اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايەلدەر مەرەكەسىن قۇتتىقتاپ، باقىتتى تۇرمىستى جىرلادى

  التاي گازەتىنىڭ ءتىلشىسى گۇلميرا داۋلەتبەك قىزى حابارلايدى. 3 ـ ايدىڭ 7 ـ كۇنى كوكتوعاي اۋدانى دۇرە قالاشىعى ۇزاقتى قىستاعىنداعى ايەلدەر اسقاقتاتا ءان شىرقاپ، بۇرالا بيگە باسىپ، «8 ـ ناۋرىز» حالىقارالىق ايەلدەر مەرەكەسىن قۇتتىقتاپ، مەرەكەنىڭ مەيىرىن اسىردى.

  «التاي گازەتى» پارتكومىنىڭ شۋجيى، باس رەداكتورى داي ۋيگو قيمىلعا قاتىناسىپ بىلاي دەدى: «بۇگىن ءبارىمىز ۇزاقتى قىستاعىندا باس قوسىپ، قىزمەت اترەتىندەگى، قىستاقتاعى ايەل جولداستارمەن بىرگە مەرەكەنى تويلاپ وتىرمىز. اسىرەسە، قىزمەت اترەتىندەگى 3 ايەل جٶلداس قىستاقتا حالىق ءۇشىن قىزمەت وتەپ، اتا ـ انالارىنا، بالالارىنا قارايلاسا الماي، قىزمەتتە، تۇرمىستا ۇزاقتىداعى حالىقپەن بىرگە بولىپ كەلەدى. مەن ‹التاي گازەتى› پارتكومى اتىنان وسى 3 جولداسقا ايرىقشا راقىمەت، مەرەكەلەرىنە قۇتتى بولسىن ايتامىن. ۇزاقتى قىستاعى مال شارۋاشىلىعىن نەگىز ەتەتىن قىستاق، ءاربىر وتباسىنىڭ تىرەگى بولعان ايەلدەر قارتتاردى قۇرمەتتەپ، كىشىلەردى ايالاپ، بالالارىن جاقسى تاربيەلەپ، جاراسىمدى قوعام قۇرۋعا بەلسەنە ۇلەس قوسىپ كەلەدى. ۇزاقتى قىستاعىنداعى ايەلدەر وسى ءبىر تاماشا ٴمورالدى ۇزدىكسىز ساۋلەلەندىرىپ، ۇزاقتى قىستاعىنىڭ دامۋىنا بۇدان دا كوپ ۇلەستەر قوسۋىن ءۇمىت ەتەمىن».

  قيمىل بارىسىندا ۇزاقتى قىستاعى كوميتەتى قىستاعىنداعى مەيىربان انالاردى، جاقسى كەلىن ۋاكىلىن ماداقتاپ ـ سيلادى. مەيىربان انالار ءوز ەرىكتەرىنەن جىلۋعا اتاعان 11مىڭ 500 يۋان قيىنشىلىعى بار وتباستارىنا بەرىلدى.

  «جاقسى كەلىن» اتاعىن العان قىستاق تۇرعىنى ءمانسيا نۇساي قىزى بىلاي دەدى: «‹التاي گازەتى› مەكەمەسىنىڭ قىزمەت اترەتى قىستاعىمىزعا كەلگەننەن بەرى، ۇزاقتى قىستاعىنىڭ اۋلا ەكونوميكاسىن دامىتۋ، قيىنشىلىعى بارلارعا كومەكتەسۋدە كوپتەگەن جاقسى ىستەر ىستەپ بەردى. اسىرەسە، ايەلدەر ساپاسىن ءوسىرۋ ساباعىن تىڭداعاننان سوڭ كوپتەگەن اسەر الدىم، بۇدان كەيىن ۇزدىكسىز قۇلشىنا ۇيرەنىپ، وتباسىمدا يبالى كەلىن، ونەگەلى انا بولىپ، بالالارىمدى جاقسى تاربيەلەپ، ۇزاقتى قىستاعىنىڭ دامۋىنا ءبىر كىسىلىك ۇلەسىمدى قوسامىن».

  ۇزاقتى قىستاعى ايەلدەر كوميتەتىنىڭ مەڭگەرۋشىسى ناسيگۇل شاكەن قىزى بىلاي دەدى: «وتباسىنىڭ ۇيتقىسى بولعان ايەلدەر قاۋىمى تۇرمىستا بولسىن، قىزمەت ورنىندا بولسىن ءوزىنىڭ تاماشا رولىن ساۋلەلەندىرىپ كەلەدى. العاباسار ايەلدەردىڭ ۋاكىلى قىستاقتاعى ايەل جولداستاردى باستاپ، وتاندى، پارتيانى ءسۇيىپ، پارتياعا العىسايتىپ، مەملەكەتتە ٴبىرتۇتاس قولدانىلاتىن ءتىل ـ جازۋىن جاقسى ۇيرەنۋگە باستاماشى بولىپ، جاراسىمدى قوعامدى ورتاق قۇرۋعا ات سالىسۋىمىز كەرەك».

  ءتىلشىمىز ارداق بەيىسقان ۇلى حابارلايدى. جاقىنعى كۇندەردەن بەرى، «8 ـ ناۋرىز» حالىقارالىق ايەلدەر مەرەكەسىن شاتتانا قارسى الىپ، مەملەكەتتىك «ەكى ءماجىلىستىڭ» تابىستى دا ءساتتى اشىلۋىنا تىلەكتەستىك ءبىلدىرۋ ءۇشىن، التاي قالاسىنىڭ ءارقايسى اۋىل ـ قالاشىقتارىنداعى قىستاقتار، الەۋمەتتىك اۋماقتار جەلەكتىلەردى ۇيىمداستىرىپ، باي مازمۇندى تارتىمدى قيمىل ورىستەتىپ، مەرەكەنى قىزۋ مەرەيمەن قارسى الدى.

