اعاجاي-التاي تورابى   ›   اقپارات ايدىنى   ›   سۋرەتتى حابارلار

بەرلين كينو مەرەكەسىندەگى ەڭ ۇزدىك ەر اكتەر ۋاڭ جيڭچۇن: التايدا تۋىپ، قىراننىڭ سۋىن ءىشىپ ەرجەتتىم

  

     2 – ايدىڭ 19 – كۇنى، بەيجيڭ. بەرليننىڭ جەرگىلىكتى ۋاقىتى بويىنشا 2 – ايدىڭ 16 – كۇنى 69 – كەزەكتى بەرلين حالىقارالىق كينو مەرەكەسىنىڭ سالتاناتتى جابىلۋ سالتى وتكىزىلدى. جۇڭگولىق رەجيسسور ۋاڭ شياۋشۋاي رەجيسسورلىق ەتكەن «ماڭگىلىك ماحاببات» اتتى كينو فيلىمدە باس رول العان ەر اكتەر ۋاڭ جيڭچۇن مەن ايەل اكتەر يۇڭ مەي «ەڭ ۇزدىك ەر اكتەر» جانە «ەڭ ۇزدىك ايەل اكتەر» كۇمىس ايۋ سيلىعىنا بىردەي يە بولدى. اتاپ وتۋگە تاتيتىنى، ەڭ ۇزدىك ەر اكتەر سيلىعىنا يە بولعان ۋاڭ جيڭچۇن شينجياڭدا تۋىپ – وسكەن ازامات. بۇل ۋاڭ جيڭچۇن رول العان «كۇندىزگى وت» كينو فيلىمى 64 – كەزەكتى بەرلين كينو مەرەكەسىندە ەڭ ۇزدىك فيلىم التىن ايۋ سيلىعىن العاننان كەيىن، ول رول العان «ماڭگىلىك ماحاببات» اتتى فيلىم تاعى دا سيلىق ساحناسىنان كورىنىپ، باعالاۋشىلار مەن كورەرمەندەردىڭ قىزۋ قارسى الۋىنا بولەندى.

  التايدىڭ كوركەم كورىنىسىن ۇمىتا المايمىن، نارىن جاساي الامىن.

  شينجياڭدا تۋىپ – وسكەن ازامات ءوزىنىڭ اتا – مەكەنىن ەسىنەن شىعارمادى. اتا – مەكەنىنىڭ كوركەم كورىنىسى جايلى ول: «التايدا تۋىپ، قىراننىڭ سۋىن ءىشىپ ەرجەتتىم. بالا كەزىمدى ەسكە السام، التايدىڭ كۇزگى كورىنىسى ەڭ كوركەم سەزىلەتىن، كۇز مەزگىلىندە ەرتىس بويىندا سەيىلدەيتىنمىن، ءۇيىرلى جىلقى وزەنگە قاراي قۇلديلاپ كەلە جاتادى، كەشكى شاپاق استىندا وتە تاماشا سەزىلەتىن»، — دەيدى.

  اتا – مەكەنىنىڭ ءدامدى تاعامدارىن ايتقاندا، شينجياڭنىڭ قوي ەتىن ۇناتاتىنىن، قازاقتىڭ ۇلتتىق تاعامى نارىندى جاساي الاتىنىن، ونى اناسىنان ۇيرەنگەنىن ايتتى. ءار رەت شينجياڭعا قايتقان سايىن، ەڭ الدىمەن اناسى ءوز قولىمەن نارىن سالىپ بەرەدى ەكەن.
 2018 – جىلى، ۋاڭ جيڭچۋن الەۋمەتتىك يگىلىك ءىسىنىڭ ەلشىسى سالاۋاتىمەن اتا مەكەنىنىڭ كەدەيلەردى سۇيەمەلدەۋ ىسىنە كومەكتەستى. ول شينجياڭنىڭ مارالباسى اۋدانى شۇڭقىرشاق اۋىلىنا بارادى، حوش ءيىستى قاۋىن سول جەردىڭ ەرەكشە ٴونىمى ەدى، وسى قاۋىندى ەلىمىزدىڭ جەر – جەرىنە ساتۋ ۋاڭ جيڭچۋننىڭ تالپىنىس نىساناسى بولاتىن. ول بىلاي دەدى: «شينجياڭ ەرەكشە قۇنارلى جەر، مەن سول ارادا ەسەيىپ ەرجەتتىم، اتا مەكەنىم ءۇشىن ۇلەس قوسۋ مەنىڭ بۇلتارتپاس بورىشىم».

جاۋاپتى رەداكتور: ءاننا اكىمقان قىزى
  • ايماعىمىزداعى قۇرىلىم رەفورماسى جۇرىلگەن 8 ورىننىڭ ۆيۋەسكاسى اسىلدى
  • يۋانشياۋ مەرەكەسىن قالاي وتكىزەمىز
  • اۋىز سۋ حاۋىپسىزدىگىن كۇشەيتۋ ينجەنەرياسى بۇقارانى اۋىز سۋدان الاڭسىز ەتتى
  • الداعى ءۇش كۇندىك اۋا رايىنان الدىن-الا مالىمەت