اعاجاي-التاي تورابى   ›   اقپارات ايدىنى   ›   ماڭىزدى حابارلار

شي جينپيڭ ازاتتىق ارميا جانە قارۋلى ساقشى بولىمدەرى ۋاكىلدەر ۇيىرمەسىنىڭ جالپى جيىنىنا قاتىناستى

  شي جينپيڭ ازاتتىق ارميا جانە قارۋلى ساقشى بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسقاندا: ارميامىز قۇرىلىسىن دامىتۋدىڭ «13-بەسجىلدىق» جوباسىن تياناقتاندىرۋدان قامال الۋ شايقاسىن ويداعىداي جۇرگىزىپ، مەملەكەت قورعانىسى مەن ارميا قۇرىلىسىنىڭ نىسانا-مىندەتتەرىن ۋاعىندا ورىنداۋعا كەپىلدىك ەتۋ كەرەك دەگەندى

باسا دارىپتەدى

   ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3-ايدىڭ 12-كۇنى تۇستەن كەيىن 13-كەزەكتى مەملەكەتتىك حالىق قۇرىلتايىنىڭ 2-ماجىلىسىنە قاتىناسقان ازاتتىق ارميا جانە قارۋلى ساقشى قوسىندارى ۋاكىلدەر ۇيىرمەسىنىڭ جالپى ماجىلىسىنە قاتىناسقاندا مىنانى باسا دارىپتەدى: بيىل جاپپاي دوڭگەلەك داۋلەتتى قوعام قۇرىپ شىعۋداعى، ءبىرىنشى 100 جىلدىق كۇرەس نىسانانى جۇزەگە اسىرۋداعى شەشۋشى جىل. سونداي-اق ارميامىز قۇرىلىسىن دامىتۋدىڭ «13-بەسجىلدىق» جوباسىن تياناقتاندىرۋدان، مەملەكەت قورعانىسى مەن ارميا قۇرىلىسىنىڭ 2020-جىلعى نىسانا-مىندەتتەرىن جۇزەگە اسىرۋدان قامال الۋ جىلى. بۇكىل ارميا جۇڭگو ارمانىن، ارميانى قۇدىرەتتەندىرۋ ارمانىن جۇزەگە اسىرۋ تۇرعىسىنان، «13-بەسجىلدىق» جوبانى تياناقتاندىرۋدىڭ ماڭىزدىلىعى مەن كوكەيتەستىلىگىن جىعا تانۋ؛ بەكىم-يرادانى بەكەمدەۋ، بورىشتارلىق جانە جاۋاپكەرلىك سەزىمدى كۇشەيتۋ كەرەك. ەرلىكپەن ءورىس اشا ىلگەرىلەۋ ؛ جوبانى تياناقتاندىرۋدان قامال الۋ شايقاسىن بار كۇشپەن ويداعىداي جۇرگىزۋ؛ بەلگىلەنگەن نىسانالاردىڭ، مىندەتتەردىڭ ۋاعىندا ورىندالۋىنا كەپىلدىك ەتۋ كەرەك.

  ماجىلىستە جاڭ ي-حۋ، ۋاڭ حۇيچيڭ، لي جۇن، جۋ چىڭ، ۋاڭ نيڭ، باۋلين، داڭ زىڭلۇڭ، چىن جيانفي قاتارلى 8 ۋاكىل اسكەري قاجەتتىڭ جەتەكتەۋ رولىن ساۋلەلەندىرۋ، ارميامىز قۇرىلىسىن دامىتۋ جوباسىن تياناقتاندىرۋدى مىقتى يگەرۋ، قارۋلى ساقشى قوسىندار رەفورماسىن ىلگەرىلەتۋ، شەكارا قورعانىس قۇرىلىسىن كۇشەيتۋ، نەگىزگى ساتىداعى كوماندير-جاۋىنگەرلەردىڭ قوزعاۋشى كۇشىن تاسقىنداتۋ، اقىلى قىزمەت وتەۋدى جاپپاي توقتاتۋ قاتارلى ماسەلەلەر توڭىرەگىندە ءسوز سويلەدى.

