اعاجاي-التاي تورابى   ›   اقپارات ايدىنى   ›   سۋرەتتى حابارلار

شي جينپيڭ فۋجيان ۋاكىلدەر ۇيىرمەسىنىڭ تالقىسىنا قاتىناستى

    ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3-ايدىڭ 10-كۇنى تۇستەن كەيىن فۋجيان ۋاكىلدەر ۇيىرمەسىنىڭ تالقىسىنا قاتىناستى. ماجىلىستە لەي جينيۇي، جاڭ لينشۇن، لان پيڭيۇڭ، كاڭ تاۋ، چىن گويىڭ، پان يۋە، ديڭ شىجۇڭ، جاڭ ليانشىڭ قاتارلى 8 ۋاكىل ىلگەرىندى ـ كەيىندى كەدەيلىكتەن قۇتىلدىرۋدان قامال الۋ شايقاسىن ويداعىداي جۇرگىزۋ، كورىكتى اۋىل ـ قىستاق قۇرۋ، شالعاي مۇحيت بالىق شارۋاشىلىعىن دامىتۋ، ەكى جاعالاۋدىڭ توعىسپالى دامۋىن تەرەڭدەتۋ، «سيفرلى جۇڭگو» قۇرۋ، سىرتقا ەسىك اشۋدى كەڭەيتۋ، جاڭالىق اشا دامۋدى ىلگەرىلەتۋ، بايىرعى توڭكەرىستىك رايوننىڭ، سوۆەتتىك رايوننىڭ دامۋىن جەبەۋ سياقتى ماسەلەلەر توڭىرەگىندە پىكىر ايتتى.

  كەيبىر ۋاكىلدەر جاڭالىق اشۋ، رەفورما جاساۋ ارقىلى ۇلتتىق ايگىلى ماركا جاراتۋدى تىلگە تيەك ەتتى، شي جينپيڭ بىلاي دەدى: ءسىز 2001 ـ جىلى وسى ءىستى باستاعان ەدىڭىز، قازىر ءالى دە ىستەپ جاتىرسىز، ونىڭ ۇستىنە بارعان سايىن زورايتىپ، دامىتۋداسىز. كاسىپورىن قۇرۋ، كاسىپ ىستەۋ تەك اقشا تابۋ ماسەلەسى ەمەس. ناقتى ەكونوميكامەن شۇعىلدانۋ ءۇشىن، شىنايى، بار ىنتا - پەيىلىمەن نەگىزگى كاسىپتى ىستەۋ كەرەك، بۇل ‐ ماڭداي الدى ءىس.

  شي جينپيڭ سوڭعى ماڭىزدى سوزىندە فۋجياننىڭ قىزمەتىن تۇراقتاندىرىپ، فۋجيانداعى جولداستاردىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن، جاڭا دامۋ ۇستانىمىنان جازباي، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ ـ قاتەردەن ساقتانۋ، ورنىقتىلىقتى ساقتاۋ قىزمەتىن ءبىر تۇتاس جوسپارلاپ، ويداعىداي ىستەپ، تاماشا دامۋ ورتاسىن قالىپتاستىرۋ جاعىندا تاعى دا تاماشا ناتيجە جاراتىپ، ەكى جاعالاۋدىڭ توعىسپالى دامۋىن ىلگەرىلەتۋ جاعىندا ۇلگى كورسەتىپ، جاپپاي دوڭگەلەك داۋلەتتى قوعام قۇرىپ شىعۋدىڭ ءساتتى ورىندالۋىنا بەرىك نەگىز قالاۋىن ءۇمىت ەتتى.

