اعاجاي-التاي تورابى   ›   اقپارات ايدىنى   ›   سۋرەتتى حابارلار

”جۇڭگونىڭ ۇلت ساياساتى جانە ۇلتتار ىنتىماعى − شينجياڭ ۇيعۇر اۆتونوميالى رايونىنىڭ امالياتى“ ارناۋلى تاقىرىپتىق ۇگىتتەۋ - تانىستىرۋ ءماجىلىسى ۇرىمجىدە وتكىزىلدى

چىن چۋانگو، سۇڭ تاۋ ءسوز سويلەدى

  2 - ايدىڭ 27 - كۇنى ”جۇڭگونىڭ ۇلت ساياساتى جانە ۇلتتار ىنتىماعى − شينجياڭ ۇيعۇر اۆتونوميالى رايونىنىڭ امالياتى“ ارناۋلى تاقىرىپتىق ۇگىتتەۋ - تانىستىرۋ ءماجىلىسى ۇرىمجىدە وتكىزىلدى. سۋرەتتى ءتىلشىمىز سۇي جىجيان تۇسىرگەن

  شينجياڭ گازەتىنىڭ ءتىلشىسى ياۋ تۇڭ 2 - ايدىڭ 27 - كۇنى ۇرىمجىدەن حابارلايدى. 2 - ايدىڭ 27 - كۇنى جۇڭگو كوممۋنيستىك پارتياسى ورتالىق كوميتەتىنىڭ سىرتپەن بايلانىس جاساۋ ءبولىمى مەن جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى بىرگە وتكىزگەن ”جۇڭگونىڭ ۇلت ساياساتى جانە ۇلتتار ىنتىماعى − شينجياڭ ۇيعۇر اۆتونوميالى رايونىنىڭ امالياتى“ ارناۋلى تاقىرىپتىق ۇگىتتەۋ - تانىستىرۋ ءماجىلىسى ۇرىمجىدە وتكىزىلدى. 30عا جۋىق مەملەكەتتەگى 50گە تاياۋ ساياسي پارتيادان كەلگەن 200دەن استام شەتەلدىك قوناق ماجىلىسكە قاتىناستى.

  شينجياڭ ۇيعۇر اۆتونوميالى رايوندىق پارتكومنىڭ شۋجيى چىن چۋانگو ارناۋ سوزىندە مىنالاردى ءبىلدىردى: شينجياڭ − ەجەلدەن جۇڭگو تەرريتورياسىنىڭ ايرىلماس ءبىر بولىگى، شينجياڭداعى ۇلتتار بۇكىل ەلدەگى ءار ۇلت حالقىمەن بىرگە، ءبىر - بىرىمەن بىتە قايناسقان تاعدىرلاس ورتاق تۇلعا قالىپتاستىردى. جۇڭگو كوممۋنيستىك پارتياسىنىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى شينجياڭ قىزمەتىنە ايرىقشا ءمان بەردى، باس شۋجي شي جينپيڭ ۇلتتاردىڭ ۇلى ىنتىماعى تۋىن بيىك ۇستاپ، ۇلتتاردىڭ بىرگە ىنتىماقتاسىپ كۇرەس جاساۋىن، بىرگە گۇلدەنىپ - دامۋىن ىلگەرىلەتۋ كەرەك دەپ ايقىن اتاپ كورسەتتى. ورتالىق ۇكىمەت شينجياڭنىڭ ەكونوميكالىق، قوعامدىق دامۋىن، رەفورما جاساۋىن، ەسىك اشۋىن، ۇلتتار ىنتىماعىن، حالىق تۇرمىسىنىڭ جاقسارۋىن قولدايتىن ءبىرسىپىرا ەرەكشە قولداۋ ساياساتتارىن جاسادى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، شينجياڭ جۇڭگو كوممۋنيستىك پارتياسىنىڭ ۇلت ساياساتىن جاپپاي دايەكتىلەندىرىپ، ۇلتتىق وڭىرلىك اۆتونوميا ءتۇزىمىن دايەكتىلەندىرىپ، ۇلتتار ىنتىماعىن باتىل قورعاپ، جۇڭحۋا ۇلتى ورتاق تۇلعا تانىمىن بەرىك ورناتىپ، ءار ۇلت بۇقاراسىنىڭ ءدىني سەنىم ەركىندىگىنە تولىق قۇرمەت ەتىپ جانە ونى قورعاپ، جاڭا دامۋ ۇستانىمىن دايەكتىلەندىرىپ، جوعارى ساپالى دامۋدى ىلگەرىلەتىپ، حالىق تۇرمىسىن كۇش سالا قامتاماسىزداندىرىپ جانە جاقسارتىپ، ۇلتتار ىنتىماقتى، جاراسىمدى بولعان، ءدىن تاتۋ، جاراسىمدى بولعان، ەكونوميكا جوعارى ساپالى دامىعان، حالىق تۇرمىسى ۇزدىكسىز جاقسارعان، ءتۇرلى ىستەر جاپپاي العا باسقان، ءار ۇلت بۇقاراسى تىنىش ءومىر، شات - شادىمان تىرشىلىك كەشكەن تاماشا جاعدايدى اشتى. جاڭا تاريحي باستامادا، ءبىز جۇڭگو كوممۋنيستىك پارتياسى ورتالىق كوميتەتىنىڭ شينجياڭدى جونگە سالۋ جالپى جوباسىن جاپپاي تياناقتاندىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، حالىق تىنىش ءومىر، شات - شادىمان تىرشىلىك كەشەتىن جۇڭگوشا سوتسياليستىك شينجياڭ قۇرۋعا قۇلشىنامىز.

