اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماعىمىزدا ۇلتتار ىنتىماعى قىزمەتى تىڭعىلىقتى ىستەلدى

  2017-جىلى 3-ايدىڭ 10-كۇنى، باس شۋجي شي جينپيڭ 12-كەزەكتى مەملەكەتتىك حالىق قۇرىلتايىنىڭ بەسىنشى ماجىلىسىندە شينجياڭ ۋاكىلدەرى ۇيىرمەسىنىڭ تالقىسىنا قاتىناسقاندا مىنالاردى اتاپ كورسەتتكەن ەدى: «ۇلتتار ىنتىماعى- ءار ۇلت حالقىنىڭ جان تامىرى، شينجياڭنىڭ دامىپ العا باسۋىنىڭ ءتۇبىرلى ىرگە تاسى». سوندىقتان «ۇلتتار ىنتىماعىن كوز قاراشىعىمىزداي قورعاۋىمىز، ءومىرىمىزدى قاستەرلەگەندەي قاستەرلەۋىمىز، اناردىڭ دانىندەي تىعىز ۇيىسۋىمىز كەرەك». ايماعىمىزداعىلار باس شۋجيدىڭ تاپسىرماسىن ەستە بەرىك ساقتاپ، ۇلتتار ىنتىماعى قىزمەتىن ەڭ ءىرى بۇقارالىق قىزمەت ەتىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، «ۇلتتار ىنتىماعىنىڭ بەرەكەلى شاڭىراعى قيمىلى» مەن ۇلتتار ىنتىماعى دوستىق قيمىلدارىن ۇزدىكسىز ويداعىداي ورىستەتىپ، ۇلتتار ىنتىماعىنىڭ گۇلىن شەشەك اتتىردى.

  تاياۋدا بۋىرشىن اۋداندىق جايىلىم باقىلاپ- باسقارۋ پۋنكىتىنىڭ كادرى سايلان ويماقى قالاشىعىنىڭ اقبۇلعىن قىستاعىنداعى سەرىكتەسىپ تۋىس بولعان تۋىسى تالعاتبەك ىدىرىش ۇلىنىڭ ۇيىنە بارىپ سۋ تاسىپ، كومىر كىرگىزىپ، اۋلا سىپىرىپ، تۋىسىنىڭءۇي جۇمىستارىن تىندىرۋىنا كومەكتەستى.

