اعاجاي-التاي تورابى   ›   مادەنيەت ارناسى   ›   بىلگەنگە مارجان

قامىر يلەۋ قۇپيالارى

  

قامىر يلەي الۋ - اسپازدىق قاسيەتىنىڭ اسقاقتىعىنىڭ بەلگىسى. قامىر يلەپ ۇيرەنۋ ءۇشىن تاجىريبە مەن ۋاقىت قاجەت، وعان قوسا وسى ونەردەگى قۇپيالاردى ءبىلىپ جۇرگەن ءجون.

  بالىشتەردىڭ ءتاتتى بولىپ ءپىسۋىنىڭ سىرى - ۇندى ەلەپ سالۋ. ەلەكتەن وتكىزۋ ارقاسىندا ۇنداعى ارتىق قۇرامداس بولىكتەردەن ارىلىپ، ونى اۋامەن ارالاستىرىپ، قامىر جاقسى كوتەرىلەدى.

  پىسىرگەن نان كەلەسى كۇنى قاتىپ قالماۋ ءۇشىن قامىرعا كارتوپ كراحمالىن قوسىڭىز.

  نان، ءبالىش، قۇيماق قامىرىنا ۇنتاق جارماسىن (مانكا) (جارتى ليتر قامىرعا ءبىر اس قاسىق) قوسىڭىز.

  نانىڭىز ۇزاققا ساقتالىپ، قاتپايدى. سۇتكە قاتىپ جاسالاتىن قامىرعا جارتى ستاكان مينەرالدى سۋ قوسىپ ارالاستىرىڭىز.

  مينەرالدى سۋدا سىركە سۋى نە ليمون شىرىنىنا قوسىلعان شاي قاسىق اس سوداسىن ەرىتىڭىز. بۇل دا قامىردىڭ جاقسى كوتەرىلىپ، ۇزاققا ساقتالۋىنا كومەكتەسەدى.

  نان يلەيتىن اس بولمەسىندەگى تەرەزەلەردى جاۋىپ قويىڭىز. سولايشا قامىردىڭ بەتى كەپپەي، كوتەرىلە الادى.

  اشىتىلعان قامىردىڭ قۇرامداس بولىكتەرىنىڭ بارلىعى جىلى بولۋى ءتيىس. توڭازىتقىشتان العان ازىق-تۇلىكتەردى الدىن الا ميكروتولقىندى پەشتە جىلىتىپ الىڭىز.

  ال قامىردىڭ قۇرامىنداعى سۇيىقتىقتاردى 30-35 گرادۋسقا دەيىن جىلىتقان دۇرىس. اشىتقى وسىنداي تەمپەراتۋرادا بەلسەندى بولادى.

  قامىردى قۇرعاق قولمەن يلەڭىز. ءبالىشتى ءپىسىرۋ پەشىنە سالماس بۇرىن، 15-20 مينۋتقا قويىپ قويىڭىز. كەرىسىنشە جاعدايدا ءبالىش ۇزاق ءپىسىپ، دۇرىس كوتەرىلمەيدى.

  بالىشتەردى ورتاشا وتتا ءپىسىرىڭىز، وسىلايشا ول كۇيمەي، كوتەرىلىپ ۇلگەرەدى. قامىردىڭ قۇرامىنا سارى ماي قوسۋ كەرەك بولسا، ونى ەرىتپەي، تۋراپ قوسىڭىز.

  قامىردى سۋعا يلەگەنشە، سۇتكە يلەڭىز. وسىلايشا ونىڭ ءيىسى دە، ءتۇسى دە جاقسىراق بولادى.

  ناننىڭ جاقسى كوتەرىلۋى ءۇشىن جاڭا اشىتقى قولدانىڭىز. اشىتقىنىڭ ساپاسىن تەكسەرۋگە بولادى. سۋعا كىشكەنە اشىتقى قوسىپ، كىشكەنە عانا ۇن قوسىڭىز.

