اعاجاي-التاي تورابى   ›   اقپارات ايدىنى   ›   شينجياڭ حابارلارى

شينجياڭ ۋاكىلدەر ۇيىرمەسى وتكىزگەن جالپى جيىن جۇڭگو - شەتەل اقپارات قۇرالدارىنا اشىق ۇستالدى

چىن چۋانگو باسقاردى، شوكىرات زاكىر، شاۋكەت يمىن، سۇن جينلۇڭ قاتىناستى

  3 - ايدىڭ 12 - كۇنى 13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىندەگى شينجياڭ ۋاكىلدەر ۇيىرمەسى حالىق سارايىنىڭ شينجياڭ زالىندا جالپى جيىن وتكىزدى ءارى جۇڭگو - شەتەل اقپارات قۇرالدارىنا اشىق ۇستالدى. سۋرەتتە: جۇڭگو - شەتەل اقپارات قۇرالدارىنىڭ تىلشىلەرى ناق مايداندا سۇحبات الۋدا. سۋرەتتى ءتىلشى سۇي جىجيان تۇسىرگەن

  تىلشىلەر ياۋ تۇڭ، سۇي يۇنيان، لي ياڭ، شى شين 3 - ايدىڭ 12 - كۇنى بەيجيڭنەن حابارلايدى. 3 - ايدىڭ 12 - كۇنى تۇستەن كەيىن، 13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىندەگى شينجياڭ ۋاكىلدەر ۇيىرمەسى جالپى جيىن وتكىزىپ، جۇڭحۋا حالىق رەسپۋبليكاسى شەتەل ساۋداگەرلەرى قارجى قوسۋ زاڭى جوباسىنىڭ وزگەرىس ەنگىزىلگەن نۇسقاسىن، ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن قارادى ءارى جۇڭگو - شەتەل اقپارات قۇرالدارىنا اشىق ۇستالدى.

  شينجياڭ ۋاكىلدەر ۇيىرمەسىنىڭ باستىعى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى چىن چۋانگو جيىندى باسقاردى. مەملەكەتتىك حالىق قۇرىلتايىنىڭ ۋاكىلدەرى شوكىرات زاكىر، شاۋكەت يمىن، سۇن جينلۇڭ قاتارلىلار جيىنعا قاتىناستى.

  جالپى جيىن ساعات 15تە باستالدى. وڭتايلى ورىنعا يە بولۋ ءۇشىن تىلشىلەر ەرتەرەك حالىق سارايىنىڭ شينجياڭ زالىنا كەلىپ، فوتواپپاراتتارىن، كەسكىن تۇسىرگىلەرىن قۇرىپ، ۇيلەسىمدى ورىندى تاڭداپ، جاڭا اقپارات قۇرالىمەن تىكە تاراتۋ جابدىقتارىن ورنالاستىردى، دۇنيە ءجۇزىنىڭ نازارى شينجياڭنىڭ ەكونوميكالىق، قوعامدىق دامۋىنا شوعىرلاندى. حالىق گازەتى، شينحۋا اگەنتتىگى، ورتالىق راديو - تەلەۆيزيا باس ستانسياسى، ەكونوميكا گازەتى، جۇڭگو گازەتى، نانحۋا تاڭ گازەتى، فىڭحۋاڭ جاساندى سەرىك تەلەۆيزياسى، جۇڭتيان تەلەۆيزياسى، جاۋرى اقپاراتى، ۋالل ستريت گازەتى، امەريكا قۇراما شتاتى بىرىككەن اگەنتتىگى، تيانكۇڭ اقپارات سايتى، امەريكا قۇراما شتاتى راديو سەرىكتەستىگى، رەيتەر اگەنتتىگى، فرانسيا اقپارات اگەنتتىگى، ۇلى بريتانيا گۋاردياشىلار گازەتى، جاپونيا ەكونوميكا اقپارات اگەنتتىگى، ۇلى بريتانيا راديو سەرىكتەستىگى سياقتى 167 ەل ءىشى - سىرتى اقپارات قۇرالىنىڭ 230دان استام ءتىلشىسى تىلشىلىك ىستەۋگە كەلدى.

