعى ماڭىزدى شارا رەتىندە مىقتى ۇستادى. وتكەن جىلى جيىنى 31625 دارەتحانا سالىنىپ، تۇرعىندارعا اناعۇرلىم ىڭعايلى قىزمەت وتەلدى.

  قازىر بۋرىلتوعاي اۋدانىندا ساۋدا شوعىرلانعان رايوندار مەن شاعىن رايونىندار شوعىرلى رايونداردا وسىزامانعى ۇلگىدەگى، ەۆروپا ۇلگىسىندەگى، جۇڭگٶشا ۇلگىدەگى الەۋمەتتىك دارەتحانالار جالپىلاستى. دارەتحانالار تازا، رەتتى بولىپ قانا قالماستان، ىشىنە قول جۋۋ سۇيىقتىعى مەن قول قۇرعاتۋ جابدىعى ورناتىلدى، سونىمەن بىرگە تازالىق قىزمەتكەرلەرى الەۋمەتتىك دارەتحانالاردى مەرزىمدى ۋاقىتتا تازالاپ تۇرادى.

  بۋرىلتوعاي اۋدانىنىڭ تۇرعىنى زوۋ چۇنجيە: بۇرىن الەۋمەتتىك دارەتحانالار سالىنباعان كەزدە دارەتكە وتىرۋ قيىن بولاتىن، قازىر كوشەلەرگە الەۋمەتتىك دارەتحانالار سالىنىپ، كوپشىلىككە قولايلىلىق جاسالدى.

  بۋرىلتوعاي اۋدانىنىڭ ساياحات قالاسى وبىرازىن جوعارىلاتىپ، وڭىرلىك ساياحاتتى دامىتۋداعى ولقىلىقتاردى تولىقتاپ، قونىستانۋ ورتاسىن جاقسارتۋ ءۇشىن، جەرگىلىكتى ورىن الەۋمەتتىك دارەتحانا سالۋ قىزمەتىن ءبىر حالىق تۇرمىسى ينجەنەرياسى رەتىندە مىقتاپ ۇستاپ، تۇتاس اۋداننىڭ جاڭادان الەۋمەتتىك دارەتحانا سالۋ مەن الەۋمەتتىك دارەتحانالاردى وزگەرتىپ دارەجەسىن جوعارىلاتۋ مىندەتىن تۇيىندەرگە، مالىلەرگە، اۋىل-قالاشىق، قىستاقتارعا تياناقتاندىردى.

  بۋرىلتوعاي اۋداندىق تۇرعىن ءۇي جانە قالا-اۋىل قۇرىلىسى مەكەمەسىنىڭ ورىنباسار باستىعى ءانۋار روزى: وتكەن جىلى قالا رايونىندا جانە ساياحاتتىق قىزمەت وتەۋ دارەتحاناسىنان 223 دارەتحانا سالىنۋمەن بىرگە اۋىل-قىستاقتاعى شارۋالاردىڭ 277 دارەتحاناسى وزگەرتىلىپ سالىندى. جوبالاۋ جاعىندا تۇرعىندار مەن ساياحاتشىلاردىڭ تۇرلىشە سۇرانىسى تولىق ويلاستىرىلىپ، كورىنىس رايوندارىندا، شاعىن رايونداردا، نەگىزگى كوشەلەر مەن تارماق كوشەلەردە، باقشالاردا بىركەلكى ورنالاستىرىلدى، ادامداردىڭ باعدار تاقتاسى بويىنشا ماڭىنداعى الەۋمەتتىك دارەتحانانى تابۋىنا قولايلىلىق جاسالدى، قۇرىلعىلارى وسىزاماندانعان ءتىپتى دە ولشەمدى دارەتحانالار سالىندى.

  اۋا تەمپەراتۋراسىنىڭ جوعارلاۋىنا ساي، بۋىرشىن اۋدانىنا كەلگەن ساياحاتشىلار كوبەيدى، اۋدان قالاشىعىنداعى حالىققا ىڭعايلى قىزمەت وتەۋ پۋنكتىندەگى يەلەگەن اۋماعى 100 شارشى مەتردەن اساتىن ساياحات دارەتحاناسى تازا، رەتتى بولۋمەن بىرگە قۇرىلعىلارى وزىق، يقۋاتى تولىق بولىپ، دارەتحانانىڭ ىشىنە دەمالىس رايونى مەن جۋىنۋ رايونى ورنالاستىرىلدى، سونىمەن بىرگە قارتتار مەن مۇگەدەكتەرگە ارنايى قۇرىلعىلار ازىرلەنىپ قولايلىلىق جاسالدى.

  جياڭسۋلىق ساياحاتشى جاڭ حۋا: دارەتحانا تازا ەكەن، دارەتحانانىڭ سىرتىنىڭ تازالىعى دا جاقسى ەكەن.

  قازىر بۋىرشىن اۋدانىندا ءتۇرلى دارەتحانادان 9279 ى بار، بۋىرشىن اۋدانى الەۋمەتتىك دارەتحانالاردى جاڭادان سالۋ جانە وزگەرتىپ سالۋ قىزمەتىن ويداعىداي ىستەۋ نەگىزىندە، ساياحات دارەتحانالارىن كۇندەلىكتى باسقارۋ تەبىنىن ارتتىرىپ، جۇلدىزدى دارەتحانانى سالۋ جانە باسقارۋ تۇزىمدەرىن ورناتىپ كەمەلدەندىردى ءارى ساياحات دارەتحانالارىن باسقارۋ تۇلعالىق جاۋاپكەرشىلىگىن اناعۇرلىم ايقىنداپ، اۋدانداعى ساياحات دارەتحانالارىن سالۋ جانە باسقارۋ جاعدايىن تەكسەرۋ تەبىنىن ارتتىردى.

  ساياحات دارەتحاناسىنىڭ تازالىق قىزمەتكەرى التىنگۇل تۇنياز: تاڭەرتەڭ ساعات 9:30 دا جۇمىسقا شىعىپ، كەشتە 8:30 جۇمىستان تۇسەمىز، تۇستە دەمالمايمىز، ادامدار كەلگەن سايىن تازالاپ وتىرامىز، كۇنىنە شامامەن 300 دەن استام ادام كەلەدى.

  ساياحات دارەتحانالارى عانا ەمەس، قالاداعى الەۋمەتتىك دارەتحانالار مەن اۋىل-قالاشىقتارداعى الەۋمەتتىك دارەتحانالاردى سالۋ جەدەل ىلگەرىلەتىلۋدە. وسى بىرنەشە جىلدا، قالادان اۋىل-قىستاققا، كورىنىس رايوندارىنان جالپى وڭىرگە دەيىن، تاماشا دارەتحانالار كوبەيدى. ۇعىسۋمىزشا، قازىر ايماعىمىزدا 31625 دارەتحانا سالىنىپ پايدالانۋعا بەرىلگەن، بۇعان جيىنى 300 ميلليون يۋاننان استام قارجى جۇمسالعان.

جاۋاپتى رەداكتور: ءاننا اكىمقان قىزى
  • لي كىچياڭ زۇڭلي مەملەكەتتىك ەكى ماجىلىسكە تىلشىلىك ىستەگەن جۇڭگولىق، شەتەلدىك تىلشىلەرمەن كەزدەستى ءارى سۇراۋلارىنا جاۋاپ بەردى
  • 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭدە جابىلدى
  • مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى جابىلدى
  • قاس-قاعىم ساتتەگى التاي