اعاجاي-التاي تورابى   ›   مادەنيەت ارناسى   ›   دەنساۋلىق

الاقاننان كوپ تەر شىعۋ جانە تۇلەۋدىڭ سەبەبى نەدە؟

  بي گۋيجياۋ ـــ جۇڭگو دارىگەرلىك داشۋەسىنە قاراستى 1-شيپاحانا تەرى اۋرۋلار ٴبولىمىنىڭ جاۋاپتى شيپاگەرى.

  ناۋقاستىڭ سۇراۋى:

  شيپاگەر سالەمەتسىز بە، مەنىڭ جيەن قىزىم بيىل 12 جاستا بولاتىن، جاقىنعىءبىر ايدان بەرى قولىنىڭ تەرىسى تۇلەپ، ويىلىپ قالاتىن بولىپ ءجۇر، ءبىراق كوپ قىشىمايدى. شەشەسىنىڭ ايتۋىنشا جيەن قىزىمنىڭ 5جاس كەزىندە دە وسىنداي جاعداي بولىپ، سول كەزدە ۆيتامين جەتىسپەيدى دەپ دياگنوز قويىلىپتى. ايتىڭىزشى، بۇل سالىم اۋىرۋىنىڭ بەلگىسى مە؟ ۆيتاميننىڭ جەتىسپەۋشىلىگى مە؟ الدە باسقالاي اۋىرۋدىڭ بەلگىسى مە؟ قالاي ەمدەۋگە بولادى؟ راحىمەت!

  شيپاگەردىڭ جاۋابى:

  اۋرۋ تاريحى مەن سۋرەتكە قاراعاندا، دياگنوزى «تەر باسىپ جەتىلە الماۋ سيپاتتى سۋلى تەمىرەتكى» نەمەسە «ۇشىق» دەپ دە اتالادى، قول تەمىرەتكىسى نەمەسە ۆيتاميىننىڭ جەتىسپەۋشىلىگىنەن ەمەس.

  «تەر ۇشىق» قول ءبولىمىنىڭ كوپ تەرلەۋىمەن قاتىستى بولىپ، ماۋسىم الماسقاندا قايتالايدى، كەيدە قىشۋى مۇمكىن، كەي جاعدايدا ەشقانداي اسەر بولمايدى. جايشىلىقتا 4~8 اپتادان كەيىن وزدىگىنەن ساۋىعىپ كەتەدى. جيەنىڭىزدىڭ ءدال جاستىق شاق مەزگىلى بولعاندىقتان، تەرى بەزدەردىڭ سۇيىقتىق ءبولىپ شىعارۋى ءبىرشاما كوپ. ەگەر دەنەدەگى ۋىت تولىق شىقپاسا، تەرىنىڭ استىندا سۋلى بورىتكەندەر وڭاي قالىپتاسىپ، قۇرعاۋ بارىسىندا قابىرشاقتانىپ تۇلەيدى.

  سىزگە تومەندەگىدەي ەمدەۋ جوباسىن ايتىپ بەرەيىن:

  1. ەمدەۋدە، فتورلى مەتر كورتيزون سۇرتپە مايى(复方氟米松软膏) مەن ۋرەا ۆيتامين E ٴسۇت پاستاسىنان (尿素维E乳膏) قولىڭىزعا كۇنىنە ەكى رەت جاعۋىڭىزعا بولادى. الدىمەن قايسى سىقپا ٴدارىنى پايدالانساڭىز دا بولادى، ارالىعى 30 مينۋتتان كەم بولماسىن. جايشىلقتا قولىڭىزدىڭ ىلعالدىعىن ارتتىراتىن مايلاردى قولدانساڭىز بولادى.

  ۋرەا ۆيتامين E ٴسۇت پاستاسىن(尿素维E 乳膏) ۇزاق ۋاقىت ىستەتۋىڭىزگە بولادى، ءبىراق فتورلى مەتر كورتيزون سۇرتپە مايىن(复方氟米松软膏) 3 ايدان ارتىق ىستەتۋگە بولمايدى.

