اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

سەنىمدىلىك بولسا ءتىپتى دە الاڭسىز تۇتىنۋعا بولادى

  بۇگىن ايماعىمىزدا 3-ايدىڭ 15-كۇنى حالىقارالىق تۇتىنۋشىلاردىڭ ۇقىق-مۇددەسى كۇنى بايلانىسمەن "سەنىمدىلىك بولسا ءتىپتى دە الاڭسىز تۇتىنۋعا بولادى" تاقىرىبىنداعى ۇگىتتەۋ، كەڭەس بەرۋ، قىزمەت وتەۋ قيمىلى باستالدى. تاراۋلار بىرلەسىپ تۇتىنۋشىلاردىڭ ۇقىقىن قورعاۋ، تۇتىنۋ حاۋىپسىزدىگى جٶنىندە ۇگىت قيمىلىن ورىستەتىپ، «تۇتىنۋشىلاردىڭ ۇقىق-مۇددەسىن قورعاۋ زاڭىن» جالپىلاستىرىپ، جالعان جارامسىز ونىمدەردى ساتۋ ارەكەتتەرىنە قاتاڭ سوققى بەرىپ، تۇتىنۋشىلاردىڭ ءوزىن قورعاۋ ساناسى مەن تۇتىنۋداعى ۇقىعىن قورعاۋ ساناسىن جوعارىلاتتى.

  قيمىل وتكىزىلگەن جەردە، مەكەمەلەر كەڭەس بەرۋ قىزمەت وتەۋ تەكشەسىن ورنالاستىرۋ، كورمە تاقتاسىن قويۋ، ەلەكتروندىق ەكراندا ۇگىتتەۋ، ۇگىت قاعازىن تاراتۋ، سول جەردىڭ وزىندە ۇگىتتەپ، تانىستىرۋ، جالعان جارامسىز تاۋارلادى كورمەلەۋ سەكىلدى فٶرمالار ارقىلى جۇرگىنشىلەرگە، ءار ۇلت بۇقاراسىنا تۇتىنۋدا ۇقىعىن قورعاۋ، زاڭ جالپىلاستىرۋ جانە تۇتىنۋ بىلىمدەرىن ۇگىتتەپ، "ادال سەنىمدى بولۋ، ءادىل بولۋ، زاڭمەن باسقارۋداي" تاماشا سالتتى ساۋلەلەندىردى.

  التاي قالاسىنىڭ تۇرعىنى: بۇل قيمىل بىزگە ادال سەنىمدى بولۋدىڭ تۇرمىستاعى ماڭىزدىلىعىن ءتۇسىندىردى، تاعى جالعان جارامسىز ونىمدەردى پارىقتاۋ بىلىمدەرىن، الدانۋدان ساقتانۋ بىلىمدەرىن ۇيرەندىك، تۇتىنۋشىلاردىڭ حاۋىپسىزدىك ساناسىن جوعارىلاتتى.

  ايماقتىق بانكە سالاسى قامسىزداندىرۋ قوعامىنىڭ ورىنباسار باستىعى حۋاڭ حاۋ: بانكە سالاسىنداعى ءبىز فينانس بىلىمدەرىن اناعۇرلىم جالپىلاستىرىپ، تۇتىنۋشىلاردىڭ فينانستىق تۇتىنۋداعى حاۋىپسىزدىك ساناسىن جوعارىلاتامىز، اسىرەسە، جالعان حالىق اقشاسىنا قارسى تۇرۋ، ەلەكتروندىق بانكە، بانكە كارتشكاسى جاقتارىنداعى بىلىمدەردى جالپىلاستىرىپ، تۇتىنۋشىلاردىڭ قىزمەت وتەۋدەن الاڭسىز يگىلىكتەنۋىنە مۇمكىندىك جاسايمىز.

