اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

شىڭگىل اۋدانىندا تاسقىننان ساقتانۋ قىزمەتى تىڭعىلىقتى ىستەلدى

  كۇننىڭ بىرتىندەپ جىلىنۋىنا ساي، قار ەرۋدەن تاسقىن جۇرۋ مۇمكىندىگىنىڭ بار ەكەنىن ەسكەرگەن شىڭگىل اۋدانىنداعىلار مۇز جارۋ، توعان ارشۋ، تيەك اعىتۋ جۇمىستارىن دەر كەزىندە تىڭعىلىقتى ىستەپ تاسقىننان ساقتاندى. 3-ايدىڭ 11-كۇنىنەن باستاپ ارال اۋىلدىق سۋ باسقارۋ پۋنكتىنىڭ 15 قىزمەتكەرى چيڭحاي ۇلكەن توعانىنداعى مۇزدى جارىپ، توعان ارشىپ، تاسقىن سۋىن اعىزدى.

  شىڭگىل اۋدانى ارال اۋىلدىق سۋ باسقارۋ پۋنكتىنىڭ باستىعى قالتاي: توعان نەداۋىر ۇلكەن بولعاندىقتان مۇز جارۋ نەداۋىر قيىنعا سوقتى، داباتى قىستاعىنداعى توعاننىڭ تيەگىن ءسوزجوق اعىتۋ كەرەك، سۋدى دەر كەزىندە اعىزساق شارۋالاردىڭ ەگىستىك جەرى مەن ءۇيىنىڭ حاۋىپسىزدىگىنە كەپىلدىك ەتۋگە بولادى، تۇقىم سىڭىرۋ جۇمىستارىن ۋاعىندا ىستەي الادى، ءبىر اپتانىڭ ىشىندە ءۇش ورىنداعى مۇزدى جارۋ مىندەتىن ورىندايمىز.

  قازىر شىڭگىل اۋدانىندا تاسقىننان ساقتانۋعا قاجەتتى 40 مىڭ داعار، 10 مىڭ شارشى مەتر تەمىر تور ازىرلەنۋمەن بىرگە ءبىر ميلليون يۋان تاسقىننان ساقتانۋ قارجىسى تياناقتاندى، 28 مىڭ داعار، 30 مىڭ شارشى مەتر ءتۇستى كەزدەمە، 40 مىڭ شارشى تەمىر شارباق تولىقتاپ ساتىپ الىندى. سونىمەن قاتار شۇعىل جاعدايعا توتەپ بەرۋگە، اپاتتان اراشالاۋعا قاجەتتى 7 اۆتوكولىك دايىندالىپ، 20 ادامنان قۇرالعان تاۋلىك بويى جۇمىس ىستەيتىن اپاتتان اراشالاۋ قوسىنى قۇرىلدى، سونىمەن قاتار تاسقىننان ساقتانۋعا قاجەتتى قۇرىلىس ماشيناسى دايىندالىپ، تاسقىن اپاتى تۋىلسا دەركەزىندە مالىمدەپ، قىزمەتكەرلەردى دەركەزىندە ورنالاستىرۋعا كەپىلدىك ەتىلدى. اسكەرلەر مەن حالىق جاساقتارىنان ۇيىمداسقان 5 شۇعىل جاعدايعا توتەپ بەرۋ، اپاتتان قۇتقارۋ شاعىن اترەتى قۇرىلىپ، 8 اۋىل-قالاشىق پەن قىستاقتى بىرلىك ەتكەن 52 شۇعىل جاعدايعا توتەپ بەرۋ، اپاتتان قۇتقارۋ قوسىنى ازىرلەنىپ، تاسقىننان ساقتانۋعا مىعىم دايىندىق جاسالدى.

  شىڭگىل اۋداندىق سۋ يگىلىگى مەكەمەسىنىڭ كادرى ۋاڭ جين: اۋدانىمىزدا جيىنى 9 سۋ قويماسى، ەكى ورتا ءتيپتى سۋ قويماسى، 7 شاعىن سۋ قويماسى بار، قازىر سۋقويمالارىندا تاۋلىك بويى كەزەكشىلىك ىستەۋ ءتۇزىمى اتقارىلىپ، تاسقىننان ساقتانۋ قىزمەتىن ءونىمدى ورىستەتۋگە كەپىلدىك ەتىلدى. وسىمەن بىرگە تاسقىن تۋىلاتىن 16 ءتۇيىندى سايدىڭ ىشىندە 15 سايعا باقىلاۋ كامەراسى ورناتىلدى، تاسقىننان ساقتانۋعا قاجەتتى قۇرىلعىلار تولىق ورناتىلىپ بارلىق سان سيفىردىڭ اۋداندىق سۋ يگىلىگى مەكەمەسىنىڭ تاسقىننان ساقتانۋ، قۋاڭشىلىققا قارسى تۇرۋعا قولباسشىلىق ەتۋ كەڭسەسىنىڭ باقىلاۋ-ولشەۋ تەكشەسىنە دەركەزىندە جولدانۋىنا مۇمكىندىك جاسالدى.

جاۋاپتى رەداكتور: ءاننا اكىمقان قىزى
  • قاس-قاعىم ساتتەگى التاي
  • ارميامىز قۇرىلىسى دامۋىنىڭ ”13 - بەسجىلدىق“ جوباسىن تياناقتاندىرۋدىڭ قامال الۋ شايقاسىن ويداعىداي جۇرگىزىپ، مەملەكەت قورعانىسى مەن ارميا قۇرىلىسى نىسانالارىنىڭ، مىندەتتەرىنىڭ دەر كەزىندە ورىندالۋىنا شىنايى كەپىلدىك ەتەيىك
  • شينجياڭنىڭ التاي ايماعىندا اسەم قىراۋ كورىنىسى قالىپتاستى
  • جاڭ يان جەمەنەي اۋدانىندا تۇيىندە تۇرىپ تەكسەرۋ ـ زەرتتەۋ جۇرگىزگەن كەزدە مىنانى اتاپ كورسەتتى