اعاجاي-التاي تورابى   ›   مادەنيەت ارناسى   ›   بىلگەنگە مارجان

سۇلۋلىق كەڭەستەرى

  قازىر تانىمال بولىپ جۇرگەن ءسان بيكەشتەردەن شيرەك عاسىر بۇرىن تۇپنۇسقا توپ-مودەل رەتىندە اتاعى بۇكىل الەمگە تاراعان بىرەگەي سۇلۋلاردىڭ قاتارىندا سيندي كروۋفوردتىڭ ورنى ەرەك. ويتكەنى، جاسى 50دەن اسسا دا، ونىڭ بولمىس-ءبىتىمى مەن سىمباتىندا ءالى ءمىن جوق. ونىمەن قوسا، قىزى كايا دا اناسىنىڭ قانىمەن كەلگەن سۇلۋلىق پەن ونىڭ ورىندى كەڭەستەرىنىڭ ارقاسىندا قازىرگى زاماننىڭ جارقىراعان جۇلدىزىنا اينالدى. ەندەشە، بۇل كەڭەستەرگە ءسىز دە قۇلاق اسا ءجۇرىڭىز.

  1. سپورت زالعا ءجيى بارىڭىز

  سيندي كروۋفورد جۇمىسىنا بايلانىستى سپورتپەن كۇندەلىكتى شۇعىلدانا المايدى، ءبىراق بوس ۋاقىتى شىعا قالسا، نە كوڭىلى بۇرعان كەز-كەلگەن ۋاقىتتا سپورت زالعا بارادى. كۇندەلىكتى جۇكتەمەلەر مەن جاتتىعۋلاردى شامادان تىس جاساۋعا دا بولمايدى.

  2. كوبىرەك سەرۋەندەڭىز

  ول ۇنەمى سەرۋەندەگەندى جانە جۇگىرگەندى جاقسى كورەدى. بۇل دەنەنىڭ ءپىشىنىن ساقتاۋعا كومەكتەسەدى. تازا اۋادا بولۋعا تىرىسىڭىز، دەمالىس كۇندەرىن بەلسەندى وتكىزىڭىز، اۋىلعا بارىڭىز نەمەسە تاۋعا شىعىڭىز. سيندي كروۋفورد كارديولوگيالىق جاتتىعۋلارعا كوبىرەك نازار اۋدارىپ، ۇيدە سپورتپەن شۇعىلدانادى. سونىمەن قاتار، ول جاياۋ ءجۇرۋدى جانە ۆەلوسيپەد ساپارلارىن جاقسى كورەدى، بۇل سونداي-اق دەنەنىڭ جالپى جاعدايىنا وڭ اسەر ەتەدى.

  3. كوڭىلىڭىز قالاعان تاماقتىڭ ءبارىن جەڭىز، تەك از مولشەردە

  سيندي كروۋفورد ديەتالاردا ۇسىنىلاتىن كەڭەستەرگە باعىنبايدى. ناقتىراق ايتساق، بەلگىلى ءبىر ءونىمدى راتسيوننان مۇلدەم شىعارىپ تاستاۋعا قارسى. ەڭ باستىسى، ازىق-تۇلىك مولشەرىن ساقتاۋ شارت. سالماقتى باقىلاي وتىرىپ، ترەناجەر زالىندا جۇگىرۋ نەمەسە جاتتىعۋلار كومەگىمەن جەگەن ءونىمنىڭ ارتىق كالورياسىن جويۋعا تىرىسۋ كەرەك. مىسالى، سيندي كروۋفورد شوكولادتى جاقسى كورەدى جانە ءوزىنىڭ سۇيىكتى تاتتىسىنەن باس تارتقىسى جوق. ونى تۇتىنۋدى شەكتەۋ ماڭىزدى ەمەس دەپ ەسەپتەيدى. سيندي كروۋفوردتىڭ قىزى كايا گەربەر دە اناسىنىڭ كەڭەسىن ۇستانادى. قوس مودەلدىڭ وتباسىلىق راتسيونىندا جەمىس تە، بالىق تا، ەت دە، ماكارون مەن پيۋرە دە بار. ادەتتە، كەز كەلگەن مامان اۋىر تاعامداردان اۋلاق بولۋعا شاقىراتىنىن ەسكەرسەك، ونى ۇستانباي-اق سىمباتتى كورىنۋگە بولاتىنىن وسى ەكى ارۋ دالەلدەپ تۇر.

  4. كۇندى دۇرىس باستاڭىز

  كۇننىڭ قالاي وتەرى تاڭعا بايلانىستى، ال ءومىردىڭ قالاي وتەرى ءار كۇنىڭىزدىڭ اتموسفەراسىمەن تىكەلەي بايلانىستى. سوندىقتان، تاڭعى اسقا قالاعان تاعامىڭىزدى ءىشىپ، تازا اۋادا ءسال سەرۋەندەپ، قىزىعاتىن ىسىڭىزبەن اينالىسىپ، ىشكى گارمونياڭىزدى مىزعىماستاي ەتىپ ورناتىپ الىڭىز. ودان كەيىن سىزگە ەش نارسە كەدەرگى بولا المايدى.

  5.دەمالىستا تىنىعىڭىز

  كۇندەلىكتى قيىندىقتاردى ۇمىتتىراتىن قىزىعۋشىلىعىڭىزبەن اينالىسىڭىز. مىسالى، سيندي كروۋفورد يوگاعا بارادى، كەيدە كىتاپ وقيدى. ءوز-وزىنە كۇتىم جاساعاننان دا ءلاززات الادى.

جاۋاپتى رەداكتور: ءاننا اكىمقان قىزى
  • شينجياڭنىڭ التاي ايماعىندا اسەم قىراۋ كورىنىسى قالىپتاستى
  • جاڭ يان جەمەنەي اۋدانىندا تۇيىندە تۇرىپ تەكسەرۋ ـ زەرتتەۋ جۇرگىزگەن كەزدە مىنانى اتاپ كورسەتتى
  • جانار ساعات قىزىنىڭ «كوممۋنيست-ليۋ شاۋچي» تەلەفيلمى تاراتىلادى
  • ءبىر اپتالىق اۋا رايىنان الدىن الا مالىمەت