  قاراۋ بارىسىندا شوكىرات زاكىر، چىن لياڭ قاتارلى ۋاكىلدەر شينجياڭنىڭ ەكونوميكالىق، قوعامدىق دامۋى، ۇلتتار ىنتىماعى، بۇقارالىق قىزمەت قاتارلى جاقتاردىڭ جاعدايلارىن تانىستىردى. ۋاكىلدەر بىلاي دەدى: شەتەل ساۋداگەرلەرى قارجى قوسۋ زاڭى جوباسىنىڭ وزگەرىس ەنگىزىلگەن نۇسقاسى ۋاكىلدەر العا قويعان كەمەلدى پىكىر - ۇسىنىستاردى تولىق قابىلدادى، پارتيا ورتالىق كوميتەتىنىڭ قاتىستى شەشىمدەرىنىڭ، ورنالاستىرۋلارىنىڭ تالابىنا ۇيلەسەدى، وسى وزگەرىس ەنگىزىلگەن نۇسقانى قۇپتايمىز. ەڭ جوعارى حالىق سوتى مەكەمەسى ”حالىق بۇقاراسىنا ءاربىر ءادىليا دەلوسىنان ادىلدىك پەن تۋراشىلدىقتى سەزىندىرۋگە قۇلشىنۋ“ نىساناسىن مىقتاپ ارقاۋ ەتىپ، جالپى جاعدايعا قىزمەت ەتۋگە، حالىق ءۇشىن ءادىليا جۇرگىزۋگە، ءادىليانى ءادىل جۇرگىزۋگە تاباندى بولىپ، نەگىزگى زاڭ مەن زاڭدار جۇكتەگەن قىزمەت مىندەتىن اتقارۋعا ءمان بەرىپ، قىزمەتتەردە تىڭ جەتىستىكتەرگە قول جەتكىزدى. ەڭ جوعارى حالىق پروكۋراتۋراسى جاڭا داۋىردەگى حالىق بۇقاراسىنىڭ دەموكراتيا، زاڭمەن جونگە سالۋ، ادىلدىك، تۋراشىلدىق، حاۋىپسىزدىك، قورشاعان ورتا سياقتىلار جونىندە العا قويعان ءتىپتى جوعارى تالاپتارىن تياناق ەتىپ، قياناتشىلدىققا قارسى تۇرۋ قىزمەت قاراستىلىعىن وزگەرتۋگە، تەكسەرۋ فۋنكتسياسىن رەتتەۋگە بەلسەنە ۇيلەسىپ، ساياسيدى دارىپتەۋدەن، جالپى جاعدايمەن ساناسۋدان، دامۋدى كوزدەۋدەن، ءوزىن قۇدىرەتتەندىرۋگە ءمان بەرۋدەن جازباي، ىرىقتىلىقپەن سوڭىنا ءتۇسۋ وي جەلىسى شارالارىن قولدانىپ، قاراستىلىعىن وزگەرتۋدى زاڭدىق باقىلاۋدىڭ جان - جاقتى، سايكەستى، تولىق دامۋدىڭ بۇرىلىسىنا اينالدىرىپ، تەكسەرۋ قىزمەتتەرىن ورنىقتى قاداممەن العا باستىردى. ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن قۇپتايمىز.

  قاراپ لەبىز بىلدىرگەننەن كەيىن، جۇڭگو - شەتەل تىلشىلەرى شينجياڭنىڭ كەدەيلىكتەن ارىلتۋدان قامال الۋ شايقاسى، ساياحات كاسىبىن بارىنشا دامىتۋ، جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن جەدەلدەتۋ، قوعام ورنىقتىلىعىن قورعاۋ، ۇلتتار ىنتىماعىن جەبەۋ، ۇلتتاردىڭ تاڭداۋلى ءداستۇرلى مادەنيەتىن قورعاۋ - مۇراگەرلىك ەتۋ سياقتى جاعدايلار جونىندە سۇراۋ قويدى، شوكىرات زاكىر، شاۋكەت يمىن، پىڭ جيارۇي، ۋاڭ گاڭ، نياز اشىم قاتارلى ۋاكىلدەر تىلشىلەردىڭ سۇراۋىنا جاۋاپ بەردى.
 مەملەكەتتىك حالىق قۇرىلتايىنىڭ ۋاكىلدەرى نايىم ياسىن، شى داگاڭ، لي ۋي، عانيبات سابىكەي ۇلى، ابدۇرىقىپ ءتۇمۇرنياز قاتارلىلار جيىنعا قاتىناستى.

جاۋاپتى رەداكتور: ءاننا اكىمقان قىزى
  • شينجياڭنىڭ التاي ايماعىندا اسەم قىراۋ كورىنىسى قالىپتاستى
  • جاڭ يان جەمەنەي اۋدانىندا تۇيىندە تۇرىپ تەكسەرۋ ـ زەرتتەۋ جۇرگىزگەن كەزدە مىنانى اتاپ كورسەتتى
  • جانار ساعات قىزىنىڭ «كوممۋنيست-ليۋ شاۋچي» تەلەفيلمى تاراتىلادى
  • ءبىر اپتالىق اۋا رايىنان الدىن الا مالىمەت