  قامىر جاقسى كوتەرىلىپ، بەتىندە جارىقتارى بولماۋى كەرەك. قامىردىڭ قۇرامىندا تىم كوپ قانت بولسا، ءبالىش تەز قىزارىپ، كۇيىپ قالادى. قامىر قاجەتىنشە كوتەرىلمەي قالۋى دا مۇمكىن. سوندىقتان قانتتى كوپ قوسقانشا، كەمىرەك سالىڭىز.

  ءبالىش نازىك بولىپ ءپىسۋى ءۇشىن، قامىرعا جۇمىرتقالاردىڭ تەك سارىسىن قوسىڭىز.

  قامىرى كوپ ۇلكەن ءبالىش پەن نانداردى وتە باياۋ وتتا ءپىسىرىڭىز، وسى جاعدايدا ورتاسى پىسپەي قالمايدى.

  ءبالىشتىڭ استى قۇرعاق بولىپ ءپىسۋى ءۇشىن كراحمال ۇنتاعىن سەبىڭىز. اشىتىلعان قامىردىڭ 3 ساعاتتان ارتىق كوتەرىلۋىن كۇتپەڭىز.

  ءبالىشتىڭ بەتىن جۇمىرتقانىڭ سارىسىمەن، سۇتپەن، قانت قوسىلعان سۋمەن جاقساڭىز، بەتى ادەمى قىزارادى. بەتىنە قانت ۇنتاعىن سەبەتىن بولساڭىز، ءبالىشتى الدىن الا مايمەن جاققان دۇرىس. ال جۇمىرتقانىڭ اعىمەن جاعىلعان ءبالىشتىڭ بەتى جىلتىراپ قالادى. قامىردا نەعۇرلىم كوپ ماي جانە ازىراق سۋ بولسا، ول دامدىرەك بولادى.

  بالىشكە اس سوداسىنىڭ شاماسىن تۋرا رەتسەپت بويىنشا سالىڭىز، كەرىسىنشە جاعدايدا ونىڭ ءيىسى بۇزىلىپ، كۇڭگىرت بولىپ قالادى. قۇرعاق بالىشتەردى سۋىتىپ بارىپ پىشىنىنەن شىعارىڭىز.

  ءتاتتى بالىشكە ءجۇزىم قوسپاس بۇرىن، ونى ۇنعا اۋناتىپ الىڭىز. تۇزدى اشىتقى قوسىلىپ، ءبىراز تۇرعان سۋعا قوسىڭىز. قامىر اشىپ، كوتەرىلىپ ۇلگەرسە، ال ءسىز ونى ءپىسىرۋ پەشىنە قويۋعا ۋاقىتىڭىز بولماسا، بەتىن ىلعال قاعازبەن جابىڭىز.

  ىستىق ءبالىشتى سۋىتىپ بارىپ تۋراڭىز. نەمەسە سۋمەن جىلىتىلعان پىشاقپەن تۋراڭىز. ءبالىش كۇيىپ، پىشىنگە جابىسىپ قالسا، ونى جىپپەن الىپ كورىڭىز.

جاۋاپتى رەداكتور: ءاننا اكىمقان قىزى
  • بەرلين كينو مەرەكەسىندەگى ەڭ ۇزدىك ەر اكتەر ۋاڭ جيڭچۇن: التايدا تۋىپ، قىراننىڭ سۋىن ءىشىپ ەرجەتتىم
  • ايماعىمىزداعى قۇرىلىم رەفورماسى جۇرىلگەن 8 ورىننىڭ ۆيۋەسكاسى اسىلدى
  • يۋانشياۋ مەرەكەسىن قالاي وتكىزەمىز
  • اۋىز سۋ حاۋىپسىزدىگىن كۇشەيتۋ ينجەنەرياسى بۇقارانى اۋىز سۋدان الاڭسىز ەتتى