اعاجاي-التاي تورابى   ›   مادەنيەت ارناسى   ›   بىلگەنگە مارجان

تابىسقا جەتۋدەگى ۇستانىمدار

  مارك كۋبان ــ كەز كەلگەندى ۇلكەن بەلەستەرگە ىنتالاندىرا الاتىن ادامنىڭ ءبىرى. ول ــ وتە باي ءارى اقىلدى كىسى. ۋاقىتىن باسقارا بىلەتىن، بولاشاققا ناقتى جوسپارى بار، ماقساتقا ۇمتىلعىش ادام. سول سەبەپتى بۇل كىسىنى ءومىر جولىندا تابىسقا جەتكىزگەن ۇستانىمدارىن نازارلارىڭىزعا ۇسىنامىز.

  1. "بىرەۋ سىزدەن اسىپ ءتۇسۋ ءۇشىن تاۋلىك بويى تاپجىلماي جۇمىس ىستەيدى دەپ ويلاڭىز. سوندا ءسىز دە ەرىنبەي، ەڭبەكتەنۋگە ۇمتىلاسىز". مۇمكىن قازىر ءسىزدىڭ جاعدايىڭىز ناشار بولار. ءبىراق قول قۋسىرىپ وتىرعانىڭىزدا بىرەۋ ءسىز اڭساعان ارماندى ورىنداۋدىڭ امالىن ويلاستىرىپ، كۇنى-ءتۇنى جۇمىس ىستەۋگە تىرىسۋى مۇمكىن ەكەنىن ۇمىتپاڭىز. بۇل وي ءسىزدى باسەكەلەستەرىڭىزدەن وزۋعا ىنتالاندىرىپ، ماقساتىڭىزعا جەتەلەيدى.

  2."ارمانداپ، جاتا بەرمەي، ارەكەتتەنىڭىز!". بالا كۇنىمىزدەن بەرى ءبىز ۇنەمى "ارماندا، ارمانىڭنان ايىرىلما!" دەگەندى ەستىپ كەلەمىز. الايدا تەك ارمانداپ قانا قويماي، ونى ورىنداۋ ءۇشىن ەڭبەكتەنۋ كەرەكتىگى سيرەك ايتىلادى. دارىگەر بولۋدى ارماندايسىز با؟ مەديتسينالىق ينستيتۋتقا ءتۇسىڭىز. قالعانى ءوز قولىڭىزدا. جۋرناليست بولۋدى ارماندايسىز با؟ قالام الىپ، جاقسى ماقالا جازۋعا تىرىسىڭىز. ەگەر تەك ارمانداپ، ەش ارەكەتسىز جاتا بەرەتىن بولساڭىز، ەشتەڭەگە دە جەتە المايسىز. ويعا كەلگەن يدەيانى ىسكە اسىرۋعا تىرىسىڭىز. بۇل ءسىزدى كۇندەردىڭ كۇنىندە ماقساتقا جەتكىزەتىنى ءسوزسىز.

  3. "ستاكاننىڭ جارتىلاي تولى نە بوس ەكەنى ماڭىزدى ەمەس. ول ستاكانعا سۋدى كىم قۇيادى؟ سول ماڭىزدى". ءومىر جولىندا قانشا قيىندىق، كەدەرگى كەزدەسسە دە، ەموتسيا، شەشىم مەن كوزقاراسىڭىزدى بيلەي ءبىلىڭىز. سوندىقتان ءومىرىڭىز قاناعاتتاندىرمايتىنىنا قاپالانۋدىڭ ورنىنا ونى قىزىقتى، ءماندى ەتۋدىڭ جولدارىن قاراستىرىڭىز. الگى ستاكانعا سۋدى قۇياتىن ءسىز بولعاندىقتان، ونىڭ كولەمى قانداي بولاتىنى دا ءوز قۇزىرىڭىزدا. جۇمىستاعى، ۇيدەگى قيىنشىلىقتار ءومىردى بوس ەتىپ كورسەتۋى مۇمكىن. ال شىن مانىندە ءومىردىڭ قانداي بولاتىنى، تاعدىرعا ەمەس وزىڭىزگە بايلانىستى. سول سەبەپتى ەموتسياڭىزدى بيلەپ، دۇرىس جولدان تايماۋعا تىرىسىڭىز.

