اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

بۋىرشىن اۋدانىنداعى ٴار ۇلت كادر ـ بۇقاراسى ۇكىمەت قىزمەتىنەن باياندامانى قىزۋ تالقىلادى

جاڭا داۋىردە جاڭا جورىققا قادام تاستايمىز

  التاي گازەتىنىڭ ۇسىنىس ەتىلگەن ٴتىلشىسى لي حۇيليڭ حابارلايدى. جاقىنعى كۇندەردەن بەرى، بۋىرشىن اۋدانىنداعى ٴار ۇلت كادر ـ بۇقاراسى ۇكىمەت قىزمەتىنەن باياندامانى قىزۋ تالقىلاپ، «ەكى ٴماجىلىستىڭ» رۋحىن ۇيرەندى.

  بۋىرشىن اۋدانىنداعى اسكەردەن بوساعان لي كىجى بۋىرشىن قالاشىعى ەرتىس وزەنى الەۋمەتتىك اۋماعى وتكىزگەن «كاسىپورىنداردىڭ قىزمەتكەر قابىلداۋ جينالىسىنا» قاتىناسىپ، وزىنە لايىقتى قىزمەت ورنىن ىزدەدى. ول بىلاي دەدى: «ۇكىمەت قىزمەتىنەن باياندامادا جوعارى مەكتەپ بىتىرگەن وقۋشىلار، اسكەردەن بوساعاندار، ديقان جۇمىسكەرلەر قاتارلى ٴتۇيىندى توپتاردىڭ جۇمىستانۋ ماسەلەسىن ويداعىداي شەشىپ، قالا ـ قالاشىقتاعى جۇمىستانۋى قيىن بولعان ادامدارعا كومەكتەسۋدى كۇشەيتۋ كەرەك ـ دەپ العا قويىلدى. ەلىمىز اسكەردەن بوساعانداردى ورنالاستىرۋ قىزمەتىنە باسا ٴمان بەردى، بولاشاققا دەگەن سەنىمىم ارتا ٴتۇستى».

  ەگىزتوبە اۋىلىنىڭ توپتەرەك قىستاعىنداعى ەگىنشى ـ مالشىلار كەشكى مەكتەبىندە قىستاقتىڭ ٴبىرىنشى شۋجيى، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتىنىڭ باستىعى جۋ ۋي ـ ۋي قىستاق تۇرعىندارىمەن بىرلىكتە ۇكىمەت قىزمەتىنەن باياندامانى ۇيرەندى. بايانداماداعى «اۋىل ـ شارۋاشىلىعىن، اۋىل ـ قىستاقتى الدىمەن دامىتۋعا تاباندى بولىپ، كەدەيلىكتەن ارىلتۋدان قامال الۋدى اۋىل ـ قىستاقتى گۇلدەندىرۋمەن ٴبىر تۇتاس سايكەستىرۋ كەرەك» ـ دەگەن ٴسوز كوپشىلىكتىڭ اراسىندا كۇشتى اڭىس قوزعادى. قىزمەت اترەتى قىستاققا تۇسكەننەن بەرى، اۋىل ـ قىستاق ورتاسىن جاقسارتۋ، كاسىپ قۇرىلىمىن رەتكە سالۋ تەبىنىن ارتتىرۋ قاتارلى جاقتاردا قىرۋار قىزمەت ىستەدى، بۇگىنگى تاڭدا توپتەرەك قىستاعىنىڭ بەت ـ بەينەسىندە زور وزگەرىس بولىپ، بۇقارانىڭ تۇرمىس دەڭگەيى كورنەكتى جوعارىلادى. جۋ ۋ ـ يۋي بىلاي دەدى: «بيىل توپتەرەك قىستاعىنىڭ ارتىقشىلىعىن ساۋلەلەندىرىپ، ەرەكشە ەگىمشىلىك، ەڭبەككۇشتەردى باسقا كاسىپكە ويىستىرۋ، قونىس ورتاسىن جاقسارتۋ قاتارلى جاقتاردا كۇش سالىپ، قىستاق تۇرعىندارىن تاماشا تۇرمىسقا باستايمىز».