  جۇڭگو كوممۋنيستىك پارتياسى ورتالىق كوميتەتى سىرتپەن بايلانىس جاساۋ ءبولىمىنىڭ باستىعى سۇڭ تاۋ مىنالاردى ءبىلدىردى: ۇلتتار قاتىناسىن ويداعىداي ءبىر جايلى ەتۋ، ۇلتتار ىنتىماعىن جەبەۋ − جۇڭگونى قامتىعان ءار ەل ۇكىمەتتەرى مەن ساياسي پارتيالار ءدوپ كەلگەن ورتاق مىندەت. جۇڭگو كوممۋنيستىك پارتياسىنىڭ باسشىلىعىندا، بۇكىل ەلدەگى ءار ۇلت حالقىنىڭ ورتاق قۇلشىنىسىندا، ءبىز ۇلت قاتىناسىن ءبىر جايلى ەتۋدىڭ، ۇلتتار ىنتىماعىن جەبەۋدىڭ جۇڭگوشا ەرەكشەلىككە يە دۇرىس جولىن تاپتىق، ول بولسا − جۇڭگو كوممۋنيستىك پارتياسىنىڭ باسشىلىعىنا تاباندى بولۋ، جۇڭگوشا سوتسياليزم جولىنا تاباندى بولۋ، وتاننىڭ تۇتاستىعىن قورعاۋعا تاباندى بولۋ، بارلىق ۇلتتىڭ تەپە - تەڭدىگىنە تاباندى بولۋ، ۇلتتىق وڭىرلىك اۆتونوميا تۇزىمىنە تاباندى بولۋ جانە ونى كەمەلدەندىرۋ، ۇلتتاردىڭ بىرگە ىنتىماقتاسىپ كۇرەسىپ، بىرگە گۇلدەنىپ - دامۋىنا تاباندى بولۋ، جۇڭحۋا ۇلتى ورتاق تۇلعاسىنىڭ يدەيالىق نەگىزىن بەكەمدەۋگە تاباندى بولۋ، زاڭ بويىنشا ءىس ىستەۋگە تاباندى بولىپ، ۇلتتاردىڭ ارالاسۋىن، ىشتەسۋىن، توعىسۋىن كۇشەيتىپ، ۇلتتاردىڭ تاتۋ - ءتاتتى ءوتۋىن، ءبىر نيەتپەن كۇش بىرىكتىرۋىن، جاراسىمدى دامۋىن جەبەپ، تەپە - تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسىن بەكەمدەۋ جانە دامىتۋ. باس شۋجي شي جينپيڭ ۇلتتار ىنتىماعى − ءار ۇلت حالقىنىڭ جان تامىرى، شينجياڭنىڭ دامۋىنىڭ، العا باسۋىنىڭ ءتۇبىرلى ىرگە تاسى، سونداي - اق ءبىر ميلليارد 300 ميلليوننان استام جۇڭگو حالقىنىڭ ورتاق ەركى دەپ اتاپ كورسەتتى. جاڭا جاعدايدا، ءبىز ۇلتتار ىنتىماعى سىندى جان تامىردى جاقسى قورعاپ، جۇڭحۋا ۇلتى ورتاق تۇلعا تانىمىن بەكەمدەپ، بىرگە گۇلدەنۋدى، دامۋدى جۇزەگە اسىرىپ، تۇزىمدىك جاقتان ويداعىداي قامتاماسىزداندىرىپ، پارتيانىڭ باسشىلىعىن كۇشەيتۋىمىز كەرەك. ءبىز ءار ەل ساياسي پارتيالارىمەن ەل باسقارۋ تاجىريبەلەرى جونىندە اۋىس - ءتۇيىس جاساۋدى كۇشەيتۋدى قالايمىز.

