اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماعىمىز حيلۇڭجياڭ ولكەسىنىڭ جوعارى كاسىپتىك شۋەيۋانىنان كەلگەن وقىتۋشىلارمەن وقۋ ـ اعارتۋ ىستەرىنە باعىتتامالى كومەكتەسۋ قىزمەتى جونىندە اڭگىمە ٴماجىلىسىن وتكىزدى

وقۋ ـ اعارتۋ ىستەرىنە باعىتتامالى كومەكتەسۋ قىزمەتىن بار زەيىن ـ زەردەمىزدى سالا وتىرىپ ويداعىداي ىستەيمىز

  التاي گازەتىنىڭ ٴتىلشىسى حۋ جۇنشيۋ حابارلايدى. جاقىندا، حيلۇڭجياڭ ولكەسىنىڭ تۇڭعىش توپتاعى جوعارى كاسىپتىك شۋەيۋانىنان كەلگەن 20 وقىتۋشى التاي كاسىپتىك وقىتۋ باقشا رايونىنا جەتتى. ولار الدا 4 اي ۋاقىتپەن وقۋ ـ اعارتۋ، وقىتۋ ىستەرىنە ازىرلىك كورەدى. 3 ـ ايدىڭ 12 ـ كۇنى ايماعىمىز حيلۇڭجياڭ ولكەسىنىڭ جوعارى كاسىپتىك شۋەيۋانىنان كەلگەن وقىتۋشىلارمەن وقۋ ـ اعارتۋ ىستەرىنە باعىتتامالى كومەكتەسۋ قىزمەتى جونىندە اڭگىمە ٴماجىلىسىن وتكىزدى. ايماقتىق پارتكومنىڭ ورىنباسار شۋجيى، وقۋ ـ اعارتۋ قىزمەتى كوميتەتىنىڭ شۋجيى دوۋ جاۋحۇي اڭگىمە ماجىلىسىنە قاتىناستى ٴارى ٴسوز سويلەدى، ايماقتىق پارتكومنىڭ ورىنباسار شۋجيى، حيلۇڭجياڭ ولكەلىك شينجياڭعا باعىتتامالى كومەكتەسۋ الدىڭعى شەپ قولباسشىلىق شتابىنىڭ باس قولباسشىسى لي بيڭ ماجىلىسكە قاتىناستى.

  ماجىلىستە مىنالار اتاپ كورسەتىلدى: ايماعىمىز بيىل «ساياحات كاسىبىن نەگىزگى تۇلعا ەتىپ، 1 ـ كاسىپتى جەتەلەۋ، 2 ـ كاسىپتى سۇيەمەلدەۋگە» تاباندى بولىپ، 550 ميلليون يۋان قارجى قوسىپ، التاي ايماعىنداعى تۇڭعىش ساياحات كاسىپتىك شۋەيۋانىن قۇرىپ، «ساياحات ارقىلى شينجياڭدى گۇلدەندىرۋ» ستراتەگياسىنا قىزمەت وتەيتىن ٴبىر توپ جوعارى ساپالى تەحنيكالىق دارىندىلاردى تاربيەلەپ شىعۋعا كۇش سالدى. تۇڭعىش توپتاعى باعىتتامالى كومەكتەسەتىن وقىتۋشىلاردىڭ التايعا كەلىپ، وقۋ ـ اعارتۋ ىستەرىنە كومەكتەسۋى __ «التاي ساياحات كاسىپتىك شۋەيۋانىنىڭ دامۋىنا باعىتتامالى كومەكتەسىپ، قولداۋ كورسەتۋدى ىشكەرىلەتۋ كەلىسىمىن» بەلسەنە تياناقتاندىرۋدى تولىق ايگىلەدى.

