اعاجاي-التاي تورابى   ›   اقپارات ايدىنى   ›   سۋرەتتى حابارلار

بۋرىلتوعاي اۋدانى بالىق شارۋاشىلىعىن كۇش سالا دامىتتى

  بۋرىلتوعاي اۋدانى 2005 ـ جىلى ٴبىرىنشى كەزەكتى قىسقى بالىق اۋلاۋ مەرەكەسىن وتكىزگەننەن بەرى، ون نەشە جىلدىق قۇلشىنىس ارقىلى قىسقى بالىق اۋلاۋ مەرەكەسىن شينجياڭنىڭ قىسقى ساياحاتىنىڭ ماڭىزدى بولەگىنە اينالدىردى. بۋرىلتوعاي اۋدانىنىڭ سۋ ونىمدەرى باعىمشىلىعى اۋەلگى جالقى تۇردەن الۋان تۇرگە قاراي دامىدى.

  قىسقى بالىق اۋلاۋ ماركاسىن جاراتىپ، كاسىپتى ويداعىداي دامىتۋ ٴۇشىن، تاياۋ جىلداردان بەرى، بۋرىلتوعاي اۋدانى «قىسقى بالىق اۋلاۋ شارۋاشىلىعىن» توڭىرەكتەي وتىرىپ، ٴتۇرلى ٴادىس ـ امال قاراستىردى. ماركا جاراتۋ، ونىمدەر جۇيەسىن قۇرۋدان بايلىق جاعىندا سەلبەستىك جاساسۋ، ساتۋ ٴادىسىن قاراستىرۋعا دەيىن ونىمدەردى قوراپتاپ، دارەجەسىن جوعارىلاتىپ، قار ـ مۇز ساياحاتىن، ەكولوگيا ساياحاتىن ورگانيكالى ۇشتاستىرۋدى جەبەپ، بالىق شارۋاشىلىعىن دامىتىپ، قىسقى بالىق اۋلاۋ مادەنيەتىن ماركاعا اينالدىرۋ قادامىن ىلگەرىلەتتى. «شينجياڭ گازەتىنىڭ» ءتىلشىسى جاڭ تيڭ حابارلايدى.

  مادەنيەت پەن ماركانى توعىستىردى

  ۇلىڭگىر كولىندەگى قىسقى بالىق اۋلاۋ مەرەكەسى جەرگىلىكتى ورىنداعى بۇقارانىڭ قىس ماۋسىمىنداعى ماڭىزدى قيمىلى. ولاردىڭ تاماشا تۇرمىسقا دەگەن ارمانى مەن تىلەگىن بەينەلەپ، شينجياڭنىڭ ٴىشى ـ سىرتىنان كەلگەن نەشە 10 مىڭ ساياحاتشىنى وزىنە باۋرادى. ولار قىسقى بالىق اۋلاۋ قيمىلى قاتارلىلاردى كوزدەن كەشىرىپ قالماستان، قار ـ مۇز شاتتىعىنان ٴلاززاتتانادى.

  قىسقى بالىق اۋلاۋ وسى ٴبىر شاعىن قالانىڭ ايگىلى تانىسقىسىنا اينالىپ، ىقپال كۇشى دە ارتتى. بالىق اۋلاۋ مەرەكەسى باستالعان كۇنى ساياحاتشىلار جەكە كولىگىمەن ساياحاتتاۋ، ساياحات ارناۋلى پويەزىنا وتىرۋ قاتارلى تاسىلدەر ارقىلى قيمىل مايدانىنا كەلىپ جەتتى.

  بيىلعى قىسقى بالىق اۋلاۋ مايدانى شوعىرلى ورنالاسىپ، اس ـ سۋ، دەمالىس، كوڭىل اشۋ قاتارلى ورىندارعا ٴبولىندى. كورىنىس رايونىندا سالىنعان ۇلىڭگىر كولى سۋلى جەرىن باسقارۋ، ۇگىتتەۋ ورتالىعىنا 2000 نەشە ادام سيادى، سونىمەن بىرگە، قايناق سۋ ٴۇيى، دارەتحانا قاتارلىلار سالىنىپ، قاتىستى قۇرىلعىلاردى تولىقتاۋ ارقىلى ساياحاتقا قىزمەت وتەۋ دەڭگەيىن جوعارىلاتىپ، ساياحاتشىلاردى جانعا جايلى ورتامەن قامدادى. سول كۇنى 20 نەشە توراپ تەكشەسى قىسقى بالىق اۋلاۋ قيمىلىن تىكە تاراتىپ، 500 نەشە مىڭ توراپكەر وسى قيمىلدى تاماشالادى.