  2019 ـ جىلعى ۇكىمەت قىزمەتىنەن بايانداماداعى:«ۇنەمى كەزدەسەتىن سوزىلمالى ناۋقاستاردى ەمدەۋ قىزمەتىن ويداعىداي ىستەپ، جوعارى قان قىسىمى، قانتتى نەسەپ اۋرۋى قاتارلىلارعا شالدىققان ناۋقاستار امبولاتوريادا ناۋقاس كورسەتكەن كەزدە ەسەپتەن كوتەرۋ كەرەك» ـ دەگەن مازمۇن بۋىرشىن اۋدانىنداعى جوعارى قان قىسىمى ناۋقاسىنا شالدىققان ٴنابي ٴۇشىن قۋانىشتى حابار بولدى. ول بىلاي دەدى:«جوعارى قان قىسىمى ناۋقاسىنا شالدىققانىما 20 جىل بولدى، ۇنەمى ٴدارى ىشەمىن، ايىنا كەم دەگەندە 160 يۋان قارجى جۇمسايمىن، جوعارى قان قىسىمى، قانتتى نەسەپ اۋرۋى قاتارلىلارعا شالدىققان ناۋقاستار امبولاتوريادا ناۋقاس كورسەتكەن كەزدە ەسەپتەن كوتەرۋ جۇزەگە اساتىن بولسا وتە جاقسى بولدى».

  ويماقى قالاشىعى ويماقى قىستاعىنىڭ تۇرعىنى جوۋ دىجياڭ تۋىسى بولعان كادر ەسبولمەن بىرگە «ەكى ماجىلىستەگى» حالىق تۇرمىسىنا قاتىستى مازمۇنداردى تالقىلادى. جوۋ دىجياڭ بىلاي دەدى: «تاياۋ جىلدان بەرى ەلىمىزدىڭ قۇدىرەتتەنۋ جولىنا قادام تاستاعانىن تەرەڭ سەزىندىك، بەيقۇت ٴۇي سالىپ حالىقتى اۋقاتتاندىرۋ، مىندەتتى وقۋ ـ اعارتۋ، دەنساۋلىق تەكسەرتۋ، اۋىل شارۋاشىلىق جابدىقتارىن ساتىپ العاندا قوسىمشا قاراجات بەرۋ قاتارلى ٴتيىمدى ساياساتتار بۇقارانىڭ باقىت سەزىمىن ۇزدىكسىز جوعارىلاتتى. قۇرىلتايدا العا قويىلعان حالىق تۇرمىسى ماسەلەلەرى بۇقارا نازار اۋدارىپ كەلە جاتقان ماسەلەلەر، پارتيامىزدىڭ حالىقتىڭ ۇنىنە قۇلاق اسىپ، حالىقتىڭ حال ـ جاعدايىن ەسىنەن شىعارماي كەلە جاتقانىنا كوپ راقىمەت ايتامىز. بيىل 150 مىڭ يۋان تومەن ٴوسىمدى قارىز اقشانى ٴوتىنىش ەتتىم، باعىمشىلىق اۋماعىن كەڭەيتىپ، تاماشا ساياساتتىڭ باستاۋىندا تۇرمىسىمدى ۇزدىكسىز جاقسارتسام دەيمىن».

  بۋىرشىن اۋدانىنداعى ٴار ۇلت كادر ـ بۇقاراسى «ەكى ٴماجىلىستىڭ» رۋحىن ۇيرەنىپ، «ەكى ٴماجىلىستى» تىلگە تيەك ەتتى. كوپشىلىك مەملەكەتتىك «ەكى ٴماجىلىستىڭ» رۋحىن ىشكەرىلەي ۇيرەنىپ، تىعىز ىنتىماقتاسىپ، شىنايى يگەرىپ، ناقتى ىستەپ، ٴتۇرلى قىزمەتتى ويداعىداي تياناقتاندىرىپ، تاماشا تۇرمىسقا بىرگە قادام تاستايتىنىن ٴبىلدىردى.

جاۋاپتى رەداكتور: ءاننا اكىمقان قىزى
  • قاس-قاعىم ساتتەگى التاي
  • ارميامىز قۇرىلىسى دامۋىنىڭ ”13 - بەسجىلدىق“ جوباسىن تياناقتاندىرۋدىڭ قامال الۋ شايقاسىن ويداعىداي جۇرگىزىپ، مەملەكەت قورعانىسى مەن ارميا قۇرىلىسى نىسانالارىنىڭ، مىندەتتەرىنىڭ دەر كەزىندە ورىندالۋىنا شىنايى كەپىلدىك ەتەيىك
  • شينجياڭنىڭ التاي ايماعىندا اسەم قىراۋ كورىنىسى قالىپتاستى
  • جاڭ يان جەمەنەي اۋدانىندا تۇيىندە تۇرىپ تەكسەرۋ ـ زەرتتەۋ جۇرگىزگەن كەزدە مىنانى اتاپ كورسەتتى