  تاياۋ جىلدان بەرى، حيلۇڭجياڭ ولكەسى وقۋ ـ اعارتۋ ارقىلى باعىتتامالى كومەكتەسۋدى شينجياڭعا باعىتتامالى كومەكتەسۋ تابىستارىن ىشكەرىلەتۋدىڭ، باعىتتامالى كومەكتەسۋ قىزمەتىن تىڭعىلىقتى، ٴونىمدى ورىستەتۋدىڭ ماڭىزدى دانەكەرى ەتىپ، زاتتىق ماتەريال، اقىل ـ پاراسات ارقىلى كومەكتەسۋ قاتارلى تاسىلدەر ارقىلى سۇيەمەلدەۋ تەبىنىن ارتتىرىپ، جوعارى كاسىپتىك شۋەيۋان قۇرۋ، وقىتۋشىلاردى تاربيەلەۋ جاعىندا زور قولداۋ كورسەتتى. باعىتتامالى كومەكتەسەتىن وقىتۋشىلار التاي ساياحات كاسىپتىك شۋەيۋانىنىڭ ولشەمىن، ەرەجە ـ قاعيداسىن، ٴتارتىبىن، جوباسىن جاساۋعا كومەكتەسەدى، وقىتۋشىلاردىڭ قىزمەت ورتاسىنا، قىزمەت ورنىنا، قىزمەت ولشەمىنە تەزدەن ۇيلەسىپ، قابىلەتتەرىن ايگىلەپ، جوعارى كاسىپتىك شۋەيۋان قۇرۋ ىستەرىنە ۇلەس قوسىپ، ساياسي سەزگىرلىكتى، ساياسي پارىقتاۋ قابىلەتىن ۇزدىكسىز جوعارىلاتىپ، التاي ساياحات كاسىپتىك شۋەيۋانىن شينجياڭداعى، ەل ىشىندەگى ايگىلى جوعارى كاسىپتىك شۋەيۋان ەتىپ قۇرىپ شىعۋعا كۇش سالۋىن ٴۇمىت ەتەمىز».

  باعىتتامالى كومەكتەسۋگە كەلگەن وقىتۋشىلار ۋاكىلى ياڭ ليمين بىلاي دەدى: «حيلۇڭجياڭ ولكەسىنىڭ تۇڭعىش توپتا التاي ايماعىنىڭ كاسىپتىك وقىتۋ باقشا رايونىنا باعىتتامالى كومەكتەسۋگە كەلگەن وقىتۋشى بولعان مەن بورىشىمنىڭ داڭقتى، جاۋاپكەرشىلىگىمنىڭ اۋىر ەكەنىن سەزىندىم، ساياسي جاۋاپكەرشىلىكتى كۇشەيتىپ، حيلۇڭجياڭ ولكەسىنىڭ كاسىپتىك وقۋ ـ اعارتۋ جاعىنداعى رەفورما تابىستارىن التاي ساياحات كاسىپتىك شۋەيۋانىنا جەتكىزىپ، قىزمەتتى زەيىن ـ زەردەمىزدى سالا وتىرىپ ىستەپ، التاي ساياحات كاسىپتىك شۋەيۋانىنىڭ وقۋ ـ اعارتۋ، وقىتۋ ازىرلىك قىزمەتىن ويداعىداي جۇرگىزۋىنە، كاسىپتىك شۋەيۋانداعى وقىتۋشىلاردىڭ وقىتۋ ساپاسىن جوعارىلاتۋعا كومەكتەسىپ، كاسىپ پەن ساباق ورنالاستىرۋىنا جەتەكشىلىك ەتەمىز. سونىمەن بىرگە، تارتىپكە قاتاڭ بويسۇنىپ از ۇلتتاردىڭ سالت ـ داستۇرىنە قۇرمەت ەتىپ، ارالاسىپ، ىشتەسىپ، توعىسۋدى كۇشەيتىپ، ۇلتتار ىنتىماعىن جەبەۋگە كۇش سالامىز».

  اڭگىمە ماجىلىسىندە باعىتتامالى كومەكتەسۋگە كەلگەن وقىتۋشىلار حيلۇڭجياڭ ولكەلىك اۋىل شارۋاشىلىق ەكونوميكا كاسىپتىك شۋەيۋانى اتىنان التاي ساياحات كاسىپتىك شۋەيۋانىنا دوستىقتىڭ سيمۆولى بولعان سۋرەتتى جازۋدى ۇسىندى.

جاۋاپتى رەداكتور: ءاننا اكىمقان قىزى
  • قاس-قاعىم ساتتەگى التاي
  • ارميامىز قۇرىلىسى دامۋىنىڭ ”13 - بەسجىلدىق“ جوباسىن تياناقتاندىرۋدىڭ قامال الۋ شايقاسىن ويداعىداي جۇرگىزىپ، مەملەكەت قورعانىسى مەن ارميا قۇرىلىسى نىسانالارىنىڭ، مىندەتتەرىنىڭ دەر كەزىندە ورىندالۋىنا شىنايى كەپىلدىك ەتەيىك
  • شينجياڭنىڭ التاي ايماعىندا اسەم قىراۋ كورىنىسى قالىپتاستى
  • جاڭ يان جەمەنەي اۋدانىندا تۇيىندە تۇرىپ تەكسەرۋ ـ زەرتتەۋ جۇرگىزگەن كەزدە مىنانى اتاپ كورسەتتى