اعاجاي-التاي تورابى   ›   مادەنيەت ارناسى   ›   ونەگە

كورشى باقىتىنىڭ قۇپياسى

  ءبىر شاعىن قالادا كورشى ەرلى-زايىپتىلار ءومىر ءسۇرىپتى. مىنا ءبىر جۇپ ەرلى-زايىپتى ۇنەمى رەنجىسىپ، وتباسىندا تىنىشتىق بولمايدى ەكەن دە، ال انا ەكەۋى بال جالاسىپ، تاتۋ-ءتاتتى ءوتىپ جاتىپتى. ولاردىڭ بال جالاسقان ماحابباتىنا ءتانتى بولىپ مىنا ەكەۋى جۇرەدى. ءبىر كۇنى ايەلى كۇيەۋىنە: «سەن كورشىمىزدىڭ ۇيىنە ۇرلانىپ بارىپ كورىپ كەلشى، ولار نە ءۇشىن تىپ-تىنىش، بەرەكەلى ءومىر سۇرەدى ەكەن؟» دەيدى. سونىمەن كۇيەۋى كورشى ءۇيدىڭ ماڭىنا كەلىپ، اشىق تۇرعان تەرەزەنىڭ جانىنان سىعالايدى.

  كورشىنىڭ ايەلى ءۇيىن جيناستىرىپ جاتىر ەكەن... ول قوناق بولمەدە وتە ساقتىقپەن ءبىر ادەمى گۇل تۇعىرىن ءسۇرتىپ تۇرعان ەدى، كەنەت تەلەفون شىر ەتە قالعانى. كورشى ايەل دەرەۋ تەلەفون الماقشى بولىپ گۇل تۇعىرىن ۇستەل ۇستىنە قويا سالادى دا، كەتە بەرەدى. سول كەزدە بىردەڭەسىن ىزدەپ قوناق بولمەگە شىققان كۇيەۋى ابايسىزدا گۇل تۇعىرىن قاعىپ كەتەدى دە، قىش تۇعىر جەرگە ءتۇسىپ بىت-شىتى شىعادى. ەندى قىزىق كورەتىن بولدىم دەپ تەرەزە سىرتىندا سىعالاپ تۇرعان كورشىسى ءماز. الايدا، شالدىر ەتكەن داۋىستى ەستي سالا جەتىپ كەلگەن ايەلى كۇيەۋىنە كومەكتەسىپ، شاعىلعان قىش تۇعىردى جيناسىپ جاتىپ، كۇرسىنە: «سۇيىكتىم، ءبارى مەنىڭ قاتەلىگىم، دۇرىس ءبىر جەرگە قويماپپىن عوي!» دەسە، كۇيەۋى: «جوق، مەن ساسقالاقتاپ ءجۇرىپ، بايقاماي قاعىپ كەتتىم، باستان قۇلاق ساداقا، پالە-جالا وسىمەن كەتسىن...» دەگەنى. تەرەزە سىرتىنداعى كورشى بۇل جاعدايدى كورىپ، كوڭىلى كولدەي تولقىپ، اياعىن ساناپ باسىپ ۇيىنە بەتتەدى.

  «سەن نەگە ۇزاق جوعالدىڭ، نەلەردى كوردىڭ؟» دەپ ايەلى ارەڭ ورالعان كۇيەۋىنەن باستىرمالاتا سۇراپ جاتىر. «ەشتەڭە جوق، ولار اعاتتىق وتكىزگەندە اركىم ءوز باسىنان قاتەلىك ىزدەسە، ال ءبىز مۇنداي ىستە قاتەلىگىمىزگە سەبەپ-سالدار دايىنداپ اۋرە بولادى ەكەنبىز» دەدى كۇيەۋى.

جاۋاپتى رەداكتور: ءاننا اكىمقان قىزى
  • قىراۋلى قالاشىق شۇڭقىردا ساياحات كاسىبى جانداندى
  • ايماق ورتالىق 6 ـ شارلاۋ گرۋپپاسىنىڭ كەدەيلىكتەن ارىلتۋدان قامال الۋعا ارناۋلى شارلاۋ جۇرگىزۋدەن اڭىس ەتكەن پىكىرىن دايەكتىلەندىرۋ، تياناقتاندىرۋ جونىندە رەتكە سالۋ ـ تۇزەتۋ قىزمەتى تاقىرىپتىق ٴماجىلىسىن اشتى
  • الداعى ءۇش كۇندىك اۋا رايىنان الدىن الا مالىمەت
  • ۇنەمى ۇيرەنۋ، ۇنەمى جاڭارۋ بارىسىندا نازاريالىق جەتىلىمدى كۇشەيتۋ، تانىم مەن ارەكەتتىڭ بىرلىگى بارىسىندا ىرىقتىلىقپەن جاۋاپكەرشىلىك ارقالاۋ، ىسكەرلىك كورسەتۋ كەرەك