  ماركانى تىرەكپەن قامدادى

  شينجياڭداعى ماڭىزدى بالىق بازاسىنىڭ ٴبىرى سانالاتىن ۇلىڭگىر كولىنىڭ ورتاسى تازا، بۇل جەردە الا شورتان قاتارلى 23 ٴتۇرلى سۋىق سۋ بالىعى بار، جاسىل ٴونىم دەپ اتالعان «بۋرىلتوعاي تابيعي بالىعىنىڭ» اتى الىس ـ جۋىققا ايگىلى. تاياۋ جىلداردان بەرى، بۋرىلتوعاي اۋدانى ۇلىڭگىر كولىندە ەكولوگيالىق ورگانيكالى ونىمدەردى دامىتۋدى ٴتۇيىن ەتىپ، كولشىكتى، سۋ قويماسىن ورگانيكالىق سۋىق سۋ بالىعى باعىمشىلىق بازاسى ەتتى. ۇلىڭگىر كولىندەگى سۋ ونىمدەرى 2005 ـ جىلى، 2007 ـ جىلى مەملەكەتتىك «ورگانيكالىق ٴونىم» كۋالاندىرۋىن السا، جىنتىكتەي مانەرلەنگەن ونىمدەر QS ساپا حاۋىپسىزدىگى كۋالاندىرۋىنان ٴوتتى. «بۋرىلتوعاي تابيعي بالىعى» ماركاسى شينجياڭنىڭ تۇشتى سۋ بالىعى ونىمدەر بازاسىندا وزىندىك ورىن الدى.

  تاياۋ جىلداردان بەرى، بۋرىلتوعاي اۋدانى تابيعي وزەن ـ كولدەردە بالىق اۋلاۋعا تيىم سالۋ رايونى، بالىق اۋلاۋ ٴتاسىلى، سونداي ـ اق بالىق تۇرلەرىن قورعاۋ جاعىندا ايقىن بەلگىلەمە شىعارىپ، بالىق بايلىعىن قورعاۋ قىزمەتىن زاڭ بويىنشا قاتاڭداستىرىپ، بالىق تۇرلەرىنىڭ سانى، قوسىلعان قارجى جىلدان ـ جىلعا ارتىپ، شەكارا ىشىندەگى سۋ ورگانيزمدەر بايلىعى ٴونىمدى قورعالدى.

  ۇلىڭگىر كولىندە 2004 ـ جىلدان باستاپ بالىق تۇرلەرىن جاساندى جولمەن كولەمدى باعىپ وسىرگەننەن بەرى، جىلىنا 300 ميلليون يۋان قارجى قوسىپ، جەرگىلىكتى بالىق شاباعىنان ٴبىر ميلليارد 280 ميلليونىن، ٴىرى بالىق تۇرلەرىنەن 10 مىڭعا جۋىعىن قويا بەرىپ، كول رايونى بالىق شارۋاشىلىعى بايلىعى مەن ەكولوگيالىق ورتانى ويداعىداي قورعادى. سونىمەن بىرگە، بۋرىلتوعاي اۋدانى ساپالى بالىق تۇرلەرىنىڭ شاباعىن جەتىلدىرۋ بازاسى قۇرىلىسىن ىلگەرىلەتتى. 2018 ـ جىلى 2000 توننا اينالاسىنداعى ٴىرى بالىق ٴتۇرىن كولگە قويا بەردى.

  كوز الدا، بۋرىلتوعاي اۋدانى تىزىمگە الدىرعان ساۋدا ماركاسى 8 گە، ورگانيكالىق كۋلاندىرىلعان بالىق ٴتۇرى 14 كە، اۋدانداعى بالىق شارۋاشىلىعىمەن اينالىستاتىن كاسىپورىن سانى 13 كە جەتتى. جەرگىلىكتى بالىق تۇرلەرىن جەتىلدىرۋ بازاسىن قۇرۋدان تىس، بۋرىلتوعاي اۋدانى سۋ ونىمدەرىن جىنتىكتەي مانەرلەۋ بازاسى، سكلات قۇرىلىسى قاتارلىلاردى سالىپ، ەكولوگيالىق بالىق شارۋاشىلىعى كاسىبى تىزبەگىن ۇزارتتى.