   شي جينپيڭ مىنالاردى باسا دارىپتەدى: جاڭالىق اشۋعا، شارۋاشىلىق قۇرۋعا ءتيىمدى تاماشا دامۋ ورتاسىن ازىرلەۋ كەرەك. رەفورما جاساپ، ەسىك اشۋدان قوزعاۋشى كۇش الىپ، بۇكىل قوعامنىڭ جاڭالىق اشۋ، شارۋاشىلىق قۇرۋ، جاڭالىق جاراتۋ قوزعاۋشى كۇشىن مۇمكىندىكتىڭ بارىنشا ىسكە قوسىپ، ەلىمىزدىڭ دۇنيە جۇزىلىك زور وزگەرىس جاعدايىنداعى ىقپال كۇشىن، باسەكەلىك قۋاتىن ۇزدىكسىز كۇشەيتۋ كەرەك. ماسەلەنى نىشان ەتۋدەن جازباي، يدەيانى ازات ەتىپ، رەفورما جاساپ، ەسىك اشۋدى جاپپاي تەرەڭدەتۋ ارقىلى جاڭالىق اشۋعا، شارۋاشىلىق قۇرۋعا ءتىپتى دە جاقسى ورتا ازىرلەپ، جاڭالىق اشۋعا، شارۋاشىلىق قۇرۋعا ىقپال جاسايتىن كورنەكتى ءتۇزىلىس، مەحانيزم ماسەلەلەرىن كۇش سالا شەشىپ، جاڭالىق اشۋعا، شارۋاشىلىق قۇرۋعا دەم بەرەتىن قوعامدىق اۋقىم قالىپتاستىرۋ، اسىرەسە، ورتا، شاعىن كاسىپورىنداردىڭ، جاستاردىڭ دامۋىنا ءتيىمدى شارت ـ جاعداي ازىرلەپ، جوعارى تەحنيكالى كاسىپورىنداردىڭ جەتىلۋىنە جەدەل مەحانيزم ورناتۋ كەرەك. «ەكىدەن تيتتەي دە اۋىتقىماۋعا» تاباندى بولىپ، حالىقتىق شارۋاشىلىقتىڭ دامۋىنا دەم بەرىپ، جەتەكشىلىك ەتىپ، قولداۋ كورسەتەتىن ءتۇرلى ساياساتتىق شارالاردى تياناقتاندىرىپ، ءتۇرلى مەنشىكتەگى كاسىپورىندارعا ءادىل، جاريا، زاڭمەن باسقارىلاتىن دامۋ ورتاسىن جاراتىپ، كاسىپورىنشىلاردىڭ اقاۋسىز ەسەيىپ ـ ەرجەتۋىنە ءتيىمدى تاماشا ورتا ازىرلەپ، حالىقتىق كاسىپورىنداردىڭ جاڭالىق اشا دامۋىن جۇزەگە اسىرۋىنا كومەكتەسىپ، بازار باسەكەسى بارىسىندا ءورىس اشۋ رۋحىنا، كورەگەندىگىنە، حالىقارالىق كوز اياسىنا يە كاسىپورىنشىلار قوسىنىن قالىپتاستىرۋ كەرەك.
    شي جينپيڭ بىلاي دەدى: ەكونوميكالىق ەرەكشە رايون، ەركىن ساۋدا سىناق رايونى، جالپىلىق تاجىريبە رايونى، 21 ـ عاسىرداعى تەڭىز جىبەك جولى وزەكتى رايونى سياقتى كوپ رايون قاباتتاسقان باسىمدىلىقتى ساۋلەلەندىرىپ، جاڭا جولدى ۇزدىكسىز قاراستىرىپ، ساپالى ءوندىرىس فاكتورلارىن شوعىرلاندىرىپ، فۋجيان ولكەسىنىڭ كاسىپتىك باسەكەلىك قۋاتىن جاپپاي جوعارىلاتىپ، اشىق ەكونوميكالىق جاڭا ءتۇزىلىس ورناتۋ جاعىندا الدا جۇرۋگە قۇلشىنۋ كەرەك.

  شي جينپيڭ مىنالاردى اتاپ كورسەتتى: بۇعاز ەكى جاعالاۋىنىڭ توعىسپالى دامۋىنىڭ جاڭا جولىن قاراستىرۋ كەرەك. تايۋان قىزمەتىندە جالپى جاعدايدى كوزدە ۇستاۋمەن بىرگە، تىڭعىلىقتى تياناقتاندىرۋعا دا ءمان بەرۋ كەرەك. ەكى جاعالاۋ بارىس-كەلىسىنىڭ ىركىلىسسىز بولۋى، ەكونوميكا - ساۋدا سەلبەستىگىنىڭ ىركىلىسسىزدىگىن، نەگىزدىك قۇرىلعىلاردىڭ تۇتاسۋىن، ەنەرگيا بايلىعىن ءوزارا تۇتاستىرۋدى، كاسىپتىك ولشەمدەردى تۇتاستىرۋدى جوعارىلاتىپ، فۋجيان ولكەسىن تايۋاندىق باۋىرلاستار مەن تايۋاندىق كاسىپورىنداردىڭ ۇلى قۇرىلىقتاعى ءبىرىنشى مەكەنى ەتىپ قۇرىپ شىعۋعا قۇلشىنۋى كەرەك. ەكى جاعالاۋدىڭ اۋىس ـ كۇيىسىن، سەلبەستىگىن كۇشەيتىپ، مادەنيەت اۋىس ـ كۇيىس تەبىنىن ارتتىرىپ، قىزمەتتى تايۋاندىق باۋىرلاستاردىڭ جۇرەگىنە ۇيالاتىپ، تايۋاندىق باۋىرلاستاردىڭ ۇلت، مەملەكەت جونىندەگى تانىمى مەن سۇيىسپەنشىلىگىن ارتتىرۋ كەرەك. تايۋان قىزمەتى بارىسىندا حالىقتى وزەك ەتكەن دامۋ يدەياسىن ويداعىداي دايەكتىلەندىرىپ، تايۋاندىق باۋىرلاستارعا بىردەي مامىلە جاساپ، ۇلى قۇرلىقتاعى بۇقارا ءۇشىن قىزمەت ەتكەندەي تايۋاندىق باۋىرلاستارعا باقىت جاراتۋ كەرەك.

