اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

حيلۇڭجياڭ ولكەسىندەگى جوعارى دارەجەلى كاسىپتىك مەكتەپتەردەن كەلگەن وقىتۋشىلاردىڭ اڭگىمە ءماجىلىسى وتكىزىلدى

  ايماعىمىزدىڭ حيلۇڭجياڭ ولكەسىندەگى جوعارى دارەجەلى كاسىپتىك مەكتەپ وقىتۋشىلارىنىڭ شينجياڭعا كومەكتەسۋ بايلانىسىمەن وقۋ- اعارتۋ ىسىنە كومەكتەسۋى جونىندەگى اڭگىمە ءماجىلىسى 3- ايدىڭ 12- كۇنى اشىلدى. ايماقتىق پارتكومنىڭ ورىنباسار شۋجيى، وقۋ- اعارتۋ قىزمەت كوميتەتىنىڭ شۋجيى، ۇگىت ءبولىمىنىڭ باستىعى دوۋ جاۋحۇي، ايماقتىق پارتكومنىڭ ورىنباسار شۋجيى، حيلۇڭجياڭ ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابىنىڭ باس قولباسشىسى لي بيڭ قاتارلى باسشىلار اڭگىمە ماجىلىسىنە قاتىناستى.

  بيىل ايماقتىق پارتكوم «ساياحات كاسىبىن نەگىزگى تۇلعا ەتۋ، ءبىرىنشى كاسىپكە قوزعاۋشىلىق ەتۋ، ەكىنشى كاسىپتى بيىك كوتەرۋ» سىندى كاسىپ دامىتۋ تۇرعىسى بويىنشا، 550 ميلليون يۋان قارجى جۇمساۋ ارقىلى ايماعىمىزداعى تۇڭعىش ساياحات كاسىپتىك شۋەيۋانىن قۇرىپ، «ساياحات ارقىلى شينجياڭدى گۇلدەندىرۋ ستراتەگياسىنا» قىزمەت وتەيتىن جوعارى ساپالى تەحنيكالىق دارىندىلاردى كوپتەپ تاربيەلەۋگە كۇش سالدى. التاي ساياحات كاسىپتىك شۋەيۋانىنىڭ دامۋىن جەبەۋگە قولداۋ كورسەتۋ ءۇشىن حيلۇڭجياڭ ولكەسىندەگى جوعارى دارەجەلى كاسىپتىك مەكتەپتەردەن شينجياڭعا كومەككە كەلگەن العاش توپتاعى 20 تاڭداۋلى وقىتۋشى تاياۋدا التايعا جەتتى. وسى وقىتۋشىلار التاي ساياحات كاسىپتىك شۋەيۋانىندا 4 اي الدىڭعى مەرزىمدىك تاربيەلەۋدىڭ دايىندىق قىزمەتتەرىن ورىستەتەدى.

  دوۋ جاۋحۇي مىنالاردى اتاپ كورسەتتى: العاش توپتا كومەككە كەلگەن وقىتۋشىلاردىڭ التايعا كەلىپ وقۋ- اعارتۋ ىسىنە كومەكتەسۋ قىزمەتىن ورىستەتۋى «التاي ساياحات كاسىپتىك شۋەيۋانىنىڭ دامۋىن جەبەۋگە باعىتتامالى قولداۋ كورسەتۋ قىزمەتىن تەرەڭدەتۋ كەلىسىمىنىڭ» بەلسەندى تياناقتانۋىنىڭ تولىق بەينەلەنۋى ەسەپتەلەدى. حيلۇڭجياڭ ولكەسىنەن كومەككە كەلگەن وقىتۋشىلاردىڭ التاي ساياحات كاسىپتىك شۋەيۋانىنىڭ ولشەم بەلگىلەۋىنە، ۇلگى قالىپتاستىرۋىنا، قىزمەت ءتارتىبىن ورناتۋىنا، جوبا بەلگىلەۋىنە كومەكتەسۋىن ءۇمىت ەتەمىن. سونىمەن قاتار كومەككە كەلگەن وقىتۋشىلاردىڭ ورتاعا، قىزمەت ورنىنا، قىزمەت ولشەمىنە تەزىرەك ۇيلەسىپ، ساياسي قىراعىلىق پەن ساياسي پارىقتاۋ قۋاتىن تىنباي جوعارىلاتىپ، دارىنىن تەزىرەك ايگىلەپ، جوعارى دارەجەلى كاسىپتىك شۋەيۋاننىڭ قالىپتاسۋىنا ۇلەس قوسۋىن ءۇمىت ەتەمىن.

