اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ەكى ماجىلىستەگى ءتيىمدى ساياساتتار جۇرت كوڭىلىن جەلپىندىردى

  مەملەكەتتىك ەكى ءماجىلىس كەزىندە شىعارىلعان حالىققا ءتيىمدى كوپتەگەن ساياساتتاردان ايماعىمىزداعى ءار ۇلت كادر- جۇرتشىلىعى شىنايى تابىس سەزىمىن اڭعاردى، رەفورما جەتىستىكتەرىنەن يگىلىكتەنۋدەن سىرت دامۋ سەنىمىن بەكەمدەدى.

  باجىنى كەمەيتىپ اقىنى ازايتۋ، تيجارات- ساۋدا ورتاسىن جاقسارتۋ، «ۇكىمەت قۇرىلىمىن ىقشامداپ ۇقىقتى تومەنگە بەرۋ، ۇقىقتى تومەنگە بەرۋمەن باسقارۋدى ۇشتاستىرۋ، قىزمەت وتەۋدى جاقسارتۋ رەفورماسىن» ىلگەرىلەتىپ، كاسپكەرلەردىڭ ۇقىعى مەن مال- مۇلكىنىڭ حاۋىپسىزدىگىن قورعاۋ كەرەك. ەكى ءماجىلىس كەزىندە تيجارات- ساۋدا ورتاسىن جاقسارتۋ سەكىلدى ءتيىمدى ساياساتتار كاسىپكەرلەردىڭ كوڭىلىن جەلپىندىرىپ، جىگەرىن تاسقىنداتتى.

  شينجياڭ التاي ونەركاسىپكە پايدالانىلاتىن شۇعا ءوندىرۋ شەكتى جاۋاپكەرلىك سەرىكتەستىگى التايداعى ەكسپورت ساۋداسىمەن اينالىساتىن كاسپورىنداردىڭ ءبىرى ەسەپتەلەدى، ەلىمىزدەگى ەڭ وزىق يقۋاتتى دوڭگەلەك كيىز وندىرەتىن اۆتوماتتى ءوندىرۋ جەلىسى بار، وسى سەرىكتەستىك وندىرگەن ونەركاسىپتىك كيىز تاسپاسى توقىماشىلىق، ءۇي جيھازدارى، تەرى، قاعاز سەكىلدى ونىمدەردى جاساۋعا ىستەتىلەدى. 2009- جىلدان باستاپ سەرىكتەستىك سىرتقى ساۋدا جاعىندا ۋاكىلدىك ساتۋ ارقىلى ونىمدەرىن جاپونيا، وڭتۇستىك كورەيا، پورتۋگاليا، برازيليا قاتارلى مەملەكەتتەرگە ەكسپورت ەتتى، ءار جىلعى ەكسپورت سوماسى كاسپورىن ساۋدا سوماسىنىڭ ٪30 ۇستادى.

  شينجياڭ التاي ونەركاسىپكە پايدالانىلاتىن شۇعا ءوندىرۋ شەكتى جاۋاپكەرلىك سەرىكتەستىگىنىڭ باس ديرەكتورى ليۋ بيڭشيان: كوپتەگەن ءتيىمدى ساياساتتاردان يگىلىكتەندىك، ۇكىمەت كاسپورىنىمىزدىڭ دامۋىنا بارىنشا قولداۋ كورسەتتى، ونىمدەرىمىزدى ويداعىداي ءوندىرىپ، حالىقارالىق بازارداعى ءورىسىمىزدى بەلسەنە كەڭەيتىپ، ونىمدەرىمىزدى دۇنيە جۇزىنە بەت الدىرۋعا كۇش سالامىز.

  ايماقتىق ساۋدا ىستەرى مەكەمەسى سىرتقى ساۋدا ءبولىمىنىڭ باستىعى جاڭ يۇياۋ: لي كىچياڭ زۇڭلي جاساعان ۇكىمەت قىزمەتىنەن باياندامادا قازىرگى جانە بۇدان كەيىنگى ءبىر مەزگىلدەگى ەكونوميكا مەن قوعام دامۋى جونىندە انىق، پارمەندى ورنالاستىرۋ جاسالدى، جان- جاقتىلى سىرتقا ەسىك اشۋ، حالىقارالىق ەكونوميكا جاعىندا سەلبەسۋدەگى جانە باسەكە جاعىنداعى جاڭا ابزالدىلىقتى جەتىلدىرەتىن ۇزاق ۋاقىتتىق سىرتقا ەسىك اشۋ ستراتەگياسى العا قويىلدى، بۇل ايماعىمىز جونىنەن العاندا وراي ءارى باسەكە ەسەپتەلەدى، ايماعىمىزدىڭ سىرتقا ەسىك اشۋداعى وزگەشە ابزالدىلىعىن ساۋلەلەندىرىپ، ورايدى بارىنشا مىقتى يگەرۋگە كۇش سالامىز.