  ويماقى قالاشىعى اقبۇلعىن قىستاعىنىڭ تۇرعىنى گۇلبانۋ مانكەي قىزى: تۋىسىمىز ۇنەمى كەلىپ كومەكتەسىپ تۇرادى، سەمياداعى ۇلكەن-كىشى جۇمىستاردىڭ بارلىعىن ىستەيدى، ءبىر وتباسىنىڭ ادامىنداي بولىپ كەتتىك.تالعاتبەكتىڭ ايەلى، قىزى مەن ۇلى جارىمجان بولعاندىقتان ءبىر وتباسىنىڭ بارلىق اۋىرتپالىعى كەلىنى گۇلبانۋدىڭ موينىندا بولاتىن، تۋىسىنىڭ كەلۋى وسى وتباسىنىڭ اۋىرتپالىعىن جەڭىلدەتۋگە سەپتىگىن تيگىزدى.بۋىرشىن اۋداندىق جايىلىم باقىلاپ- باسقارۋ پۋنكىتىنىڭ كادرى سايلان: تۋىسىم تالعاتبەك وتباسىنىڭ قيىنشىلىعى ءبىرشاما اۋىر، ەڭبەككۇش از، ءۇي جۇمىستارىن ىستەپ بەرىپ، ولاردىڭ قينشىلىعىن جەڭىلدەتۋگە شامامنىڭ كەلىسىنشە كومەكتەستىم.شىڭگىل اۋدانى اقدالا قالاشىعى اقدالا قىستاعىنىڭ تۇرعىنى گۇلباقىت جالعىزىلىك قارت بولعاندىقتان ۇكىمەت ول كىسىگە جاڭا ءۇي سالىپ بەرگەن ەدى، ايماقتىق حالىق بانكەسىنىڭ كادرى ماۋىلقان ول كىسىگە تۋىس بولعاننان بەرى، بۇل ۇيدى ءوز ۇيىندەي كورىپ، قارتتىڭ ۇيىنە سۋ جىلتقىش ورناتىپ، جاڭا ءۇيدىڭ ەدەنىنە شىنى كەرپىش جاتقىزىپ بەردى، التايدان ارناۋلى اس ۇيگە قوياتىن شكاپ الدىرىپ، جاڭا ۇيدى اشەكەيلەۋگە بارىنشا كومەكتەستى.شىڭگىل اۋدانى اقدالا قالاشىعى اقدالا قىستاعىنىڭ تۇرعىنى گۇلباقىت: ءار رەت ولار كەلگەن كەزدە ەرەكشە قۋانامىن، كەتەتىن كەزدە قيماي قالامىن، ول كەلسە بىرگە تاماق ءىشىپ اڭگىمە دۇكەنىن قۇرىپ جىرعاپ قالامىن.وتكەن جىلى قارتتىڭ ءۇي سالۋ ويى بارلىعىن بىلگەننەن كەيىن ماۋىلقان قىزمەتتەستەرىن شاقىرىپ، ول كىسىنىڭ ءۇي سالۋىنا كومەكتەسىپ، جاڭا ۇيگە توك تارتىپ بەردى. ماۋىلقاننىڭ ەڭبەگىنە ءدان ريزا بولعان گۇلباقىت ول ۇيگە كەلگەن سايىن ءتاتتى- دامدىسىن دايىنداپ، ءوز وتباسىنىڭ ادامىنداي قارسى الادى ەكەن.ايماقتىق حالىق بانكەسىنىڭ كادىرى ماۋىلقان: بۇدان كەيىن بۇل ءۇيدى ءوز ۇيىمدەي كورەمىن، وسى وتباسىنىڭ ءبىر مۇشەسى رەتىندە وسى كىسىنىڭ جايلى تۇرمىس كەشىرۋىنە شامامنىڭ كەلىسىنشە كومەكتەسەمىن.«ۇلتتار ىنتىماعىنىڭ بەرەكەلى شاڭىراعى قيمىلى» مەن ۇلتتار ىنتىماعى دوستىق قيمىلىن كەڭ كولەمدى ورىستەتۋ بارىسىندا ايماعىمىزداعى 34 مىڭ كادر- قىزمەتكەر 40 مىڭعا جۋىق بۇقارا وتباسىمەن سەرىكتەسىپ تۋىس بولىپ، ءبىر وتباسىنىڭ ادامىنداي تاتۋ- ءتاتتى ءوتتى. كوپشىلىك ءوزارا بارىس-كەلىس جاساپ، ءوزارا كومەكتەسىپ، توننىڭ ىشكى باۋىنداي ەتەنە بولىپ، بەرەكە- بىرلىكتى بارىنشا نىعايتىپ، اناردىڭ دانىندەي تىعىز ۇيىسىپ، اناعۇرلىم تىنىش، كورىكتى، قۇت ۇيىعان جاڭا التايدى كوركەيتۋگە بىرگە كۇش سالدى.

جاۋاپتى رەداكتور: ءاننا اكىمقان قىزى
  • قاس-قاعىم ساتتەگى التاي
  • ارميامىز قۇرىلىسى دامۋىنىڭ ”13 - بەسجىلدىق“ جوباسىن تياناقتاندىرۋدىڭ قامال الۋ شايقاسىن ويداعىداي جۇرگىزىپ، مەملەكەت قورعانىسى مەن ارميا قۇرىلىسى نىسانالارىنىڭ، مىندەتتەرىنىڭ دەر كەزىندە ورىندالۋىنا شىنايى كەپىلدىك ەتەيىك
  • شينجياڭنىڭ التاي ايماعىندا اسەم قىراۋ كورىنىسى قالىپتاستى
  • جاڭ يان جەمەنەي اۋدانىندا تۇيىندە تۇرىپ تەكسەرۋ ـ زەرتتەۋ جۇرگىزگەن كەزدە مىنانى اتاپ كورسەتتى