  ۋاكىلدەر ءسوز سويلەگەننەن كەيىن، شي جينپيڭ ماڭىزدى ءسوز سويلەپ، بۇكىل ارميادان مىنالاردى تالاپ ەتتى: جاڭا داۋىردەگى جۇڭگوشا سوتسياليزم يدەياسىن جەتەكشى ەتۋگە تاباندى بولۋ؛ جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن ىشكەرىلەي دايەكتەندىرۋ؛، جاڭا داۋىردەگى اسكەري ستراتەگيالىق باعىتتى ىشكەرىلەي دايەكتەندىرۋ ؛ كۇشتى شوعىرلاندىرىپ سوعىسقا دايىندالۋ ؛ رەفورما جاساۋ، جاڭالىق اشۋدى كۇشەيتۋ؛ قىزمەتتىڭ تياناقتانۋىن مىقتى يگەرىپ، جاڭا جۇڭگو قۇرىلعاندىعىنىڭ 70 جىلدىعىن ۇزدىك ناتيجەلەرمەن قارسى الۋ كەرەك.

  شي جينپيڭ ارميا قۇرىلىسىن دامىتۋدىڭ «13-بەسجىلدىق» جوباسىن تياناقتاندىرۋدى ىلگەرىلەتۋ جونىندە تالاپ قويىپ مىنالاردى باسا دارىپتەدى: «13-بەسجىلدىق» جوبا-2020-جىلعى نىسانا-مىندەتتەردى ورىنداۋدىڭ سوڭعى جوباسى. بۇل مىندەتتى ويداعىداي ورىنداي الۋ-ورىنداي الماۋ توتەنشە ماڭىزدى. ءبىر تۇتاس سايكەستىرۋدى، ماڭىزدى تۇيىندەردە قامال الۋدى، جاۋاپكەرشىلىكتى تياناقتاندىرۋدى كۇشەيتۋ؛ بوساڭسىتپاي مىقتى يگەرۋ، بەلگىلەنگەن ۋاقىتتا ءسوزسىز ناتيجە شىعارۋ كەرەك.

  شي جينپيڭ مىنالاردى انىق ايتتى: جالپى جاعدايدى ءبىر تۇتاس جوسپارلاپ، مىندەت جوسپارىن، كۇش بايلىعىن، باسقارۋ بارىسىن ويداعىداي بىرلىككە كەلتىرىپ، ءتۇرلى قۇرىلىستاردىڭ ءتارتىپتى ىلگەرىلەۋىنە كەپىلدىك ەتۋ كەرەك. نىسانداردى نازاريالىق دالەلدەۋ، ساپا وتكەلىن ويداعىداي يگەرۋ، تەكسەرىپ بەكىتۋ فورماسىندا جاڭالىق جاراتۋ، نىسان تۇرعىزۋدى تەكسەرىپ بەكىتۋ ونىمدىلىگىن جوعارىلاتۋ كەرەك.

  شي جينپيڭ مىنالاردى ناقتاپ ايتتى: سالا اتتاعان، تاراۋ اتتاعان، ارميا اتتاعان ورىنداردى ءبىر تۇتاس جوسپارلاۋدى كۇشەيتۋ ؛ قىزمەتتى سايكەستىرۋ مەحانيزمىن ورناتۋ جانە كەمەلدەندىرۋ؛ «جانسىزدانعان تۇيىندەردى» اداقتاۋ، «بوگەلگەن تۇيىندەردى» ىركىلىسسىزدەندىرۋ، «قيىن تۇيىندەردى» شەشۋ كەرەك. ارميا مەن جەرگىلىكتى ورىننىڭ سەلبەستىگىن نىعايتۋ؛، ءار جاقتاعى ابزال كۇشتەر مەن بايلىقتان ويداعىداي پايدالانۋ كەرەك.

