اعاجاي-التاي تورابى   ›   اقپارات ايدىنى   ›   سۋرەتتى حابارلار

مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى بەيجيڭدە اشىلدى

شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان ماجىلىسكە قاتىناسىپ قۇتتىقتادى ۋاڭ ياڭ ساياسي كەڭەس تۇراقتى كوميتەتىنىڭ قىزمەتىنەن بايانداما جاسادى جاڭ چيڭلي باسقاردى سۋ حۇي ۇسىنىس جوبا قىزمەتى جاعدايىنان بايانداما جاسادى

  3 - ايدىڭ 3 - كۇنى جۇڭگو حالىق ساياسي كەڭەس 13 - كەزەكتى مەملەكەتتىك كوميتەتىنىڭ 2 - ءماجىلىسى بەيجيڭدەگى حالىق سارايىندا اشىلدى. سۋرەتتە: شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان ءتوراعالار مىنبەسىنەن ورىن الدى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  شينحۋا اگەنتتىگىنىڭ 3 - ايدىڭ 3 - كۇنى بەيجيڭنەن بەرگەن حابارى. ورتاق تانىم شوعىرلاندىرىپ، ءداۋىردىڭ شۇعىلالى داستانىن جازىپ، مەملەكەت ءىسىن بىرگە اقىلداسىپ، گۇلدەنۋدىڭ ۇلى جوباسىن بىرگە جاسايىق. جۇڭگو حالىق ساياسي كەڭەس 13 - كەزەكتى مەملەكەتتىك كوميتەتىنىڭ 2 - ءماجىلىسى 3 - ايدىڭ 3 - كۇنى تۇستەن كەيىن حالىق سارايىندا اشىلدى. الداعى 10 كۇندە 2000نان استام مەملەكەتتىك ساياسي كەڭەس مۇشەسى مىندەت جاۋاپكەرشىلىگىن مۇقيات وتەپ، زەيىن - زەردەسى مەن كۇش - قۋاتىن كەڭ كولەمدە ۇيىستىرىپ، بورىشىن، جاۋاپكەرشىلىگىن اتقارۋدى كۇشەيتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ ءۇشىن تىڭ دا اناعۇرلىم زور ۇلەس قوسادى.

  3 - ايداعى بەيجيڭ كوكتەم شۋاعىنا بولەنىپ، كوركەم كورىنىس كوز تارتتى. حالىق سارايى زالىنىڭ دوعاشا توبەسىندەگى شامدار جاقۇتتاي جارقىراپ، زال سالتاناتتى، دۋماندى مەرەيگە شومدى. جۇڭگو حالىق ساياسي كەڭەسىنىڭ گەربى ءتوراعالار مىنبەسى ءتورىنىڭ ورتاسىنا ءىلىنىپ، ەكى جاعىنا بەستەن نارت قىزىل تۋ قويىلدى.

  مەملەكەتتىك ساياسي كەڭەستىڭ ءتوراعاسى ۋاڭ ياڭ، مەملەكەتتىك ساياسي كەڭەستىڭ ورىنباسار ءتوراعالارى جاڭ چيڭلي، ليۋ چيباۋ، پابالا . گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ ءتوراعالار مىنبەسىنىڭ الدىڭعى قاتارىنان ورىن الدى.

  پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الىپ، ءماجىلىستىڭ اشىلعاندىعىن قۇتتىقتادى.

  مەملەكەتتىك ساياسي كەڭەس 13 - كەزەكتى كوميتەتىنىڭ 2 - ماجىلىسىنە قاتىناسۋعا ءتيىستى مۇشە 2157 ادام، ناقتى قاتىناسقانى 2133 ادام، بۇل بەلگىلەمەدەگى ادام سانىنا ۇيلەسەدى.

  تۇستەن كەيىن ساعات 3تە جاڭ چيڭلي ءماجىلىستىڭ اشىلعاندىعىن جاريالادى، زالداعىلار تۇگەلدەي ورىندارىنان تۇرىپ، مەملەكەت ءانىن شىرقادى.

  ءماجىلىس الدىمەن ساياسي كەڭەس 13 - كەزەكتى مەملەكەتتىك كوميتەتى 2 - ءماجىلىسىنىڭ كەڭەستىك ءتارتىبىن قاراپ ماقۇلدادى.