  2. جايشىلىقتا سۋعا تيگىزۋگە بولمايدى، اسىرەسە ىستىق سۋعا جولاماعان دۇرىس. سونىمەن بىرگە، كىر جۋۋعا پايدالاناتىن سىلتىلىك بۇيىمداردى از پايدالانعان ءجون، مىسالى، ءيىس سابىن، كىر سابىن، تازارتقىش دارىلەر قاتارلىلار.

  3.ازىق-تۇلىك جاعىنان تيىم سالۋدىڭ قاجەتى جوق (بالانىڭ وزىنە كەرى اسەر جاسايتىن كەيبىر ازىقتىقتاردان باسقا)، تەڭىز ونىمدەرى قاتارلى ايتىلمىش «قۋاتتى جەمەكتىكتەردى» دە تۇتىنۋعا بولادى.

  4.ۇيقىنىڭ زاڭدىلىعى توتەنشە ماڭىزدى.

  بورتپەنىڭ (سۋلى تەمىرەتكى) اۋرۋ سەبەپتەرى وتە كۇردەلى بولىپ، ىشكى جانە سىرتقى فاكتورلاردىڭ اسەرىنەن پايدا بولادى، تومەندە سىزدەرگە تولىقتىرىپ تۇسىندىرە كەتەيىن:

  (1) سىرتقى سەبەپ

  تىرشىلىك ورتاسى، اۋا رايى سياقتىلار سۋلى تەمىرەتكىنىڭ پايدا بولۋىنا ىقپال جاسايدى.

  سىرتقى ورتانىڭ تىتىركەندىرۋى، مىسالى، كۇن نۇرى، اياز، شىلىڭگىر ىستىق، قۇرعاقتىق، كوپ تەرلەۋ، قىشۋ، ۇيكەلىس، ٴتۇرلى حايۋاناتتاردىڭ تەرسى، حيميالىق زاتتار جانە كەيبىر كۇندەلىكتى تۇرمىستىق بۇيىمدار (ماسەلەن، بەزەنۋ بۇيىمدارى، سابىن، جاساندى تالشىق ت.ب) سۋلى تەمىرەتكىنىڭ پايدا بولۋىن كەلتىرىپ شىعارادى.

  (2) ىشكى سەبەپ

  تۇقىم قۋالاۋ فاكتورىنان سىرت، رۋحي قاربالاستىق، ۇيقى بۇزىلۋ، قالىپتان تىس قالجىراۋ، كوڭىل-كۇيدىڭ تۇراقسىزدىعى، سوزىلمالى اس قورىتۋ جۇيەسىنىڭ اۋرۋلارى، زات الماسۋدىڭ توسىلۋى جانە ىشكى سەكرەتسيانىڭ بۇزىلۋى قاتارلىلار سۋلى تەمىرەتكىنىڭ پايدا بولۋىن نەمەسە اۋرۋ جاعدايىن ونان ارى اسقىندىرا تۇسەدى.

  اۋدارعان: ءاننا اكىمقان قىزى

جاۋاپتى رەداكتور: ءاننا اكىمقان قىزى
  • قاس-قاعىم ساتتەگى التاي
  • ارميامىز قۇرىلىسى دامۋىنىڭ ”13 - بەسجىلدىق“ جوباسىن تياناقتاندىرۋدىڭ قامال الۋ شايقاسىن ويداعىداي جۇرگىزىپ، مەملەكەت قورعانىسى مەن ارميا قۇرىلىسى نىسانالارىنىڭ، مىندەتتەرىنىڭ دەر كەزىندە ورىندالۋىنا شىنايى كەپىلدىك ەتەيىك
  • شينجياڭنىڭ التاي ايماعىندا اسەم قىراۋ كورىنىسى قالىپتاستى
  • جاڭ يان جەمەنەي اۋدانىندا تۇيىندە تۇرىپ تەكسەرۋ ـ زەرتتەۋ جۇرگىزگەن كەزدە مىنانى اتاپ كورسەتتى