  4. "ادامدار ۇيرەنشىكتى جولمەن ءجۇرىپ، باسقا باعىت تاڭداۋعا قورقادى، تاۋەكەلگە بارۋدى ءجون كورمەيدى. مەن ونداي ادامدارمەن ارالاسپاۋعا تىرىسامىن". راسىندا دا بىرەۋدىڭ ءجۇرىپ وتكەن جولى جەڭىل بولعانىمەن، زەرىكتىرىپ جىبەرەدى. جايلى جەردەن كەتىپ، جاڭا باعىت تاڭداۋدان قورىقپاڭىز. سىزگە بەيمالىم جول سان ءتۇرلى جاڭا مۇمكىندىككە جەتەلەپ، رۋحاني تۇرعىدا ءوسىپ، دامۋعا كومەكتەسەدى. تانىمايتىن دۇنيەدەن قاشپاڭىز. اقىلعا قونىمسىز يدەيادان باس تارتپاڭىز. بالا كەزىمىزدەن باستاپ ءبىز قوعامنان ءبولىنىپ، وزدىگىمىزبەن دامۋعا ۇيرەنبەگەنبىز. ءبىر نارسەنى باسقاشا جاساۋ قاتە دەپ سانادىق. الايدا بۇل - بىزگە جەكە تۇلعا بولىپ قالىپتاسۋعا بوگەت ەتەتىن امالدىڭ ءبىرى. باسقالاردان ەرەكشەلەنۋگە قورقاتىن ۋاقىت جوق، ءومىر قىسقا. سول سەبەپتى كىم بولعىڭىز كەلەتىنىن تۇسىنگەن بويدا سول باعىتقا قاراي بەتتەڭىز. كىم نە دەسە دە، ەش ءسوزىن ەلەمەڭىز!

  5. "ءاربىر "جوق" دەگەن جاۋاپ "ءيا" دەگەن جاۋاپقا جاقىنداتا تۇسەدى". كوپتەگەن ادام "جوق" دەگەن جاۋاپتى ەستىپ، جەڭىلدىم دەپ سانايدى. ەمتيحاننان قۇلاساڭىز، جۇمىسقا تۇرا الماساڭىز، ءتىپتى ءبىر يدەيانى جۇزەگە الماساڭىز، ءبارىن تاستاپ، بۇرىلا كەتۋشى بولماڭىز. ادەتتە بۇل ارەكەت الگى "جوق" جاۋابىن قايتادان ەستىمەۋ ءۇشىن جاسالادى. ءبىراق "جوق" دەگەن جاۋاپ ءالى جەڭىلىس ەمەس. كەرىسىنشە، ول ءسىزدى ماقساتقا جاقىنداتا تۇسەدى. ەرتە مە، كەش پە ءسىز دەگەنىڭىزگە جەتەسىز. مىنە، ميللياردەردىڭ بىزگە بەرگەن كەڭەسى وسى. راسىندا دا ءمانى زور، ماعىناسى تەرەڭ ۇستانىمدار دەۋگە بولادى. ءسىز وسى باعىتپەن جۇرۋگە دايىنسىز با؟

جاۋاپتى رەداكتور: ءاننا اكىمقان قىزى
  • ورتالىقتىڭ قورشاعان ورتانى قورعاۋدى باقىلاۋ ـ تەكسەرۋدە اڭىس ەتكەن پىكىرلەرىن ناقتى رەتكە سالىپ تۇزەتۋگە كەپىلدىك ەتەيىك
  • بۋرىلتوعاي اۋدانى بالىق شارۋاشىلىعىن كۇش سالا دامىتتى
  • گازدان ۋلانۋدان ساقتانۋ بىلىمدەرى
  • التاي قالاسىندا ەلىمىزدەگى تۇڭعىش رەتكى «سىرلى التاي» اتىنداعى قار-مۇز شىراق سالتاناتى بولىپ ءوتتى