  شي جينپيڭ مىنالاردى باسا دارىپتەدى: جوبادا ايقىندالعان جالپى تۇلعالىق ورنالاستىرۋدى توڭىرەكتەپ، اسكەري كۇرەس دايىندىعىنىڭ شۇعىل قاجەتى، سوعىس جۇيەسىنىڭ شەشۋشى تىرەگى، مەملەكەت قورعانىسى مەن ارميا رەفورماسىن سايكەستىرۋ قاتارلى ءتۇيىندى نىسانداردى كورنەكتى تۇردە مىقتى يگەرۋ ؛ كەلەلى قۇرىلىس مىندەتتەرىنىڭ تياناقتانۋىنا، شەشۋشى قابىلەت كورسەتكىشتەرىنىڭ جۇزەگە اسۋىنا كەپىلدىك ەتۋ كەرەك. قامال الۋ تەبىنىن ارتتىرۋ؛ قۇرىلىس اياق الىسىن تەزدەتۋ؛، ۋاقىت ءتۇيىنىن، ساپا تالابىن مىقتى يگەرۋ؛ قارقىن مەن ولشەمدى تەڭ يگەرۋ كەرەك. ساياسات-ءتۇزىم رەفورماسىنىڭ ورايىن، اسكەري كۇش قۇرىلىسى مەن اسكەري ىستەردى باسقارۋ قاتارلى جاقتارداعى ساياسات-تۇزىمدەردى كەمەلدەندىرۋدى مىقتى يگەرىپ، جوبا-مىندەتتەردىڭ تياناقتانۋىن پارمەندى قامتاماسىزداندىرۋ كەرەك.

  شي جينپيڭ مىنالاردى انىق ايتتى: جوبانىڭ بەدەلى مەن بۇلجىماس تەجەمىن كۇشەيتۋ، جوبانى تياناقتاندىرۋدىڭ قاتاڭ جاۋاپكەرشىلىك جۇيەسىن قالىپتاستىرۋ كەرەك. تەكسەرۋ، قۋزاۋ، جەتەكشىلىك ەتۋ تەبىنىن ارتتىرۋ، فورماشىلدىقتان، تورەشىلدىكتەن باتىل ساقتانۋ جانە جويۋ كەرەك. قىزمەتتى پارمەندى ىلگەرىلەتە الماعانداردىڭ، ويداعىداي تياناقتاندىرماعانداردىڭ جاۋاپكەرشىلىگىن قاتاڭ قۋزاستىرۋ، جاۋاپكەرشىلىك قۋزاۋ كەرەك.

  ءار دارەجەلى ورىندار ۇنەمشىلدىك قولدانۋ يدەياسىن ورناتۋ ؛ ورتالىقتىڭ سەگىز ءتۇرلى بەلگىلەمەسىنىڭ رۋحى مەن اسكەري ىستەر كوميتەتىنىڭ 10 ءتۇرلى بەلگىلەمەسىن قاتاڭ اتقارۋ؛ قاجىرلىلىقپەن كۇرەس جۇرگىزۋ تاڭداۋلى ستيلىن ساۋلەلەندىرۋ؛ اقشانى ەڭ قاجەتتى ورىنعا جۇمساۋ كەرەك. قازىنا - ەكونوميكا ءتارتىبىن قاتايتۋ؛ قاراجات باسقارۋدى كۇشەيتۋ؛ ءتارتىپ تەكسەرۋ، ارالاپ تەكسەرۋ، قازىنالىق باقىلاۋ تەبىنىن ارتتىرۋ؛ بۇرىس ستيل مەن شىرىكتەسۋ ارەكەتتەرىن قاتاڭ تەكسەرىپ ءبىر جايلى ەتۋ كەرەك.

  شي جينپيڭ مىنالاردى باسا دارىپتەدى: ارميا قۇرىلىسىنىڭ «14-بەسجىلدىق» جوباسىن نازاريالىق دالەلدەۋ جانە پلانداۋ قىزمەتىدە، مەملەكەتتىڭ دامۋ ستراتەگياسىنىڭ، حاۋىپسىزدىك ستراتەگياسىنىڭ، اسكەري ىستەر ستراتەگياسىنىڭ تالابىنا ۇيلەستىرۋ ؛ كەزەكتەگى قۇرىلىستىڭ ءىس جۇزىندىك جاعدايى مەن ۇزاق بولاشاقتىق دامۋ قاجەتىن ءبىر تۇتاس جوسپارلاۋ؛ سۇرانىستى نازاريالىق دالەلدەۋ، جوبالاردى ۇشتاستىرۋ، مىندەتتى ۇشتاستىرۋ قىزمەتىن ويداعىداي ىستەپ، مەملەكەت قورعانىسى مەن ارميانى وسىزامانداندىرۋ قۇرىلىسىنىڭ ۇزدىكسىز ىلگەرىلەۋىنە كەپىلدىك ەتۋ كەرەك.