  بيىلعى ۇكىمەت قىزمەتىنەن باياندامادا جۇمىستانۋدى الدىمەن ەسكەرۋ ساياساتى تۇڭعىش رەت ماكرولىق ساياسات اۋماعىنا قويىلىپ وسى ارقىلى ءتۇرلى جاقتاردىڭ جۇمىستانۋعا ءمان بەرۋىن كۇشەيتىپ، جۇمىستانۋ بەتالىسىنا قولداۋ كورسەتۋ ماقسات ەتىلدى. التاي «شىعىس جەلى قيمىلى» اتىنداعى قىزمەتكەر قابىلداۋ جينالىسىندا ازىرلەنگەن 3000 نان استام جۇمىس ورنى قالا- قالاشىقتاعى ەڭبەككۇشتەردىڭ جۇمىستانۋىن قامتاماسىز ەتىپ قانا قالماستان اۋىل- قىستاقتارداعى ارتىق ەڭبەككۇشتەردىڭ باسقا سالاعا ويىسىپ جۇمىستانۋىنا ءورىس ازىرلەپ بەردى.

  بيىل جوعارى مەكتەپ بىتىرەتىن ستۋدەنت ماۋ شۋەچياۋ: تاياۋدان بەرى ەكى ءماجىلىس حابارىن كوردىم، 2019- جىلى ءبىر ميلليون ادامدى كەڭەيتىپ قابىلداۋ العا قويىلدى، بۇل ەندى مەكتەپ بىتىرەتىندەر ءۇشىن ۇتىمدى وراي ەسەپتەلەدى، قۇلشىنىسىم ارقىلى لايىقتى قىزمەت تاباتىنىما سەنەمىن.

  «جۇڭحۇي ينفىڭ» قورا- جاي ىستەرىن وركەندەتۋ سەرىكتەستىگىنىڭ التايداعى بولىمشە سەرىكتەستىگى قىزمەتكەر قابىلداۋ جينالىسىندا بۇعالتىر، ساتۋشى قاتارلى كوپتەگەن قىزمەت ورىندارىن ازىرلەدى.

  «جۇڭحۇي يىنفىڭ» سەرىكتەستىگى التاي بولىمشە سەرىكتەستىگىنەن ارمان: ەكى ماجىلىستەگى باياندامادا 2019- جىلى اۋىل- قىستاقتارداعى كەدەيلەردى، قالا- قالاشىقتاعى جۇمىسسىزدىق بويىنشا تىزىمگە الىنعانىنا جارىم جىلدان اسقانداردى جۇمىسقا قابىلداعان كاسپورىندارعا باجى جاعىنان تيىمدىلىك جاسالاتىنى العا قويىلدى، بۇل ساياساتتىڭ سەرىكتەستىگىمىزدىڭ دامۋىن اناعۇرلىم جەبەيتىنىنە سەنەمىن.

  ۇكىمەت قىزمەتىنەن باياندامادا بيىل ۇكىمەت جۇمىسسىزدىق قامسىزداندىرۋ قورى قالدىعىنان 100 ميلليارد يۋان شىعارىپ، 15 ميلليوننان استام ادامنىڭ كاسىپتىك ونەر ۇيرەنۋىنە جانە جۇمىس اۋستىرۋ جاعىنداعى تاربيەلەۋگە جۇمسايتىنى العا قويىلدى، بۇل حابار شينجياڭ قاناس ساياحات ىستەرىن دامىتۋ شەكتى جارنا سەرىكتەستىگىندەگىلەردىڭ كاسپورىندى دامىتۋ سەنىمىن نىعايتا ءتۇستى.

  شينجياڭ «قاناس» ساياحات ىستەرىن دامىتۋ شەكتى جارنا سەرىكتەستىگىنەن شيا حۋاشياڭ: ەكى ماجىلىستە العا قويىلعان ءتيىمدى ساياساتتاردان ۇتىمدى پايدالانىپ، قىزمەتكەر قابىلداۋ قىزمەتىنىڭ دەڭگەيىن ءوسىرىپ، اناعۇرلىم تىڭعىلىقتى ىستەۋگە كۇش سالامىز.

جاۋاپتى رەداكتور: ءاننا اكىمقان قىزى
  • جاڭ يان جەمەنەي اۋدانىندا تۇيىندە تۇرىپ تەكسەرۋ ـ زەرتتەۋ جۇرگىزگەن كەزدە مىنانى اتاپ كورسەتتى
  • جانار ساعات قىزىنىڭ «كوممۋنيست-ليۋ شاۋچي» تەلەفيلمى تاراتىلادى
  • ءبىر اپتالىق اۋا رايىنان الدىن الا مالىمەت
  • شەكارا رايونداعى وقىتۋشىلار، دوحتىرلاردىڭ مامىلەسىن جوعارىلاتسا