اعاجاي-التاي تورابى   ›   اقپارات ايدىنى   ›   احپارات اعىمى

بەنزين مەن سالەركانىڭ باعاسى ۇزدىكسىز ءۇش رەت قىمباتتادى

  وسىنىڭ الدىندا ەكى رەت جوعارىلاتىلعاننان كەيىن، ەل ىشىندەگى بەنزين مەن سالەركا باعاسى تاعى ءبىر رەت جوعارىلاتىلدى. مەملەكەتتىك دامىتۋ جانە رەفورمالاۋ كوميتەتىنىڭ 2 – ايدىڭ 14 – كۇنى حابارلاۋىنشا، جۋىردان بەرگى حالىقارالىق بازارداعى مۇناي باعاسىنىڭ وزگەرىس احۋالىنا نەگىزدەلە وتىرىپ، قازىر اتقارىلىپ وتىرعان وڭدەلگەن مۇناي باعاسىن قالىپتاستىرۋ مەحانيزمىنە ساي، 2019 – جىلى 2 – ايدىڭ 14 – كۇنى ساعات 24تەن باستاپ، ەل ىشىندەگى مۇناي مەن سالەركەنىڭ باعاسى تونناسىنا 50 يۋان جوعارىلاتىلدى.
 مەملەكەتتىك دامىتۋ جانە رەفورمالاۋ كوميتەتى جاۋاپتىسى مىنانى ءبىلدىردى: جۇڭگو مۇناي – تابيعي گاز سەرىكتەستىگى، جۇڭگو مۇناي حيميا سەرىكتەسىتىگى، جۇڭگو تەڭىز – مۇحيت مۇناي سەرىكتەستىگى سىندى ءۇش ءىرى سەرىكتەستىك وڭدەلگەن مۇنايدى ءوندىرۋ جانە تاسىمالداۋدى ويداعىداي ۇيىمداستىرىپ، نارىقتىڭ ورنىقتىلىعىنا كەپىلدىك ەتىپ، مەملەكەتتىڭ باعا ساياساتىن قاتاڭ اتقارۋى كەرەك. جەر – جەردەگى قاتىستى تاراۋلار نارىقتى باقىلاۋ جانە تەكسەرۋ پارمەنىن كۇشەيتىپ، مەملەكەتتىڭ باعا ساياساتىن اتقارماعان ارەكەتتەردى قاتاڭ تەكسەرىپ انىقتاپ، نارىقتىڭ قالىپتى ءتارتىبىن قورعاۋى كەرەك. تۇتىنۋشىلاردىڭ 12358 باعانى باقىلاۋ – باسقارۋ تەكشەسى ارقىلى باعا جاعىنداعى زاڭعا قايشى ارەكەتتەردى اشكەرەلەۋىنە بولادى.

جاۋاپتى رەداكتور: ءاننا اكىمقان قىزى
  • اۋىز سۋ حاۋىپسىزدىگىن كۇشەيتۋ ينجەنەرياسى بۇقارانى اۋىز سۋدان الاڭسىز ەتتى
  • الداعى ءۇش كۇندىك اۋا رايىنان الدىن-الا مالىمەت
  • التايدىڭ قىسقى ساياحاتى قالايشا ورلەي ٴتۇستى
  • شي جينپيڭنىڭ حالىق جۇرەگىندەگى ىستەرى