  التاي قاناس اۋەجايى 3-ايدىڭ 15-كۇنى حالىقارالىق تۇتىنۋشىلاردىڭ ۇقىق-مۇددەسى كۇنى بايلانىسمەن "سەنىمدىلىكپەن قىزمەت وتەۋ، الاڭسىز تۇتىنۋ" تاقىرىبىن ارقاۋ ەتىپ ۇگىت قيمىلىن ورىستەتتى. قىزمەتكەرلەر جٶلاۋشىلارعا اۆياتسيا حاۋىپسىزدىگى، كەشىكتىرۋگە تولەم بەرۋ، جول ارالىق قىزمەت وتەۋ، جۇك تاسىمالداۋ، حاۋىپسىزدىك تەكسەرۋىن تەز جۇرگىزۋ سەكىلدى ۇشاققا حاۋىپسىز شىعۋ بىلىمدەرىن ءتۇسىندىردى. مەملەكەت ەلەكتر تورابى سەرىكتەستىگى بۋىرشىن اۋداندىق ەلەكترمەن قامداۋ سەرىكتەستىگىنىڭ ۇيىمداستىرۋىمەن قىزمەتكەرلەر جولاۋشى بەكەتىنە، «جينچىڭ» جىلۋ سەرىكتەستىگىنە، «سىرلى كول» جٶلى باستاۋىش مەكتەبىنە بارىپ "3-ايدىڭ 15-كۇنى تۇتىنۋشىلاردىڭ ۇقىق-مۇددەسى كۇنى" بايلانىسىمەن ۇگىت قيمىلىن ورىستەتىپ، ەلەكترگە قاتىستى ساياسات، زاڭ-ەرەجەلەردى بارىنشا ۇگىتتەدى، اسىرەسە، بۇقارا كوڭىل بولگەن قولامتالى ماسەلەلەردى ءتۇسىندىرىپ، جۇرتتى ەلەكتردەن عىلمي، جۇيەلى، حاۋىپسىز پايدالانۋعا جەتەكتەدى.

  بۋىرشىن اۋداندىق ەلەكترمەن قامداۋ سەرىكتەستىگى قالا رايونىن ەلەكترمەن قامداۋ بولىمشەسىنىڭ باستىعى تيان شياۋلياڭ: ەلەكتردەن پايدالاناتىن حالىقتىڭ ەلەكتردەن حاۋىپسىز پايدالانۋ ساناسىن جوعارىلاتىپ، بارلىق ادام ەلەكتردەن حاۋىپسىز پايدالانۋ تالابىن ورىنداۋدى ماقسات ەتتىك.

  تۇتىنۋداعى جاڭا قولامتالى ءتۇيىن، جاڭا بەتالىس، جاڭا سالاعا مەڭزەس، 3-ايدىڭ 5-كۇنىنەن 31-كۇنىنە دەيىن، ايماعىمىزدا تۇرلىشە تۇتىنۋشىلار قاۋىمىنا قاراي تۇتىنۋداعى ۇقىق قورعاۋداعى "بەستى جەتكىزۋ" قيمىلى ورىستەتىلىپ، قىزمەت وتەۋدەگى تۇتىنۋدىڭ، توراپتاعى تۇتىنۋدىڭ، جاسىل تۇتىنۋدىڭ، جاڭاشا تۇتىنۋدىڭ، ساپالى تۇتىنۋدىڭ، اۋىل-قىستاقتاعى تۇتىنۋدىڭ ءتارتىپتى دامۋىنا جەتەكشىلىك ەتىلەدى.

  ايماقتىق بازار باقىلاۋ-باسقارۋ مەكەمەسىنىڭ ورىنباسار باستىعى ما ۋىنحى: وسى رەتكى كەڭەس بەرۋ قيمىلىن ورىستەتۋدە ەندى عانا قۇرىلعان بازار باقىلاۋ-باسقارۋ مەكەمەسىنىڭ فونكتسياسى مىندەتى جانە تۇتىنۋشىلاردىڭ ۇقىق-مۇددەسىن قورعاۋ جاۋاپكەرلىگى مەن مىندەتى ۇگىتتەلدى، بۇرىن 5 مەكەمەنىڭ 5 شاعىم ايتۋ تەلەفون ءنومىرى بار بولسا، قازىر 5 مەكەمە بىرىككەن سوڭ، شاعىم ايتۋ تەلەفون ءنومىرى 12315 وسى ءبىر ءنومىر بولدى، وسىلاي بولعاندا تۇتىنۋشىلاردىڭ شاعىم ايتۋىنا جانە اشكەرەلەۋىنە قولايلى بولادى.

جاۋاپتى رەداكتور: ءاننا اكىمقان قىزى
  • لي كىچياڭ زۇڭلي مەملەكەتتىك ەكى ماجىلىسكە تىلشىلىك ىستەگەن جۇڭگولىق، شەتەلدىك تىلشىلەرمەن كەزدەستى ءارى سۇراۋلارىنا جاۋاپ بەردى (1)
  • 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭدە جابىلدى
  • مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى جابىلدى
  • قاس-قاعىم ساتتەگى التاي