  شي جينپيڭ مىنالاردى انىق ايتتى: بۇكىل ارميا پارتيا ورتالىق كوميتەتىنىڭ بەكىمى مەن ماقساتىن ىشكەرىلەي يگەرۋ؛ اسكەري ىستەر كوميتەتىنىڭ اسكەري ىستەر قىزمەتى ءماجىلىسىنىڭ ورنالاستىرۋلارىن تياناقتاندىرۋ؛ اسكەر جاتتىقتىرۋ، سوعىسقا دايىندالۋ قىزمەتىن جاپپاي كۇشەيتۋ؛ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاۋ؛ قوعامدىق جالپى جاعدايدىڭ ورنىقتىلىعىن قورعاۋ كەرەك.

  شي جينپيڭ مىنالاردى باسا دارىپتەدى: ارميا مەن ۇكىمەتتىڭ، ارميا مەن حالىقتىڭ ىنتىماقتىلىعى-ءبىزدىڭ تاڭداۋلى ءداستۇرىمىز جانە ساياسي باسىمدىلىعىمىز بولىپ تابىلادى. ارميا جەرگىلىكتى ورىننىڭ ەكونوميكالىق، قوعامدىق دامۋى مەن ەكولوگيالىق وركەنيەت قۇرىلىسىنا بەلسەنە كومەكتەسۋ؛، قاتەردەن اراشالاۋ، اپاتتان قۇتقارۋ قاتارلى شۇعىل، قيىن، قاتەرلى، اۋىر مىندەتتەردى باتىلدىقپەن ارقالاۋ؛ كەدەي قىستاقتارعا، كەدەي بۇقاراعا باعىتتامالى كومەكتەسۋ قىزمەتىن ويداعىداي ىستەۋ كەرەك. ورتالىق پەن مەملەكەت ورگاندارى، جەرگىلىكتى ءار دارەجەلى پارتكومدار مەن ۇكىمەتتەر مەملەكەت قورعانىسى مەن ارميا قۇرىلىسىن قولداۋ؛ قوسىننان شەگىنگەن اسكەريلەردى ورنالاستىرۋ، جارالانعان، اۋىرعان، مۇگەدەك اسكەريلەردى جەرلىك ورىنعا وتكىزىپ بەرۋ ؛ اسكەري وتباسىنداعىلاردى جۇمىسقا ورنالاستىرۋ ؛ اسكەريلەردىڭ بالالارىنىڭ وقۋعا ءتۇسۋى قاتارلى قىزمەتتەردى ويداعىداي ىستەۋ، ارميانىڭ اقىلى قىزمەت وتەۋىن جاپپاي توقتاتۋعا سايكەسىپ، ارميانى قۇدىرەتتەندىرۋ ىستەرىن ورتاق العا جەبەۋ كەرەك.

  ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەت ءتوراعاسىنىڭ ورىنباسارى شۇي چيلياڭ ءماجىلىستى باسقاردى.

جاۋاپتى رەداكتور: ءاننا اكىمقان قىزى
  • ءبىر اپتالىق اۋا رايىنان الدىن الا مالىمەت
  • شەكارا رايونداعى وقىتۋشىلار، دوحتىرلاردىڭ مامىلەسىن جوعارىلاتسا
  • شي جينپيڭ فۋجيان ۋاكىلدەر ۇيىرمەسىنىڭ تالقىسىنا قاتىناستى
  • 8-مارت حالىقارالىق ايەلدەر مەرەكەسىن قىزۋ قۇتتىقتايمىز