اعاجاي-التاي تورابى   ›   اقپارات ايدىنى   ›   سۋرەتتى حابارلار

شەكارا رايونداعى وقىتۋشىلار، دوحتىرلاردىڭ مامىلەسىن جوعارىلاتسا

  شينجياڭ موري قازاق اۆتونوميالى اۋدانىنان كەلگەن مەملەكەتتىك ساياسي كەڭەستىڭ مۇشەسى باعداۋلەت «شەكارا رايوندارداعى وقۋ-اعارتۋ، ەمدەۋ دەنساۋلىق ساقتاۋ قىزمەتكەرلەرىنىڭ ەڭبەك اقىسىن جوعارىلاتۋ» جونىندە ۇسىنىس الا كەلىپ، نەگىزگى ساتىنىڭ جۇرەك ءۇنىن جەتكىزدى.

   ءتىلشى قىمبات دىڭعازى قىزى بەيجيڭنەن حابارلايدى. وقۋ-اعارتۋ، ەمدەۋ- دەنساۋلىق ساقتاۋ ىستەرى بارشا حالىقتىڭ باقىتتى تۇرمىس كەشىرۋىنە، دوڭگەلەك داۋلەتتى قوعامدى جالپى بەتتىك قۇرۋعا قاتىستى ماڭىزدى ءتۇيىن سانالادى. بيىلعى مەملەكەتتىك ەكى ماجىلىستە وسى تاقىرىپتار جونىندە قىزۋ تالقى ورىستەتىلدى.
     شينجياڭ موري قازاق اۆتونوميالى اۋدانىنان كەلگەن مەملەكەتتىك ساياسي كەڭەستىڭ مۇشەسى باعداۋلەت «شەكارا رايوندارداعى وقۋ-اعاتۋ، ەمدەۋ دەنساۋلىق ساقتاۋ قىزمەتكەرلەرىنىڭ ەڭبەك اقىسىن جوعارىلاتۋ» جونىندە ەكى ماجىلىسكە ۇسىنىس جوبا الا كەلدى. ول بىلاي دەپ توقتالدى:
      -مەن شەكارا رايونداعى نەگىزگى ساتىدان كەلگەن مەملەكەتتىك ساياسي كەڭەستىڭ مۇشەسىمىن، كاسىبىم وقىتۋشىلىق. ءبىزدىڭ كوركەم شينجياڭدا 33 شەكارا اۋدان بار، پارتيامەن ۇكىمەتتىڭ قامقورلىعىندا وسى شەكارا رايونداعى حالىقتىڭ تۇرمىس ورەسى دە بىرتىندەپ جوعارىلاپ، ساپالى وقۋ-اعارتۋ، جوعارى ورەلى ەمدەۋ-دەنساۋلىق ساقتاۋ ىستەرىنە بولعان قاجەتى دە بارعان سايىن ارتتى. الايدا كوپ ساندى شەكارا رايونداردىڭ وقۋ-اعارتۋ، ەمدەۋ دەنساۋلىق ساقتاۋ ىستەرىنىڭ دامۋىندا ءالى دە ولقىلىقتار بەلەڭ بەرىپ وتىرعانى شىندىق. ايتالىق كاسىپتىك تەحنيك قىزمەتكەرلەردىڭ جەتىسپەۋى، دارىندىلاردىڭ كەمشىلدىگى قاتارلى ماسەلەلەر كورنەكتى.
      مەن شەكارا رايوندارداعى وقۋ-اعارتۋ، ەمدەۋ دەنساۋلىق ساقتاۋ قىزمەتكەرلەرىنىڭ ەڭبەك اقىسىن جوعارىلاتسا، وسى ارقىلى وسى سالانىڭ كەمەلدى دامۋىن كوزدە ۇستاي وتىرىپ، مەملەكەت تارابىنان شەكارا رايونداعى حالىققا باعىتتالعان قولداۋ تەبىنى ارتتىرىلسا دەيمىن.
     بۇندا الدىمەن شەكارا رايونداردى ساياسات جاعىنان سۇيەمەلدەۋ، قارجىنى سەپتەپ بەرۋ تەبىنىن ونان ارى ارتتىرىپ، شەكارا رايونداردىڭ دارىندىلاردى باۋراۋ، دارىندىلاردىڭ اعىلۋى ساياساتتىق جاقتان قامتاماتسىزداندىرسا؛
      ەكىنشىدەن، وقۋ-اعارتۋ، ەمدەۋ-دەنساۋلىق ساقتاۋ قىزمەتكەرلەرىنە بولعان مامىلەنى جوعارىلاتىپ، شەكارا رايونداعى بۇقارانى ءبىر تۇتاس ەمدەۋ قىزمەت وتەۋ كاسىبىنەن شىنايى يگىلىكتەندىرىپ، شەكارا وڭىردەگى بۇقارانىڭ كىشى-گىرىم ناۋقاستى ەمدەتۋدە قىستاقتان شىعا المايتىن، اۋىر ناۋقاستى ەمدەتۋدە اۋىلدان اسا المايتىن، سالماقتى ناۋقاستى ەمدەتۋدە اۋداننان الىستاپ شىعا المايتىن جاعدايدى وزگەرتۋگە كۇش سالساق دەيمىن.

  

       مەملەكەتتىك ساياسي كەڭەستىڭ مۇشەسى باعداۋلەت (وزبەك ۇلتى)، موري اۋدانى دانانگوۋ وزبەك ۇلتتىق اۋىلى سەنترلى مەكتەبىنىڭ وقىتۋشىسى

جاۋاپتى رەداكتور: ءاننا اكىمقان قىزى
  • شي جينپيڭ فۋجيان ۋاكىلدەر ۇيىرمەسىنىڭ تالقىسىنا قاتىناستى
  • 8-مارت حالىقارالىق ايەلدەر مەرەكەسىن قىزۋ قۇتتىقتايمىز
  • ءشۇيىنشى! زۇڭلي بايانداماسىنىڭ «شاشۋى» مول
  • مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى بەيجيڭدە اشىلدى