اعاجاي-التاي تورابى   ›   اقپارات ايدىنى   ›   شينجياڭ حابارلارى

شينجياڭدا تۇراتىن مەملەكەتتىك ساياسي كەڭەس مۇشەلەرى 100 ۇسىنىس جوبا تاپسىردى

  شينجياڭ گازەتىنىڭ ءتىلشىسى جاۋ جىيۇن 3 - ايدىڭ 12 - كۇنى بەيجيڭنەن حابارلايدى. مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى اشىلعاننان بەرى، شينجياڭدا تۇراتىن مەملەكەتتىك ساياسي كەڭەس مۇشەلەرى ءوز مىندەتتەرىن مۇقيات وتەپ، ۇسىنىس جوبا ۇسىنۋ، ماجىلىستە ءسوز سويلەۋ، گرۋپپالار تالقىسىن جانە بىرىككەن گرۋپپالار تالقىسىن وتكىزۋ، قوعام اۋقىمى، حالىق تىلەگى ينفورماتسيالارى سياقتى فورمالار ارقىلى بەلسەنە ۇسىنىس - پىكىر بەردى. قازىرگە دەيىن شينجياڭدا تۇراتىن مەملەكەتتىك ساياسي كەڭەس مۇشەلەرى ماجىلىسكە 100 ۇسىنىس جوبا تاپسىردى.

  شينجياڭدا تۇراتىن مەملەكەتتىك ساياسي كەڭەس مۇشەلەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋدى، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدى ارقاۋ ەتىپ، نازاردى جاپپاي دوڭگەلەك داۋلەتتى قوعام ورناتۋدىڭ شەشۋشى جىلىنداعى شەشۋشى ماسەلەلەرگە، كەلەلى ماسەلەلەرگە شوعىرلاندىرىپ، نازاردى شينجياڭ قىزمەتىنىڭ باس نىساناسىنا شوعىرلاندىرىپ، بەلسەندى ۇسىنىس - پىكىر بەرىپ، ورتاق تانىمدى كەڭ كولەمدى ۇيىستىرىپ، تاماشا ونىمدىلىككە قول جەتكىزدى.
 شينجياڭدا تۇراتىن مەملەكەتتىك ساياسي كەڭەس مۇشەلەرى تاپسىرعان ۇسىنىس جوبالار ىشكەرىلەي تەكسەرىپ - زەرتتەۋگە كوڭىل بولىنگەن، ساپا جاقسارتىلىپ، ونىمدىلىكتى ارتتىرۋ كورنەكتىلەندىرىلگەن، ءبىرشاما كۇشتى باعىتتامالى سيپاتقا جانە اتقارۋ سيپاتىنا يە. نازار اۋدارىلعان تۇيىندەر − جىبەك جولى ەكونوميكالىق بەلدەۋى وزەكتى رايون قۇرىلىسى، وڭتۇستىك شينجياڭنىڭ اۋىر كەدەي وڭىرلەرىندەگى اۋىل شارۋاشىلىق ونىمدەرىن جىنتىكتەي مانەرلەۋ، شينجياڭدا توقىماشىلىق، كيىم - كەشەك كاسىبىن دامىتۋ، قاتىناس - تاسىمال قۇرىلىسى، ساياحات كاسىبىن دامىتۋ سياقتى جاقتاردى قامتىدى.

جاۋاپتى رەداكتور: ءاننا اكىمقان قىزى
  • شينجياڭنىڭ التاي ايماعىندا اسەم قىراۋ كورىنىسى قالىپتاستى
  • جاڭ يان جەمەنەي اۋدانىندا تۇيىندە تۇرىپ تەكسەرۋ ـ زەرتتەۋ جۇرگىزگەن كەزدە مىنانى اتاپ كورسەتتى
  • جانار ساعات قىزىنىڭ «كوممۋنيست-ليۋ شاۋچي» تەلەفيلمى تاراتىلادى
  • ءبىر اپتالىق اۋا رايىنان الدىن الا مالىمەت