  ەگيپەت پارلامەنتىنىڭ ءبىرىنشى ورىنباسار باستىعى شەريف، بانگلادەش حالىقتىق پارلامەنتىنىڭ ورىنباسار باستىعى فازىل، تۇركيا وتان ءسۇيۋ پارتياسىنىڭ ءتوراعاسى پەرينچەك، رەسەي فەدەراتسياسى كوممۋنيستىك پارتياسى ورتالىق كوميتەتىنىڭ مۇشەسى لەسكين جەكە - جەكە ءسوز سويلەپ، شينجياڭنىڭ ۇلتتار ىنتىماعى، ەكونوميكالىق دامۋى قاتارلى جاقتاردا قول جەتكىزگەن تابىستارىنىڭ جالپى جۇرتقا ايان ەكەندىگىن، جۇڭگو جاقپەن ەل باسقارۋ تاجىريبەلەرى جونىندە اۋىس - ءتۇيىس جاساۋدى كۇشەيتىپ، ”ءبىر بەلدەۋ، ءبىر جول“ قۇرىلىسى اياسىنداعى سەلبەستىكتى جەبەپ، بىرگە دامۋدى جۇزەگە اسىرۋدى قالايتىندىقتارىن ءبىلدىردى.

  ۇگىتتەۋ - تانىستىرۋ ءماجىلىسى الدىندا، چىن چۋانگو ماجىلىسكە قاتىناسۋعا كەلگەن ءبىر ءبولىم قۇرمەتتى قوناقتارمەن توپتىق كەزدەستى ءارى ”كوركەم كورىنىس، كورىكتى شينجياڭ“ سۋرەت كورمەسىن بىرگە ەكسكۋرسيالادى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى، شينجياڭ ءوندىرىس - قۇرىلىس بيڭتۋانىنىڭ جىڭۋييى سۇن جينلۇڭ، جۇڭگو كوممۋنيستىك پارتياسى ورتالىق كوميتەتى سىرتپەن بايلانىس جاساۋ ءبولىمىنىڭ ورىنباسار باستىعى لي جۇن، اۆتونوميالى رايوندىق پارتكومنىڭ ورىنباسار شۋجيى لي پىڭشين جانە اۆتونوميالى رايون باسشىلارىنان شۇي حايرۇڭ، ەركىن تۇنياز، ۋاڭ جۇنجىڭ، جي جىڭ، سارقىت اقان ۇلى، جاڭ چۇنلين قاتارلىلار جەكە - جەكە جوعارىداعى قيمىلدارعا قاتىناستى. جۇڭگو كوممۋنيستىك پارتياسى ورتالىق كوميتەتى سىرتپەن بايلانىس جاساۋ ءبولىمىنىڭ ورىنباسار باستىعى گو يەجوۋ ۇگىتتەۋ - تانىستىرۋ ءماجىلىسىن باسقاردى.
 ۇگىتتەۋ - تانىستىرۋ ماجىلىسىندە شينجياڭداعى از ۇلت كادرلارىنىڭ، ىشكى جەرلەردەن شينجياڭعا كومەككە كەلگەن كادرلاردىڭ، سونداي - اق كاسىپورىنشىلاردىڭ ۋاكىلدەرى وزدەرىنىڭ ۇلتتار ىنتىماعىنا، بىرگە دامۋعا، اشىق ۇستاۋعا، سەلبەسۋگە قاتىناسقاندا باستان كەشىرگەندەرىن ورتاقتاستى. ورتالىقتىڭ جانە مەملەكەت ورگاندارىنىڭ قاتىستى تاراۋلارىنىڭ، شينجياڭ ۇيعۇر اۆتونوميالى رايونىنىڭ ءار سالا ۋاكىلدەرى دە ۇگىتتەۋ - تانىستىرۋ ماجىلىسىنە قاتىناستى.

جاۋاپتى رەداكتور: ءاننا اكىمقان قىزى
  • كوكتوعايعا 4A دارەجەلى تاعى ءبىر كورىنىس رايونى قوسىلدى
  • ورتالىقتىڭ قورشاعان ورتانى قورعاۋدى باقىلاۋ ـ تەكسەرۋدە اڭىس ەتكەن پىكىرلەرىن ناقتى رەتكە سالىپ تۇزەتۋگە كەپىلدىك ەتەيىك
  • بۋرىلتوعاي اۋدانى بالىق شارۋاشىلىعىن كۇش سالا دامىتتى
  • گازدان ۋلانۋدان ساقتانۋ بىلىمدەرى