  بۋرىلتوعاي اۋداندىق سۋ ونىمدەرىن باسقارۋ مەكەمەسىنىڭ باستىعى جاۋ انشياڭ بىلاي دەدى: «ءبىز كەلەسى قادامدا بالىق شارۋاشىلىعى ساياحات ونىمدەرىن بەلسەنە اشىپ، جىنتىكتەي مانەرلەۋ، بالىق مادەنيەتى قاتارلىلاردى دامىتىپ، سۋ ونىمدەرىنىڭ قوسىمشا قۇنىن جوعارىلاتىپ قالماستان، ساپا جاعىنان كەپىلدىك ەتىپ، اۋدان ەكونوميكاسىنىڭ جوعارى ساپالى دامۋىن قولدايمىز».

  ماركالى ونىمدەر اشۋعا كۇش سالدى

  «قىسقا عانا 2 ساعاتتا بۋرىلتوعاي مۇزدىق شىبار بالىعىنان 200 كيلوگرام ساتىپ، تاعى 800 كيلوگرامدىق تاپسىرىس قابىلدادىق. ساۋدا ماركاسىن جاراتقاننان كەيىن ساتۋ جولىنان الاڭدامايتىن بولدىق» ـ دەدى بۋرىلتوعاي اۋداندىق ەلەكتروندىق ساۋدا ىستەرىنە الەۋمەتتىك قىزمەت وتەۋ ورتالىعىنىڭ ديرەكتورى ان چيۋفاڭ.

  ساتۋ مايدانىندا ٴتىلشى بالىق مادەنيەتى فاكتوررىن قامتىعان جاستىق، مالاقاي، قاتارلىلاردىڭ ساياحاتشىلاردى باۋراعانىن كوردى.

  شينجياڭنىڭ سولتۇستىگىندەگى ەڭ ۇلكەن تابيعي بالىق بازاسى سانالاتىن بۋرىلتوعاي اۋدانى «بۋرىلتوعاي مۇزدىق شىبار بالىعى» ماركاسىن جاراتىپ، «جەرگىلىكتى ماركا + ەرەكشە كاسىپ + ەلەكتروندىق ساۋدا» سىندى جاڭا تۇردەگى كاسىپ ۇلگىسىنە سۇيەنىپ، بۋرىلتوعايدىڭ ساپالى مۇزدىق شىبار بالىعىن ەلىمىزگە ۇگىتتەدى.

  بۋرىلتوعاي اۋدانىنىڭ ورىنباسار اكىمى ۋاڭ جين ـ ان بىلاي دەدى: «بۋرىلتوعاي اۋدانىنىڭ ەرەكشەلىككە يە ەگىس داقىلدارى مول. ءبىز اۋىل شارۋشىلىعىن ولشەمدەندىرۋ قۇرىلىسى مەن باقىلاۋ ـ باسقارۋ قىزمەتىن ىلگەرىلەتىپ، اۋىل شارۋاشىلىعىن ماركالاندىرىپ دامىتۋعا نەگىز قالادىق».

جاۋاپتى رەداكتور: ءاننا اكىمقان قىزى
  • گازدان ۋلانۋدان ساقتانۋ بىلىمدەرى
  • التاي قالاسىندا ەلىمىزدەگى تۇڭعىش رەتكى «سىرلى التاي» اتىنداعى قار-مۇز شىراق سالتاناتى بولىپ ءوتتى
  • بەرلين كينو مەرەكەسىندەگى ەڭ ۇزدىك ەر اكتەر ۋاڭ جيڭچۇن: التايدا تۋىپ، قىراننىڭ سۋىن ءىشىپ ەرجەتتىم
  • ايماعىمىزداعى قۇرىلىم رەفورماسى جۇرىلگەن 8 ورىننىڭ ۆيۋەسكاسى اسىلدى