اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

التاي ايماعى مادەنيەتتى ءجۇرىس-تۇرىستى دارىپتەپ، قالا وبرازىن جوعارىلاتتى

  ءوز ءتىلشىمىز جۋ داندان حابارلايدى. قالانىڭ وبرازى قالانىڭ تانىسقىسى ءارى قالا قۋاتىنىڭ ماڭىزدى بەينەلەنۋى. التاي ايماعى بۇكىل رايوندىق ساياحاتتى دامىتقاننان بەرى، ءار سالا، ءار كاسىپ وركەنيەتتى قالا قۇرۋعا جاپپاي قۇلشىنىپ، تۇتاس التايدىڭ وزىندىك قوعامدىق قۇنى مەن ەكونوميكالىق قۇنىن ۇزدىكسىز جوعارىلاتتى.

  جاياۋلار وتكەلى مادەنيەت جولى ەسەپتەلىنەدى. جاياۋلاردىڭ جولدان ءوتۋى قاراماققا كىشكەنتاي عانا ءىس سەزىلگەنىمەن ءبىر قوعامنىڭ مادەنيەتىن ايگىلەپ جاتىر. التاي قالاسى قاتىناس ءتارتىبىن ۇزدىكسىز بىرلەسىپ تۇزەتۋ قيمىلى بارىسىندا اناعۇرلىم مول قالا تۇرعىندارىنا وركەنيەت الا كەلگەن يگىلىكتى سەزىندىردى.

  جاڭا عانا سىرتتان كەلگەن ءتان شۋەيان التاي قالاسىنىڭ قازىرگى بەت-بەينەسىنە تاڭ-تاماشا بولدى ءارى بويىن ماقتانىش سەزىمى كەرنەدى. «قايتىپ كەلگەننەن كەيىن التايداعى وزگەرىستىڭ توتەنشە زور ەكەندىگىن بايقادىم، جاياۋلار وتكەلىنەن وتكەندە ماشينا وزدىگىنەن جول بەرەدى ەكەن، جىلۋلىقتى سەزىنەسىڭ»،-دەدى ءتان شۋەيان اسەرلەنىپ.

  قالا تۇرعىنى ۋاڭ يۋەشىڭ بىلاي دەدى: «قازىر ءارقايسى كوشە مەن جول ايرىقتارىندا تاماشا ءجۇرىس-تۇرىس داعدىسى قالىپتاستى، قىزىل شىراق جانعاندا توقتاپ، جاسىل شىراق جانعاندا ءجۇرۋ قالا تۇرعىندارىنىڭ ءجۇرىس-تۇرىس ولشەمىنە اينالدى».

  جول قاتىناس شىرعالاڭى تۋىلۋىنىڭ الدىن الۋ جانە ازايتۋ، حاۋىپسىز، رەتتى، مادەنيەتتى جول-قاتىناس حاۋىپسىز ورتاسىن جاراتۋ ماقساتىندا التاي قالاسى قاتىناس ساقشى ۇلكەن اترەتى قالا رايونىندا ءجۇز بەرگەن مادەنيەتسىز قاتىناس ارەكەتى مەن احۋالدارعا شوعىرلى وڭاۋ جۇرگىزىپ، العاشقى تابىستارعا قول جەتكىزدى.

  التاي قالالىق قوعام-حاۋىپسىزدىك مەكەمەسى قاتىناس ۇلكەن اترەتىنىڭ حالىق ساقشىسى ۋان يۋە تىلشىگە بىلاي دەدى: «بۇرىندارى جولدان توتە ءوتىپ بارا جاتقان جاياۋلارعا ىسقىرىق شالىپ نەمەسە اۋىزشا ءناسيحات جۇرگىزەتىنبىز. قازىر سانالى تۇردە جاياۋلار وتكەلمەن جۇرەتىن جاياۋلاردىڭ سانى كۇننەن-كۇنگە كوبەيۋدە. مەيلى ۇلكەندى-كىشىلى كوشە بولسىن، تەك جاياۋلار جولدان ءوتىپ بارا جاتسا بولعانى شوفەرلەر ماشينانى توقتاتىپ جول بەرەدى، بۇل قالا حالقىنىڭ مادەنيەتتى جولعا شىعۋ، وركەنيەت، حاۋىپسىز قالا قۇرۋعا بولعان ورتاق تانىمنىڭ قالىپتاسقانىن ۇعىندىرادى».

  قالانىڭ بەت-بەينەسىن وڭاۋ ماقساتىندا التاي قالالىق اكىمشىلىك زاڭ اتقارۋ مەكەمەسى بەتالدى، كەزكەلگەن ورىنعا ماشينا توقتاتقان شوفەرلەرگە ساياسي تاربيە جۇرگىزدى.

  ازاتتىق كوشەسىندە تۇراتىن ساۋداگەر چين دۇڭ بىلاي دەدى: «بۇرىن دۇكەننىڭ الدىندا ماشينالار قالاعانىنشا توقتاي بەرەتىن، زاڭ اتقارۋ مەكەمەسى ۇگىت جۇرگىزىپ، وڭاۋ الىپ بارعاننان بەرى دۇكەننىڭ الدى تازا ءارى رەتتى بولىپ قالدى، قالامىزدىڭ كورىكتى، جارسىمدى بولۋى ءۇشىن ءوز باسىمنان باستاپ زاڭ-ەرەجەلەرگە باتىل بۇيسۇنامىن».

  ۇعىسۋعا قاراعاندا، بىلتىرعى قىس پەن بيىلعى كوكتەم مەزگىلىندە بەتالدى، كەز كەلگەن ورىنعا ماشينا توقتاتقاندىعى سەبەپتى قالالىق زاڭ-اتقارۋ مەكەمەسى جاعىنان تاربيە بەرىلىپ، جازالانعان ماشينا سانى 500 گە جەتسە، ساقتىق ءۇشىن تازالىق تەكسەرىلۋى جۇرگىزىلگەن دۇكەندەردىڭ سانى 300 گە جەتىپ، التاي قالاسىنىڭ جالپى تۇلعالىق وبرازىن زور دارەجەدە جوعارىلاتقان.

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى
  • جاڭ يان جەمەنەي اۋدانىندا تۇيىندە تۇرىپ تەكسەرۋ ـ زەرتتەۋ جۇرگىزگەن كەزدە مىنانى اتاپ كورسەتتى
  • جانار ساعات قىزىنىڭ «كوممۋنيست-ليۋ شاۋچي» تەلەفيلمى تاراتىلادى
  • ءبىر اپتالىق اۋا رايىنان الدىن الا مالىمەت
  • شەكارا رايونداعى وقىتۋشىلار، دوحتىرلاردىڭ مامىلەسىن جوعارىلاتسا