  3 ـ ايدىڭ 7 ـ كۇنى التاي قالالىق قىزىل كرەست قوعامى، قالالىق اۋىل ـ قىستاق قىزمەت كەڭسەسى، قالالىق قارتتار كوميتەتى قاتارلى مەكەمەلەردەن قالالىق لانجيڭ الەۋمەتتىك اۋماعىندا تۇراتىن «حالىق جاعدايىن ۇعىسۋ، حالىققا تيىمدىلىك جاساۋ، حالىق تىلەگىن توعىستىرۋ» قىزمەت اترەتى الەۋمەتتىك اۋماقپەن بىرلەسىپ، الەۋمەتتىك اۋماقتاعى ايەلدەردىڭ مەرەكەسىن قۇتتىقتاپ، «ايەلدەر كەلبەتىن ايگىلەپ، ‹8 ـ ناۋرىز› حالىقارالىق ايەلدەر مەرەكەسىن قارسى الايىق» تاقىرىبىندا دوستىق قيمىل وتكىزدى.

  قيمىل مەملەكەت انىمەن باستالدى. قىزمەت اترەتى مەن الەۋمەتتىك اۋماعىنداعى قىزمەتكەرلەردىڭ تۇرعىندارمەن بىرگە دايىنداعان «مەن جانە مەنىڭ جۇڭگوم»، «وتانىم» قاتارلى ويىن نومىرلەرى كورەرمەندەرگە شاتتىق باعىشتادى. باي مازمۇندى قيمىل تۇرعىنداردىڭ مادەني تۇرمىسىن بايىتىپ، ۇيىسشاڭدىق قۋاتىن ارتتىرىپ، قىزمەت اترەتى مەن الەۋمەتتىك اۋماقتىڭ ايەلدەر قاۋىمىنا دەگەن قامقورلىعىن بەينەلەدى. سونىمەن بىرگە، قىزمەت اترەتى مەن تۇرعىنداردىڭ ارالارىن ءتىپتى دە جاقىنداتىپ، تۇرعىنداردىڭ باقىتتى، كوركەم تۇرمىسقا دەگەن سەنىم مەن بەكىمدەرىن ايگىلەدى.

  ءتىلشىمىز ارداق بەيىسقان ۇلى حابارلايدى. 3 ـ ايدىڭ 8 ـ كۇنى قالالىق 1 ـ مال فەرماسىندا تۇراتىن ايماقتىق مال شارۋاشىلىق ـ مال شيپاگەرلىك مەكەمەسىنىڭ، قالالىق پارتكوم ۇيىمداستىرۋ ءبولىمىنىڭ، ۇگىت ءبولىمىنىڭ «حالىق جاعدايىن ۇعىسۋ، حالىققا تيىمدىلىك جاساۋ، حالىق تىلەگىن توعىستىرۋ» قىزمەت اترەتى قالالىق 1 ـ مال فەرماسىمەن بىرگە «8 ـ ناۋرىز» حالىقارالىق ايەلدەر مەرەكەسىن قۇتتىقتاپ، فەرماعا قاراستى ءارقايسى قىستاقتاعى ايەلدەردىڭ مەرەكەسىن تويلادى.

  بۇل رەتكى قيمىلدا، ەڭ اۋەلى، فەرماداعى ءبىر توپ مەيىربان انالاردى سيلاپ ـ ماداقتاپ، ولاردى جۇڭحۋا ۇلتىنىڭ تاڭداۋلى ءداستۇرىن جالعاستى ساۋلەلەندىرىپ، مەيىربان ىزگى ىستەرىنىڭ ءورىسىن كەڭەيتە بەرۋگە شابىتتاندىرى. سونىمەن بىرگە، التاي قالالىق كىتاپحانا وسى فەرماعا جانە كىتاپقۇمار جەلەكتىلەرگە كىتاپ ۇسىنىپ، مەرەكەلەرىن قۇتتىقتادى.

  مەرەكەگە ارنالعان تامىلجىعان ءان مەن مىڭ بۇرالعان ءبي وتانىمىزدىڭ كورىكتى تاۋ ـ وزەندەرىن، جۇڭگو كوممۋنيستىك پارتياسىنىڭ ۇلى جەتىستىكتەرىن ايگىلەپ؛ پارتياعا، وتانعا العىس ايتۋ، ءار ۇلت حالىقىنىڭ پارتيا مەن وتانعا دەگەن سۇيىسپەنشىلىگىن بەينەلەپ، كورەرمەندەردى جەلپىندىرىپ تاستادى.

جاۋاپتى رەداكتور: ءاننا اكىمقان قىزى
  • جاڭ يان جەمەنەي اۋدانىندا تۇيىندە تۇرىپ تەكسەرۋ ـ زەرتتەۋ جۇرگىزگەن كەزدە مىنانى اتاپ كورسەتتى
  • جانار ساعات قىزىنىڭ «كوممۋنيست-ليۋ شاۋچي» تەلەفيلمى تاراتىلادى
  • ءبىر اپتالىق اۋا رايىنان الدىن الا مالىمەت
  • شەكارا رايونداعى وقىتۋشىلار، دوحتىرلاردىڭ مامىلەسىن جوعارىلاتسا