اعاجاي-التاي تورابى   ›   مادەنيەت ارناسى   ›   ونەگە

سەنى دە سۇيەتىن ءبىر جان بار

  قىستىڭ ءبىر كەشىندە مەتروعا ءبىر ماس سەندەلەكتەي كىردى. جۇمىستان شارشاپ-شالدىعىپ كەلە جاتقان جۇرت وعان ۇركە قارادى. ءبارى ءتۇس-تۇسقا شاشىراپ، بويلارىن ساسىق مىسكىننەن اۋلاق ۇستاپ، تىجىرىنا قالدى.

  بۇل جىگىت پاناسىز ءبىر جەتىم ەدى، تاعدىردان دا، ادامنان دا كوپ تاياق جەدى. جاڭا جىلدىڭ سوڭعى كۇنىندە سۇيگەنى تاستاپ كەتتى.

  ەندىگى ىزاسىن اشتى سۋدان الىپ، ومىردەن ءبىر جۇلاتا كۇدەرىن ۇزىپ كەتكەن، ول مەتروداعى جۇرتقا وقتى كوزىمەن قارادى. ەلدىڭ ءبارى ودان بويىن اۋلاق سالىپ، ارى قاراپ وتىر.

  وسى كەزدە، اكەسىندەي ءبىر ادام كەلدى دە: جىگىتىم، كەل بۇندا وتىر، توڭىپ كەتىپسىڭ، جۇقا كيىنىپ الىپسىڭ عوي،-دەپ ورىن بەردى.

  ول وكىرىپ جىلاپ جىبەردى. «اكەم-اۋ، اكەتايىم-اۋ، ءتىرى ەكەنسىڭ عوي»،-دەپ الگى ەر ادامنىڭ يىعىنا باسىن قويىپ ەڭكىلدەپ قويا بەردى. ەلدىڭ ءبارى اكە مەن بالا مەترودا جولىققان ەكەن عوي،-دەدى.

  ءبىراق شاشىن قىراۋ شالعان اقساقالدىڭ ۇلى وسىدان اي بۇرىن اق قان اۋرۋىنان كوز جۇمعان. ول ادامنىڭ، بالانىڭ قادىرىن سەزۋشى ەدى. سودان دا «جامان بولسا دا، امان بولعانى باقىت»،-دەگەندى كوپ ايتاتىن. ماس جىگىت جىلاپ العان سوڭ بويىن تىكتەدى دە: راقىمەت، اكە، مەن ءتىرىمىن، ماحاببات ءتىرى ەكەن-دەپ كۇبىرلەدى دە ءتۇسىپ كەتتى.

  توي جاساۋىنا از-اق كۇن قالعاندا، ونىڭ تاعدىرىنا قارا تاڭبا باسىلدى. بەي ۋاقىتتا ۇيىنە قايتىپ كەلە جاتقان جولىندا بۇزاقىلاردىڭ قولىنا ءتۇستى. سوتاناقتار ونى قورلاپ كەتتى. شيپاگەر وعان ەندى بالا كوتەرە المايسىڭ،-دەگەن سۇمدىق سۋىق حاباردى جەتكىزدى. ول اسپان اينالىپ جەرگە تۇسكەندەي مەڭىرەيىپ قالدى. ول سول كۇننەن باستاپ ەركەك اتاۋلىعا وشىگىپ كەتتى.

  ونىڭ سۇيگەنى ءسوزىن دە تۇراتىن جان ەدى، مەن قاشاندا سەنىمەن بىرگەمىن،-دەدى دە ونىمەن بىرگە توي زالىنا كىردى. ەكەۋى مامىراجاي تۇرمىسىن كەشىرىپ جاتقاندا، تاعدىردىڭ قىرسىعى ونى باسىن تاعى اينالدىردى. ءبىر ايدان سوڭ كۇيەۋى زاۆودتتا ۋلى گازگە ۋلانىپ ومىردەن ءوتتى.

  ەلدەر ەندى ونى «سارى جۇلدىز»،-دەپ قارعاعانعا ءتۇردى. ونىڭ كوز جاسى كول بولدى، تاعدىرى تىعىرىققا تىرەلدى، «مەن تاعدىردىڭ ويىنشىعىمىن،ەندى مەنى ەشكىم دە كەرەك قىلمايدى»،-دەپ ول ولىمگە بەكىم بايلادى.

  وسى كەزدە ونىڭ جانىنان ءبىر قاراپايىم قاجىرلى جىگىت تابىلدى.

  -وتكەنىڭ مەن ءومىرىڭنىڭ وكىنىشى مەن ءۇشىن اپپاق قاعاز، مەن ودان ەشتەڭەدە وقىمايمىن، ماعان سەنىڭ بۇگىنىڭ مەن كەلەشەگىڭ كەرەك، بالاسىز ءومىر سۇرسەك تە، ساناسىز ءومىر سۇرمەۋگە سەرت بەرەمىن،-دەدى.
ول ونىڭ قولىن بەتىنە باسىپ ۇزاق جىلادى. «ماحاببات ءالى ءتىرى ەكەن عوي»،-دەدى ول ءومىرىنىڭ ەڭ قيىن قىستاۋ ساتىندە وزىنە كەزىككەن سول ءبىر جىگىتتى قۇشاقتا تۇرىپ.

  ءتىرى ماحاببات ولارعا ءتاتتى سي سيلادى، ولار ءبىر جىلدان سوڭ بالا ءسۇيدى، ولار ونىڭ اتىن: ماحاببات،- قويدى.

  جۇرەك ءسوز: ءيا، ءومىردىڭ ءمانى ماحاببات پەن سۇيىسپەنشىلىكتە، ءبىز ءومىردى ماحابباتپەن باستاپ ماحابباتپەن اياقتاستىرعاندا بارىپ ماقساتىمىزعا جەتەمىز. ءبىز ءبىر-ءبىرىمىزدى سۇيگەندە، قايعىنىڭ بۇلتى سەيىلەدى، ءبىز ءبىر-ءبىرىمىزدى قۇشاقتاعاندا عانا ءومىردىڭ سۋىق قاباعى جىلىنادى. سەن ءومىردىڭ سان قيلى بۇرالاڭ جولىن باسساڭ دا، تىرلىكتەن كۇدەر ۇزبە، مىنا ومىردە سەنى سۇيەتىن ءبىر ادامنىڭ بار ەكەنىن ۇمىتپا، مەيلى ول ادام ساعان كەش جولىقسا دا....

جاۋاپتى رەداكتور: ءاننا اكىمقان قىزى
  • الداعى ءۇش كۇندىك اۋا رايىنان الدىن-الا مالىمەت
  • التايدىڭ قىسقى ساياحاتى قالايشا ورلەي ٴتۇستى
  • شي جينپيڭنىڭ حالىق جۇرەگىندەگى ىستەرى
  • الداعى ءۇش كۇندىك اۋا رايىنان الدىن-الا مالىمەت