  لي بيڭ مىنانى تالاپ ەتتى: جوعارى دارەجەلى كاسىپتىك تاربيە باقشاسى شينجياڭعا كومەكتەسۋ بايلانىسىمەن وقۋ- اعارتۋ ىسىنە كومەكتەسۋگە كەلگەن وقىتۋشىلارعا تاماشا قىزمەت، ۇيرەنۋ، تۇرمىس ورتاسىن جاراتىپ بەردى. كومەككە كەلگەن وقىتۋشىلار قازىرگى جاعدايدى تياناق ەتىپ، تەزىرەك ۇيلەسىپ، قىزمەتكە ىرىقتىلىقپەن بەل شەشە كىرىسۋى، ۇيىمنىڭ ورنالاستىرۋىنا بويسۇنىپ، قىزمەت ءتارتىبىن قاتاڭداستىرىپ، وقۋ- اعارتۋ قىزمەتىنە كومەكتەسۋ قىزمەتىنىڭ ءتارتىپتى ورىستەتىلۋىنە كەپىلدىك ەتۋ كەرەك.

  حيلۇڭجياڭ ولكەسىنەن كومەككە كەلگەن وقىتۋشىلار قىزمەت ورتاسىنا تەزىرەك ۇيلەسىپ، قىزمەتتى بەرىلە ىستەپ التاي ساياحات كاسىپتىك شۋەيۋانىنىڭ وقىتۋ ىستەرىنىڭ دامۋىنا اقىل- پاراساتى مەن كۇش- قۋاتىن ارنايتىنىن ءبىلدىردى.

  اڭگىمە ماجىلىسىندە كومەككە كەلگەن وقىتۋشىلاردىڭ ۋاكىلى حيلۇڭجياڭ ولكەلىك اۋىل شارۋاشىلىعى ەكونوميكاسى كاسىپتىك شۋەيۋانى ايماقتىق ساياحات كاسىپتىك شۋەيۋانىنا تەرەڭ دوستىقتىڭ كۋاسى بولعان كوركەمدەپ جازىلعان جازۋ ۇسىندى. ايماقتىق پارتكومنىڭ، اكىمشىلىك مەكەمەسىنىڭ ورىنباسار باس حاتشىلارى، حيلۇڭجياڭ ولكەلىك وقۋ- اعارتۋ مەڭگەرمەسىنىڭ سونداي- اق ايماقتىق وقۋ- اعارتۋ مەكەمەسىنىڭ، ايماققا توتە قاراستى قاتىستى مەكتەپتەردىڭ باسشىلارى، حيليۇڭجياڭ ولكەسىنەن كومەككە كەلگەن وقىتۋشىلار ماجىلىسكە قاتىناستى.

جاۋاپتى رەداكتور: ءاننا اكىمقان قىزى
  • قاس-قاعىم ساتتەگى التاي
  • ارميامىز قۇرىلىسى دامۋىنىڭ ”13 - بەسجىلدىق“ جوباسىن تياناقتاندىرۋدىڭ قامال الۋ شايقاسىن ويداعىداي جۇرگىزىپ، مەملەكەت قورعانىسى مەن ارميا قۇرىلىسى نىسانالارىنىڭ، مىندەتتەرىنىڭ دەر كەزىندە ورىندالۋىنا شىنايى كەپىلدىك ەتەيىك
  • شينجياڭنىڭ التاي ايماعىندا اسەم قىراۋ كورىنىسى قالىپتاستى
  • جاڭ يان جەمەنەي اۋدانىندا تۇيىندە تۇرىپ تەكسەرۋ ـ زەرتتەۋ جۇرگىزگەن كەزدە مىنانى اتاپ كورسەتتى