  ۋاڭ ياڭ ساياسي كەڭەس 13 - كەزەكتى مەملەكەتتىك كوميتەتىنىڭ تۇراقتى كوميتەتى اتىنان ماجىلىسكە قىزمەتتەن بايانداما جاسادى.
 ۋاڭ ياڭ حالىق ساياسي كەڭەستىڭ وتكەن ءبىر جىلداعى قىزمەتىن 3 ءتۇرلى ءتۇيىندى قىزمەتتەن جانە 7 جاقتان قورىتىندىلادى. ول بىلاي دەدى: 2018 - جىل جۇڭگو كوممۋنيستىك پارتياسى 19 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى ءارى 13 - كەزەكتى مەملەكەتتىك ساياسي كەڭەس قىزمەتىنىڭ باستالعان جىلى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ساياسي كەڭەس مەملەكەتتىك كوميتەتى مەن ونىڭ تۇراقتى كوميتەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ىنتىماق، دەموكراتيا سىندى ەكى ۇلكەن نەگىزگى تاقىرىپتان جازباي، مۇراگەرلىك ەتۋ مەن جاڭالىق اشۋدى جاندى ۇشتاستىرۋعا تاباندى بولىپ، ارناۋلى كەڭەس ورگانىندىق رولىن ساۋلەلەندىرىپ، سىندارلى اقىل - كەڭەس بەرۋ مەن ورتاق تانىمدى ۇيىستىرۋ سىندى قوس باعىتتا كۇش سالىپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن جانە حالىق ساياسي كەڭەس قىزمەتى جونىندەگى تالاپتارىن تياناقتاندىرۋ، ەل ءىشى - سىرتىنداعى جۇڭحۋا ۇلاندارىنىڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋداعى اقىل - پاراساتى مەن كۇش - قۋاتىن ۇيىستىرۋ سىندى ساياسي جاۋاپكەرشىلىكتى شىنايى ارقالاپ، ءتۇرلى قىزمەتتە تىڭ ىلگەرىلەۋشىلىككە قول جەتكىزۋدى ىلگەرىلەتىپ، جاڭا داۋىردەگى حالىق ساياسي كەڭەسىنىڭ جاڭا بەت - بەينەسىن، جاڭا تىنىسىن ايگىلەدى.

  3 - ايدىڭ 3 - كۇنى جۇڭگو حالىق ساياسي كەڭەس 13 - كەزەكتى مەملەكەتتىك كوميتەتىنىڭ 2 - ءماجىلىسى بەيجيڭدەگى حالىق سارايىندا اشىلدى. سۋرەتتە: ۋاڭ ياڭ ساياسي كەڭەس 13 - كەزەكتى مەملەكەتتىك كوميتەتىنىڭ تۇراقتى كوميتەتى اتىنان ماجىلىسكە قىزمەتتەن بايانداما جاسادى.  سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن

  ۋاڭ ياڭ مىنانى اتاپ كورسەتتى: 2019 - جىل − جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، حالىق ساياسي كەڭەس تە 70 جىلدىق مەرەيلى كۇنىن قارسى الادى. حالىق ساياسي كەڭەس قىزمەتىنىڭ جالپى تالابى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جۇڭگو كوممۋنيستىك پارتياسى 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ،”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، بورىشتى، مىندەتتى تاپجىلماي كوزدەپ، ىنتىماق ، دەموكراتيا سىندى ەكى ۇلكەن نەگىزگى تاقىرىپتان جازباي، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋدى، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدى ارقاۋ ەتىپ، نازاردى جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ، 3 ۇلكەن قامال الۋ شايقاسىن ويداعىداي جۇرگىزۋ سياقتى ءتۇيىندى مىندەتتەرگە شوعىرلاندىرىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ات سالىسۋ، ۇكىمەت ءىسىن كەڭەسۋ فۋنكتسياسىن مۇقيات اتقارىپ، سىندارلى اقىل - كەڭەس بەرۋ مەن ورتاق تانىمدى ۇيىستىرۋ سىندى قوس باعىتتا كۇش سالۋ قىزمەتىنىڭ ساپاسىن جوعارىلاتىپ، جاڭا جۇڭگو قۇرىلعاندىعىنىڭ 70 جىلدىعىن ۇزدىك ناتيجەمەن قۇتتىقتاۋ.

  ۋاڭ ياڭ مىنانى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ساياسي كەڭەس قىزمەتىن ءبىر تۇتاس مەڭگەرۋدىڭ باس باعدارناماسى ەتىپ، ۇيرەنۋگە ىنتا قويىپ، ۇيرەنۋدى كۇشەيتىپ، جۇڭگوشا سوتسياليزمگە تاباندى بولۋدى جانە ونى دامىتۋدى نەگىزگى ارقاۋ ەتىپ، ورتاق يدەيالىق، ساياسي نەگىزدى ۇزدىكسىز بەكەمدەۋ كەرەك. حالىق ساياسي كەڭەس ءتۇزىمىنىڭ اناعۇرلىم كەمەلدەنۋىن، اناعۇرلىم قالىپتاسۋىن ىلگەرىلەتۋدى، ارناۋلى كەڭەس ورگانىنىڭ رولىن ويداعىداي ساۋلەلەندىرۋدى جاڭا داۋىردەگى جاڭا باعدار، جاڭا بورىش ەتىپ، جاڭالىق اشۋعا ىنتا قويىپ، جاڭالىق اشۋعا باتىل بولىپ، نازاريا زەرتتەۋدى كۇشەيتىپ، تۇزىمدىك مەحانيزمدى كەمەلدەندىرىپ، امالياتتا دامۋدى ىلگەرىلەتۋ كەرەك. يدەيالىق، ساياسي جەتەكشىلىكتى كۇشەيتۋدى، ورتاق تانىمدى كەڭ كولەمدە ۇيىستىرۋدى حالىق ساياسي كەڭەسىنىڭ مىندەت وتەۋ قىزمەتىنىڭ وزەكتى بۋىنى ەتىپ، ىنتىماقتى ارداقتاپ، ىنتىماقتى كۇشەيتىپ، بارلىق بەلسەندى فاكتورلاردى جۇمىلدىرىپ، ءبىر نيەت، ءبىر تىلەكپەن گۇلدەنۋ ۇلى ءىسىن بىرگە قۇرۋ كەرەك.

  ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتىنىڭ تاپسىرۋىمەن سۋ حۇي ماجىلىسكە ساياسي كەڭەس 13 - كەزەكتى كوميتەتىنىڭ 1 - ماجىلىسىنەن بەرگى ۇسىنىس جوبا قىزمەتى جاعدايىنان بايانداما جاسادى. ساياسي كەڭەس 13 - كەزەكتى كوميتەتىنىڭ 1 - ماجىلىسىنەن بەرى، قالىڭ ساياسي كەڭەس مۇشەلەرى، ساياسي كەڭەسكە قاتىناسۋشى ورىندار جانە ارناۋلى كوميتەتتەر پارتيا مەن مەملەكەتتىڭ وزەكتى مىندەتىن جانە حالىق بۇقاراسى جاپپاي كوڭىل ءبولىپ وتىرعان حالىق تۇرمىسى ماسەلەسىن ارقاۋ ەتىپ، اسىرەسە، جاڭا دامۋ ۇستانىمىن دايەكتىلەندىرۋدى، نازاردى 3 ۇلكەن قامال الۋ شايقاسىن ويداعىداي جۇرگىزۋگە شوعىرلاندىرۋدى ارقاۋ ەتىپ، ماجىلىسكە 5360 ۇسىنىس جوبا، 211 جايشىلىقتاعى ۇسىنىس جوبا ۇسىندى. ۇسىنىس جوبانىڭ ساپاسىن جوعارىلاتۋ جانە ۇسىنىس جوبانى ءبىر جاقتى ەتۋ ساپاسىن جوعارىلاتۋ تالابىنا ساي، جالپى 4567 ۇسىنىس جوبا ەستەلىككە الىنىپ، 165 مىندەتكە الۋشى ورىننىڭ ءبىر جاقتى ەتۋىنە تاپسىرىلدى؛ 2019 - جىلى 2 - ايدىڭ 20 - كۇنىنە دەيىن، %99.2ى ءبىرجاقتى ەتىلىپ، جاۋاپ قايتارىلدى. ءار جاقتىڭ قۇلشىنۋىندا، ۇسىنىس جوبا ناتيجەسى ءونىمدى پايدالانىلىپ، شەشىم جاساۋعا قىزمەت وتەۋدە، قىزمەتتەردى ىلگەرىلەتۋدە ماڭىزدى رول اتقاردى.

  ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، يوۋ چۋان، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ۋي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ ءجۇن قاتارلى باسشى جولداستار دا ءتوراعالار مىنبەسىنەن ورىن الدى.
 جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار ۇسىنىس بويىنشا اشىلۋ ماجىلىسىنە سىرتتاي قاتىناستى. ءار ەلدىڭ جۇڭگوداعى ەلشىلەرى، اقپارات ءمانساپتىلارى جانە شەتەلدەگى چياۋمين باۋىرلاستار، ت.ب ۇسىنىس بويىنشا اشىلۋ ماجىلىسىنە قاتىناستى.

جاۋاپتى رەداكتور: ءاننا اكىمقان قىزى
  • قىراۋلى قالاشىق شۇڭقىردا ساياحات كاسىبى جانداندى
  • ايماق ورتالىق 6 ـ شارلاۋ گرۋپپاسىنىڭ كەدەيلىكتەن ارىلتۋدان قامال الۋعا ارناۋلى شارلاۋ جۇرگىزۋدەن اڭىس ەتكەن پىكىرىن دايەكتىلەندىرۋ، تياناقتاندىرۋ جونىندە رەتكە سالۋ ـ تۇزەتۋ قىزمەتى تاقىرىپتىق ٴماجىلىسىن اشتى
  • الداعى ءۇش كۇندىك اۋا رايىنان الدىن الا مالىمەت
  • ۇنەمى ۇيرەنۋ، ۇنەمى جاڭارۋ بارىسىندا نازاريالىق جەتىلىمدى كۇشەيتۋ، تانىم مەن ارەكەتتىڭ بىرلىگى بارىسىندا ىرىقتىلىقپەن جاۋاپكەرشىلىك ارقالاۋ، ىسكەرلىك كورسەتۋ كەرەك