اعاجاي-التاي تورابى   ›   اقپارات ايدىنى   ›   احپارات اعىمى

«چاڭ – ى 4 - ٴنومىرلى» ايدىڭ كەشىندە تاعى دا ۇيقىعا شومدى

ايداعى ەكىنشى تاۋلىكتە قالىپتى قىزمەت ىستەدى

      ءتىلشىنىڭ مەملەكەتتىك عارىش مەكەمەسىنەن ۇعىسۋىنشا، 2 – ايدىڭ 11 – كۇنى ساعات 20دا، «يۇيتۋ 2 - ٴنومىرلى» شارلاۋ اسپابى ايدىڭ كەشىندەگى ۇيقىعا شومۋ كەزەڭىنە تاعى دا قادام تاستادى، ايعا قونعاننان كەيىن اي بەتىندە جيىنى 120 مەتر جول باستى. «چاڭ – ى 4 - ٴنومىرلى» قونۋ اسپابى سول كۇنى ساعات 19دا اي كەشىنە بايلانىستى جۇيەنى ورنالاستىرۋدى اياقتاتىپ، ۇيقىعا شومدى.
     تانىستىرۋعا قاراعاندا، ايداعى ەكىنشى تاۋلىكتە «چاڭ – ى 4 - ٴنومىرلى» قونۋ اسپابى مەن «يۇيتۋ 2 - ٴنومىرلى» شارلاۋ اسپابى ورنىقتى قىزمەت ىستەدى، ەنەرگيالىق تەپە – تەڭدىكتى ساقتاپ، ساندى دەرەكتەردى جولداۋى قالىپتى بولدى. قونۋ اسپابىنا ورنالاستىرىلعان تومەن جيىلىكتەگى راديون تولقىندى سپەكتر ولشەۋىش پەن وعان تيەلگەن گەرمانيانىڭ اي بەتىندەگى نەيترون مەن ساۋلە مولشەرىن بارلاۋ اسپابى، شارلاۋ اسپابىنا ورنالاستىرىلعان ينفرا قىزىل ساۋلەلى كەسكىن قالىپتاستىرۋ سپەكتر ولشەۋىش اسپابى مەن وعان تيەلگەن شۆەتسيانىڭ بەيتاراپتانعان اتومدى بارلاۋ اسپابى قاتارلى عىلىمي زەرتتەۋ اسپاپتارى قايتادان اشىلىپ، عىلىمي بارلاۋ قيمىلدارىن جوسپار بويىنشا ءساتتى ورىستەتتى. شارلاۋ اسپابىنىڭ تولىق كورىنىستى ءتۇسىرۋ فوتو اپپاراتى قونۋ اسپابىن قايتالاي سۋرەتكە ءتۇسىرىپ، قونۋ اسپابىنىڭ رەڭدى تولىق سۋرەتىنە يە بولدى.

جاۋاپتى رەداكتور: ءاننا اكىمقان قىزى
  • الداعى ءۇش كۇندىك اۋا رايىنان الدىن-الا مالىمەت
  • التايدىڭ قىسقى ساياحاتى قالايشا ورلەي ٴتۇستى
  • شي جينپيڭنىڭ حالىق جۇرەگىندەگى ىستەرى
  • الداعى ءۇش كۇندىك اۋا رايىنان الدىن-الا مالىمەت