اعاجاي-التاي تورابى   ›   مادەنيەت ارناسى   ›   بىلگەنگە مارجان

تاۋەكەلگە بارۋدىڭ وڭاي جولى

ەل اۋزىندا «نار تاۋەكەل ــ ەر ءىسى» «ۋايىم ءتۇبى − تۇڭعيىق، باتاسىڭ دا كەتەسىڭ، تاۋەكەل ءتۇبى − جەل قايىق، مىنەسىڭ دە وتەسىڭ» دەگەن سەكىلدى ۇلاعاتتى سوزدەر ساقتالعان. بۇل ومىردە ءاربىرىمىز تاۋەكەلگە بەل بۋامىز. ادەتتە، كوپ جاعدايدا تاۋەكەل ەتكەندەردىڭ جولى بولىپ جاتادى. كەي كەزدە جۇرەكسىنىپ، قورقىپ تۇرساڭ دا، تاۋەكەل ەتە بىلگەن دۇرىس.

نار تاۋەكەلگە قالاي بارۋ كەرەك؟ ونىڭ وڭاي جولى بار ما؟ بار ەكەن. زەر سالىڭىز.

سىزدە ءومىرىڭىزدى وزگەرتە الاتىن ەكى ءتۇرلى تاڭداۋ بار دەلىك. ەندى سول ەكەۋىن دە قاعازعا جازىپ، وي ەلەگىنەن وتكىزىپ كورىڭىز.

  الدىمەن ءبىر بەت قاعاز الىپ، جارتى جىلدان كەيىنگى ءومىرىڭىزدى كوز الدىڭىزعا كەلتىرىپ، جاڭاعى ءبىرىنشى تاڭداۋدى بۇگە-شۇگەسىنە دەيىن قاعازعا جازىڭىز. ودان كەيىن قازىرگى جاعدايدى ويلاپ، بۇل شەشىمنىڭ ارتىقشىلىعى مەن كەمشىلىگىن جىپكە ءتىزىڭىز. جانىڭىزدا كىم بولادى، ءوزىڭىز كىم بولاسىز، نەمەن اينالىساسىز، قايدا جانە قالاي ءومىر سۇرەسىز، قانداي جەتىستىكتەرىڭىز بولۋى مۇمكىن – وسىنىڭ بارلىعىن جاقسىلاپ ويلانىڭىز.

 بولاشاقتان قازىرگى شاقتاعى وزىڭىزگە حات جازىپ وتىرعانىڭىزدى ۇمىتپاڭىز. كوزىڭىزگە كەلەشەك ءومىرىڭىز كەلگەن كەزدە، ەموتسيونالدىق بولىمىنە ءوتىڭىز. ءومىرىڭىز قالاي ءوتىپ جاتقانىن، ىشكى سەزىمىڭىزدى تولىق بايانداڭىز. بارىنشا تولىقتاي جەتكىزىڭىز. ءوزىڭىز قابىلداعان شەشىمگە كوڭىلىڭىز تولا ما الدە بىردەڭە جەتىسپەيتىندەي كورىنە مە؟

 حات سوڭىندا وسى شەشىمدى قابىلداعانىڭىز ءۇشىن وزىڭىزگە العىس ايتىڭىز. ءومىرىڭىزدى قانشالىقتى دۇرىس ارناعا بۇرعانىن جازىڭىز. اياقتاعان سوڭ قاعازدى بۇكتەپ، كوزگە تۇسپەيتىن جەرگە ساقتاپ قويىڭىز.

 ەندى ەكىنشى قاعازدى قولعا الىڭىز. تاعى دا ءدال وسىلاي حات جازىڭىز، ءبىراق مۇندا ەكىنشى نۇسقانى تاڭداڭىز. الدىڭعى حاتتاعىداي ءۇتىر-نۇكتەسىنە دەيىن قالدىرماي، تولىق جازىپ شىعىڭىز. مۇندا دا جاسالعان تاڭداۋ ءۇشىن وزىڭىزگە راقىمەت ايتىپ، قاعازدى بۇكتەپ، نازاردان تىس جەرگە قويىڭىز.

 اراعا بىرنەشە كۇن سالىپ ەكى حاتتى قولعا الىڭىز دا، مۇقيات وقىپ شىعىڭىز.

 ەكى حاتتان نە سەزىندىڭىز؟ ءالى دە جولايرىقتا تۇرسىز با؟ ولاي بولۋى مۇمكىن ەمەس. ەندى ءبىر شەشىمگە كەلگەن بولارسىز. بۇل ءتاسىل ءسوزسىز كومەكتەسەدى. تەك ەرىنبەي جازىڭىز.

جاۋاپتى رەداكتور: ءاننا اكىمقان قىزى
  • ءبىر اپتالىق اۋا رايىنان الدىن الا مالىمەت
  • شەكارا رايونداعى وقىتۋشىلار، دوحتىرلاردىڭ مامىلەسىن جوعارىلاتسا
  • شي جينپيڭ فۋجيان ۋاكىلدەر ۇيىرمەسىنىڭ تالقىسىنا قاتىناستى
  • 8-مارت حالىقارالىق ايەلدەر مەرەكەسىن قىزۋ قۇتتىقتايمىز