  شي جينپيڭ بىلاي دەدى: بىلتىردان بەرى، ءبىز «تايۋانعا قاتىستى 31 ءتۇرلى جەڭىلدىك شارانى» العا قويدىق، فۋجيان ولكەسى «66 تارماقتى اتقارۋ پىكىرىن» جولعا قويىپ، كورنەكتى ونىمدىلىككە قول جەتكىزدى، قالىڭ تايۋاندىق باۋىرلاستار مۇنان يگىلىكتەنۋشىلەر. بۇل شارالاردى تياناقتاندىرۋ، سونىمەن بىرگە تايۋاندىق باۋىرلاستاردىڭ ۇنىنە قۇلاق اسۋ كەرەك، تايۋانعا جانە حالىققا نەندەي ءتيىمدى ساياساتتىق شارالاردى شىعارۋدى زەرتتەۋ، ىستەي الاتىندارىن مۇمكىندىكتىڭ بارىنشا ىستەۋ كەرەك.

  شي جينپيڭ مىنالاردى باسا دارىپتەدى: توڭكەرىستىك بايىرعى رايونداردىڭ، ورتالىق سوۆەت رايوندارىنىڭ كەدەيلىكتەن قۇتىلىپ، دوڭگەلەك داۋلەتتى ورەگە جەتۋ قىزمەتىن ويداعىداي ىستەۋ كەرەك. بيىل جاڭا جۇڭگو قۇرىلعاندىعىنىڭ 70 جىلدىعى. سۋ ىشكەندە قاينارىن ۇمىتپاۋ كەرەك، بايىرعى توڭكەرىستىك رايوندارداعى، سوۆەتتىك رايوندارداعى حالىقتى ەستەن شىعارۋعا استە بولمايدى. ەگجەي ـ تەگجەيلى تەكسەرىپ، قىزمەتتى مىقتى يگەرىپ، بايىرعى توڭكەرىستىك رايون مەن سوۆەت رايونىنىڭ جاپپاي دوڭگەلەك داۋلەتتى قوعام قۇرۋ بارىسىندا بىردە ـ ءبىرىن قاتاردان قالدىرماۋ كەرەك. كەدەيلەردى دالمە ـ ءدال سۇيەمەلدەۋگە، كەدەيلىكتەن دالمە ـ ءدال قۇتىلدىرۋعا تاباندى بولىپ، ماسەلەنىڭ قاينارىن تاۋىپ، كەدەيلىكتەن قۇتىلدىرۋ شارالارىنىڭ ناقتى ونىمدىلىگىن كۇشەيتۋ كەرەك.

  شي جينپيڭ بىلاي دەدى: ءار دارەجەلى باسشى كادرلاردا شارشاپ ـ شالدىعۋدان قورىقپايتىن، ۇزدىكسىز شايقاس جاسايتىن قايسار ستيل بولۋى، ءبىرىنشى شەپكە، بۇقاراعا ىشكەرىلەي ارالاسىپ، كەدەيلىكتەن قۇتىلدىرۋدان قامال الۋداعى قيىن ماسەلەلەردى دەر كەزىندە شەشىپ، ءتۇرلى نىسانا ـ مىندەتتەردىڭ ۋاعىندا ورىندالۋىنا كەپىلدىك ەتۋى كەرەك. بايىرعى توڭكەرىستىك رايونداردىڭ، سوۆەتتىك رايونداردىڭ دامۋىن تەزدەتۋدە ۇزاق بولاشاقتىق كورەگەندىك بولۋ، ەكونوميكانى دامىتۋ مەن ەكولوگيانى قورعاۋدى ءوزارا سايكەستىرۋ، ءوزارا جەبەۋ جۇمىستارىن جاقسى ىستەپ، لاستانۋدىڭ الدىن الۋ-وڭاۋدان قامال الۋ شايقاسىن ويداعىداي جۇرگىزىپ، اشىق اسپان، تۇنىق سۋ، تازا توپىراقتى قورعاۋ سىندى ءۇش ءىرى شايقاستى كورنەكتى تۇردە جۇرگىزۋ كەرەك. پارتيانىڭ ساياسي قۇرىلىسىن جەتەكشى ەتىپ، جاڭا داۋىردەگى پارتيا قۇرىلىسىنىڭ جالپى تالابىن جاپپاي تياناقتاندىرىپ، پارتيانىڭ ءار جاقتاعى قۇرىلىسىن جاپپاي ىلگەرىلەتىپ، پارمەندى پارتيا ۇيىمى ارقىلى قىزمەت مىندەتتەرىنىڭ تياناقتانۋىنا كەپىلدىك ەتۋ كەرەك.

جاۋاپتى رەداكتور: ءاننا اكىمقان قىزى
  • شي جينپيڭ فۋجيان ۋاكىلدەر ۇيىرمەسىنىڭ تالقىسىنا قاتىناستى
  • 8-مارت حالىقارالىق ايەلدەر مەرەكەسىن قىزۋ قۇتتىقتايمىز
  • ءشۇيىنشى! زۇڭلي بايانداماسىنىڭ «شاشۋى» مول
  • مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى بەيجيڭدە اشىلدى