اعاجاي-التاي تورابى   ›   اقپارات ايدىنى   ›   سۋرەتتى حابارلار

ايماعىمىزداعى قۇرىلىم رەفورماسى جۇرىلگەن 8 ورىننىڭ ۆيۋەسكاسى اسىلدى

  التاي گازەتىنىڭ ءتىلشىسى لي چاڭدا، جيڭ يۋان، ياڭ ۋيشۋان، پراكتيكانت ءتىلشى حان ليڭ حابارلايدى. 2 ـ ايدىڭ 13 ـ كۇنىنەن 15 ـ كۇنىنە دەيىن ايماقتىق اۋىل شارۋاشىلىق، اۋىل ـ قىستاق مەكەمەسى قاتارلى جاڭادان قۇرىلعان 8 مەكەمە ـ ورىن جەكە ـ جەكە ۆيۋەسكا استى. دۋ جاۋحۇي، گۇلنۇر نۇرعالي قىزى، چىن بو، ما شۋەلياڭ، اقجول انەس ۇلى، ۋاڭ جۇن ـ ان، لان شىڭشين قاتارلى ايماقتاعى ءتورت باسشىلىق القانىڭ باسشىلارى ۆيۋەسكا اسۋ سالتىنا قاتىناستى.

  جاڭادان قۇرىلعان 8 مەكەمە ـ ورىن مىنالار: ايماقتىق اۋىل شارۋاشىلىق، اۋىل ـ قىستاق مەكەمەسى، ايماقتىق ورمان شارۋاشىلىق جانە جايلىم مەكەمەسى، ايماقتىق ەكولوگيالىق ورتا مەكەمەسى، ايماقتىق دەنساۋلىق ساقتاۋ سالامات كوميتەتى، ايماقتىق بازار باقىلاۋ ـ باسقارۋ مەكەمەسى، ايماقتىق توتەنشە جاعدايلاردى باسقارۋ مەكەمەسى، ايماقتىق ەمدەۋدى قامتاماسىزداندىرۋ مەكەمەسى، ايماقتىق مادەنيەت ـ دەنەتاربيە، راديو ـ تەلەۆيزيا جانە ساياحات مەكەمەسى (ۆيۋەسكا ىلىنگەن ۋاقىتى بويىنشا قاتارعا تۇرعىزىلدى).

  جاڭادان قۇرىلعان 8 مەكەمە ـ ورىننىڭ جاۋاپتىلارى بىلاي دەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 ـ قۇرىلتايى رۋحىن جەتەكشى ەتۋدەن باستان ـ اقىر جازباي، باس شۋجي شي جينپيڭنىڭ ماڭىزدى ءسوزى جانە ماڭىزدى نۇسقاۋ رۋحىن باتىل دايەكتىلەندىرىپ، تياناقتاندىرىپ، «ءتورت تانىمدى» بەرىك ورناتىپ، «ءتورت سەنىمدى» شىنايى كۇشەيتىپ، «ەكىنى قورعاۋدى» باتىل ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، نازاردى باس نىساناعا شوعىرلاندىرىپ، اۆتونوميالى رايوندىق پارتكومنىڭ «1+3+3+رەفورما جاساپ، ەسىك اشۋ» قىزمەت ورنالاستىرۋىن مۇقيات ويداعىداي تياناقتاندىرىپ، ايماقتىق پارتكومنىڭ، اكىمشىلىك مەكەمەسىنىڭ قۇرىلىم رەفورماسىن تەرەڭدەتۋ جونىندەگى شەشىم ـ ورنالاستىرۋىن ويداعىداي تياناقتاندىرىپ، جاۋاپكەرلىكتى ارقالاۋدى كۇشەيتىپ، مىندەت جاۋاپكەرلىگىن تاباندىلىقپەن ادا ەتىپ، تىڭ تانىم، تىڭ وي جەلى، تىڭ ادىسپەن ءتۇرلى قىزمەتتى ويداعىداي تىندىرىپ، التاي ايماعى ەكونوميكاسى مەن قوعامىنىڭ جوعارى ساپالى دامۋىن جەبەپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن تىڭ ۇلەس قوسامىز.

  اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى بەكىتكەن «التاي ايماعىنىڭ قۇرىلىم رەفورماسى جوباسى» بويىنشا التاي ايماعىنىڭ قۇرىلىم رەفورماسى قوعام ورنىقتىلىعى مەن باياندى تىنىشتىق باس نىساناسىن تياناقتاندىرۋدى تىعىز ارقاۋ ەتىپ، «الدىمەن ورناتۋ، سوڭىنان وزگەرتۋ، ورناتپاي تۇرىپ وزگەرتپەۋ» پرينسيبىنەن جازباي، تاباندىلىقپەن ءتارتىپتى جۇرگىزىپ، قاراستىلىقتى اۋىستىرۋ، قۇرۋ قىزمەتىن ويداعىداي يگەرىپ، تاراۋلاردىڭ «3 تى تۇراقتاندىرۋ» جوباسىن جوعارى ولشەمدە بەلگىلەپ، ءتۇرلى قىزمەتتىڭ ويداعىداي قابىسۋىنا، رەفورمانىڭ ءتارتىپ بويىنشا جۇرىلۋىنە كەپىلدىك ەتىپ، باس نىسانانى جۇزەگە اسىرۋ، دوڭگەلەك داۋلەتتى قوعامدى جاپپاي قۇرۋ، اناعۇرلىم تىنىش، كورىكتى، باي ـ باقىتتى جاڭا التاي قۇرۋدى ءتۇزىلىس مەحانيزمىمەن قامتاماسىزداندىردى. حابارعا قاراعاندا، ايماقتىق قۇرىلىم رەفورماسى 2019 ـ جىلى 3 ـ ايدىڭ سوڭىندا نەگىزىنەن اقىرلاسادى. قۇرىلىم رەفورماسىنان كەيىن ايماعىمىزدا ايماق دارەجەلى پارتيا ـ ۇكىمەت قۇرىلىمدارىنان 45 ى قۇرىلادى. مۇندا، پارتكوم قىزمەت ورگاندارى 14 بولسا، اكىمشىلىك قىزمەت تاراۋلارى 31 بولادى.

جاۋاپتى رەداكتور: ءاننا اكىمقان قىزى
  • يۋانشياۋ مەرەكەسىن قالاي وتكىزەمىز
  • اۋىز سۋ حاۋىپسىزدىگىن كۇشەيتۋ ينجەنەرياسى بۇقارانى اۋىز سۋدان الاڭسىز ەتتى
  • الداعى ءۇش كۇندىك اۋا رايىنان الدىن-الا مالىمەت
  • التايدىڭ قىسقى ساياحاتى قالايشا ورلەي ٴتۇستى