اعاجاي-التاي تورابى   ›   مادەنيەت ارناسى   ›   بىلگەنگە مارجان

كۇمىستىڭ قاسيەتتەرى تۋرالى بىلەسىز بە؟

  كۇمىس ـــ ادام دەنساۋلىعىنا وتە پايدالى. يممۋنيتەتتى نىعايتادى، ميكروبتاردان تازارتادى، جۇرەكتىڭ قىزمەتىن جاقسارتادى، قان قىسىمىن تومەندەتەدى، ىسىكتىڭ جويىلۋىنا كومەكتەسەدى، سونداي-اق ونى تەرى اۋرۋلارى بار ادام تاعىپ ءجۇرۋى كەرەك. سوندىقتان ونى مەديتسينادا دا قولدانادى، كەيبىر قۇرال-جابدىقتاردىڭ قۇرامىنا كۇمىس قوسىلعان.

  قازاقتىڭ ۇعىمىندا كۇمىس تازالىقتىڭ، ادالدىقتىڭ بەلگىسى. تەك اشەكەي بۇيىمدار عانا ەمەس، تۇرمىس زاتتارى، جيھاز، ەر-تۇرماندار دا كۇمىسپەن كۇپتەلگەن. قازىرگى كەزدە دە ءاربىر ۇيدە كۇمىستەن جاسالعان بۇيىمدار بار. كىشكەنتاي ءسابيدى قىرقىنان شىعاراردا دەنى ساۋ بولسىن دەگەن نيەتپەن كۇمىس سالىنعان سۋعا شومىلدىرادى.

  وسى كۇمىس بۇيىمدار ۋاقىت وتە كەلە قارايىپ كەتىپ جاتادى. ول نەلىكتەن؟

  كۇمىسكە سۋ، ءيىسماي، تاماق، كىر جۋعىش قۇرالدار تيگەندە، كەيدە سورەدە جاتىپ-اق وزىنەن-ءوزى كۇڭگىرتتەنىپ كەتەدى.

  قالاي تازارتۋ قاجەت؟

  1-ءتاسىل. زەرگەرلىك دۇكەندەردەن ارنايى كۇمىستەردى تازارتقىش قۇرالداردى ساتىپ الىپ قويۋ قاجەت.

  2-ءتاسىل. 1 ستاكان سۋعا 1 شاي قاسىق ءمۇساتىر، 1–2 تامشى سۇيىق سابىن جانە سۋتەگى توتىعىن تامىزىڭىز دا، ابدەن ارالاستىرىپ بولعان سوڭ كۇمىستى سوعان 15–20 مينۋتقا سالىپ قويىڭىز. اعارعاننان كەيىن شۇبەرەكپەن سۇرتەسىز.

  3-ءتاسىل. ەگەر كارتوپتان پيۋرە جاسايتىن بولساڭىز، دايىن بولعاننان كەيىن سۋىن ستاكانعا قۇيىپ الىپ، سۋىعاننان كەيىن كۇمىستى سالاسىز.

  4-ءتاسىل. كۇمىس اشەكەيگە تاس ارالاستىرىپ جاسالماعان بولسا، 1 ستاكان سۋعا 1 شاي قاسىق تۇز قوسىپ، ىشىنە كۇمىستى سالىپ، 10–15 مينۋتتاي قايناتاسىز.

  5-ءتاسىل. كادىمگى كيىزگە دە ۇيكەلەپ، تازارتۋعا بولادى. الايدا قاتتى ىسقىلاپ، بۇيىمدى ءبۇلدىرىپ الماڭىز.

  6-ءتاسىل. جارتى ستاكان سۋعا 2 قاسىق 10 پايىزدىق سىركەسۋ ارالاستىرىپ، گازعا قويىپ، جىلىتاسىز. وسى ەرىتىندىگە 10–15 مينۋتتاي ۇستايسىز، سودان سوڭ كۇمىس الىپ، كۇدەرى نە ماقتامەن سۇرتەسىز.

  7-ءتاسىل. ەڭ وڭايى: كادىمگى ءتىس پاستاسىمەن نە اس سوداسىمەن ىسقىلاپ، كەيىن سۋمەن شايىپ جىبەرسەڭىز، جارقىراپ شىعا كەلەدى. كوڭىلىڭىز ءاردايىم كۇمىستەي جارقىراپ جۇرە بەرسىن!

جاۋاپتى رەداكتور: ءاننا اكىمقان قىزى
  • ءبىر اپتالىق اۋا رايىنان الدىن الا مالىمەت
  • شەكارا رايونداعى وقىتۋشىلار، دوحتىرلاردىڭ مامىلەسىن جوعارىلاتسا
  • شي جينپيڭ فۋجيان ۋاكىلدەر ۇيىرمەسىنىڭ تالقىسىنا قاتىناستى
  • 8-مارت حالىقارالىق ايەلدەر مەرەكەسىن قىزۋ قۇتتىقتايمىز