اعاجاي-التاي تورابى   ›   اقپارات ايدىنى   ›   احپارات اعىمى

شوكىرات زاكىر قىرعىزستاندىق قوناقتارمەن كەزدەستى

  شينجياڭ گازەتىنىڭ ءتىلشىسى لياڭ ليحۋا 2 - ايدىڭ 24 - كۇنى ۇرىمجىدەن حابارلايدى. 2 - ايدىڭ 22 - كۇنى اۆتونوميالى رايوننىڭ ءتوراعاسى شوكىرات زاكىر قىرعىزستاننىڭ سىرتقى ىستەر مينيسترى ايداربەكوۆپەن جانە ونىڭ سەرىكتەرىمەن كەزدەستى.

  شوكىرات زاكىر ايداربەكوۆ پەن ونىڭ سەرىكتەرىن قارسى الاتىندىعىن ءبىلدىردى. ول بىلاي دەدى: جۇڭگو مەن قىرعىزستاننىڭ دوستىق قاتىناسىنىڭ تاريحى ارىدا جاتىر، جاقسى كورشى، جاقسى دوس، جاقسى سەرىكتەر. جۇڭگو شينجياڭ قىرعىزستانمەن شەكارالاسادى، ەكى جاقتىڭ دوستىق قارىم - قاتىناسى مەن سەلبەستىگىنىڭ ءورىسى كەڭ. سوڭعى جىلدارى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگو شينجياڭ پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن بۇلجىماي تياناقتاندىردى. قازىر شينجياڭنىڭ قوعامدىق جالپى جاعدايى باياندى، ورنىقتى بولدى، ەكونوميكاسى ورنىقتى، اقاۋسىز دامىدى، ءار ۇلت بۇقاراسىنىڭ تۇرمىسى ۇزدىكسىز جاقساردى، ءتۇرلى ىستەرى جاپپاي العا باستى، جاڭا تاريحي باستامادا تۇر. ءتوراعا شي جينپيڭ العا قويعان «ءبىر بەلدەۋ، ءبىر جول» باستاماسى جۇڭگو شينجياڭ مەن قىرعىزستاننىڭ ەكونوميكالىق، قوعامدىق دامۋىنا بارىنشا باستاماشىلدىق ەتەدى. ەكى جاقتىڭ ءار سالاداعى قارىم - قاتىناس پەن سەلبەستىكتى اناعۇرلىم كۇشەيتىپ، دوستىقتى نىعايتىپ، «ءبىر بەلدەۋ، ءبىر جول» قۇرىلىسىنىڭ ءتىپتى كوپ تابىستارعا قول جەتكىزۋىن بىرگە ىلگەرىلەتىپ، ەكى ەل حالىقتارىنا يگىلىك جەتكىزۋىن ءۇمىت ەتەمىن.

  ايداربەكوۆ مىنالاردى ءبىلدىردى: جۇڭگو شينجياڭ سوڭعى جىلدارى كۇللى الەمدى جالت قاراتقان تابىستارعا قول جەتكىزدى، حالقى شات - شادىمان تىرلىك ەتىپ، قوعامى گۇلدەنىپ دامىدى. ءبىز قازىرگى جۇڭگو شينجياڭىنىڭ كوركەم بولىپ قانا قويماي، حاۋىپسىز، ورنىقتى ەكەنىن، سەلبەستىك پەن قارىم - قاتىناستىڭ تاماشا نەگىزى مەن شارت - جاعدايىنا يە ەكەنىن سەزىندىك. الداعى ۋاقىتتا قارىم - قاتىناس پەن تىلدەسۋدى اناعۇرلىم نىعايتىپ، ەكى جاقتىڭ ەكونوميكا - ساۋدا، قارجى قوسۋ سياقتى ءتىپتى كوپ سالاداعى سەلبەستىكتى جەبەۋىن ءۇمىت ەتەمىن.

  اۆتونوميالى رايون باسشىلارىنان شۇي حايرۇڭ، جاڭ چۇنلين قاتارلىلار كەزدەسۋگە قاتىناستى.

جاۋاپتى رەداكتور: ءاننا اكىمقان قىزى
  • گازدان ۋلانۋدان ساقتانۋ بىلىمدەرى
  • التاي قالاسىندا ەلىمىزدەگى تۇڭعىش رەتكى «سىرلى التاي» اتىنداعى قار-مۇز شىراق سالتاناتى بولىپ ءوتتى
  • بەرلين كينو مەرەكەسىندەگى ەڭ ۇزدىك ەر اكتەر ۋاڭ جيڭچۇن: التايدا تۋىپ، قىراننىڭ سۋىن ءىشىپ ەرجەتتىم
  • ايماعىمىزداعى قۇرىلىم رەفورماسى جۇرىلگەن 8 ورىننىڭ ۆيۋەسكاسى اسىلدى