اعاجاي-التاي تورابى   ›   اقپارات ايدىنى   ›   سۋرەتتى حابارلار

قىراۋلى قالاشىق شۇڭقىردا ساياحات كاسىبى جانداندى

  اۋدان ورتالىعىنان70 كيلومەتر قاشىقتىقتاعى شۇڭقىر قالاشىعىنىڭ قىستاقتارى تاۋ بەتكەيلەرى مەن ساي اڭعارىنا بىتىراي ورنالاسقان. شاعىن قالاشىقتىڭ قارسى الدىنداعى وزەن اڭعارىنداعى اققايىڭ اراسىندا بۋىرشىن وزەنى باياۋ اعۋدا، وزەن بەتىن تۇمان باسىپ، اۋماقتى القاپتاعى قىراۋلى كورىنىس وسى شاعىن قالاشىقتى بىلەتىن ساياحاتشىلاردىڭ قاتارىن مولايتا ءتۇستى.

  ات شانا وسى ارادا تىرشىلىك ەتىپ كەلە جاتقان قازاق شارۋالارىنىڭ نەگىزگى قاتىناس قۇرالى، سونىمەن بىرگە ساياحاتشىلاردىڭ قىراۋلى كورىنىستەردى تاماشالاپ، سالت-سانانى سەزىنۋىندەگى ولشەمدى قۇرالعا اينالدى، شۇڭقىر قالاشىعىنا قىراۋلى كورىنسىتى تاماشالاۋعا ساياحاتشىلار كەلگەن سايىن قازاق شارۋالارى ات شانالارىن ازىرلەپ، ولاردىڭ 10 شارشى كيلومەترلىك اققايىڭ ورمانىن ارالاۋىنا مۇمكىندىك جاسايدى.

  نۇربەك كاسىلقان ۇلى شۇڭقىر قالاشىعىنداعى ات شانا قوعامىنىڭ باستىعى ءارى جەرگىلىكتى ورىنداعى مالشى. ول تىلشىگە 2005-جىلى ات شانا قوعامىن قۇرىپ ساياحاتپەن اينالىسقانىن، ءبىراق بەلگىلى كولەم قالىپتاستىرىپ ونىمدىلىككە جەتە الماعانىن، بۋىرشىن اۋدانىنىڭ وڭىرلىك ساياحاتىنىڭ دامىپ، قىراۋ مەرەكەسىنىڭ جىل سايىن وتكىزىلۋىنە ساي، قىسقى ساياحات جاندانىپ، ات شانا قوعامىنا مۇشە بولعان ادام سانى باستاپقى ءۇش ادامنان قازىر 63 ادامعا كوبەيگەنىن، ءارجىلى 11-ايدان كەلەر جىلعى 2-ايعا دەيىن ات شانا قوعامىنىڭ مۇشەلەرى ات شاناعا سۇيەنىپ جىلدىق ورتاشا كىرىسىن 6000 يۋانعا جەتكىزەتىندىگىن ايتتى.

  شۇڭقىر قالاشىعىنداعى ات شانا قوعامىنىڭ باستىعى نۇربەك كاسىلقان ۇلى: وتكەن جىلى قابىلدانعان ساياحاتشى سانى 10 مىڭ ادام-رەتتەن اسىپ، 100 مىڭ يۋانعا تاياۋ كىرىس كىرگىزدىك.

  ات شانا ارقىلى شارۋالاردىڭ اۋقاتتانۋ جولىنا تۇسۋىنە باستاماشىلىق ەتىپ، «ات شانا اۋىلىنىڭ» اتاعىن اسپانداتۋ ءۇشىن، بيىل ات شانا قوعامى ات شانانىڭ دارەجەسىن جوعارىلاتىپ، اسەمدەۋ مەن بىرگە مۇشەلەردىڭ كيىم-كەشەگى مەن اقى الۋ ولشەمى سياقتىلاردى بىرلىككە كەلتىردى.

  «قىزىل جاپىراقتى ورمان» وتباسىلىق قونالقى قوعامىنىڭ باستىعى ساي جۇڭگاڭ: بيىل ات شانانىڭ ولشەمىن جوعارىلاتىپ، جاڭادان 20 دان استام ات شانا ازىرلەيمىز، سونىمەن بىرگە ات ابزەلدەرى مەن قىزمەتكەرلەردىڭ كيىم-كەشەگىن جاڭالايمىز. وسىمەن قاتار قازىرگى ساياحات كاسىبىنىڭ تالابىنا ۇيلەسىپ، اناعۇرلىم كوپ ساياحاتشىلاردىڭ قازاق ۇلتىنىڭ بايىرعى ءوندىرىس قۇرالى ەسەپتەلەتىن ءارى قالاشىعىمىزداعى ساياحات كاسىبىنىڭ جارقىن تۇيىنى بولعان ات شانامەن تانىسۋىنا مۇمكىندىك جاسايمىز.

  جاقىنعى جىلداردان بەرى بۋىرشىن اۋدانى قىسقى ساياحاتىنىڭ جاندانۋى، اۋىل-قالاشىق ساياحات كاسىبىنىڭ ويداعىداي دامۋىنا تۇرتكى بولدى. قىراۋلى كورىنىسىنىڭ تانىمالدىعى ارتقان شۇڭقىر قالاشىعىندا ءتۇرلى ساياحات قوعامى قۇرىلدى، بيىل شارۋلار وتباسىندا ساياحاتشى قابىلداۋ، وزگەشە تاعام، قونالقىعا جاتۋ، ات مايلاۋ، ءداستۇرلى سالت-سانا سياقتى بايلىقتى بىرىكتىرىپ، شاعىن قالاشىقتىڭ تاماقتانۋ، جاتىن ورىن، ساياحاتتاۋ، زات ساتىپ الۋ، كوڭىل اشۋدى ءبىرتۇلعالاندىرۋىنا مۇمكىندىك جاسالادى.

  ساي جۇڭگاڭ: ساياحاتىشلارعا ويداعىداي قىزمەت وتەۋ ارقىلى، ولاردىڭ كوركەم كورىنىستەردى تاماشالاۋمەن بىرگە از ۇلتتاردىڭ بايىرعى ءوندىرىس قۇرالى ەسەپتەلەتىن ات شاناعا وتىرىپ ساياحاتتىڭ قىزىعىنا باتۋىنا مۇمكىندىك جاسايمىز.

جاۋاپتى رەداكتور: ءاننا اكىمقان قىزى
  • قىراۋلى قالاشىق شۇڭقىردا ساياحات كاسىبى جانداندى
  • ايماق ورتالىق 6 ـ شارلاۋ گرۋپپاسىنىڭ كەدەيلىكتەن ارىلتۋدان قامال الۋعا ارناۋلى شارلاۋ جۇرگىزۋدەن اڭىس ەتكەن پىكىرىن دايەكتىلەندىرۋ، تياناقتاندىرۋ جونىندە رەتكە سالۋ ـ تۇزەتۋ قىزمەتى تاقىرىپتىق ٴماجىلىسىن اشتى
  • الداعى ءۇش كۇندىك اۋا رايىنان الدىن الا مالىمەت
  • ۇنەمى ۇيرەنۋ، ۇنەمى جاڭارۋ بارىسىندا نازاريالىق جەتىلىمدى كۇشەيتۋ، تانىم مەن ارەكەتتىڭ بىرلىگى بارىسىندا ىرىقتىلىقپەن جاۋاپكەرشىلىك ارقالاۋ، ىسكەرلىك كورسەتۋ كەرەك