اعاجاي-التاي تورابى   ›   اقپارات ايدىنى   ›   سۋرەتتى حابارلار

التايدىڭ قىسقى ساياحاتى قالايشا ورلەي ٴتۇستى

التاي 1 ـ ايدىڭ 1 ـ كۇنىنەن 16 ـ كۇنىنە دەيىن ٴبىر ميلليون 517 مىڭ 700 ساياحاتشى قابىلدادى

  شينجياڭ گازەتىنىڭ ٴتىلشىسى تاڭ كاندۇڭ حابارلايدى. «جىل باسىنان بەرى، التاي قالاسى گەنەرال تاۋى قار شاڭعى الاڭىنا كۇنىنە كەلىپ ساياحاتتايتىنداردىڭ سانى 3000 ادام (رەت) بولىپ، تاريحتاعى ەڭ جوعارى دارەجەگە جەتتى» ـ دەدى 1 ـ ايدىڭ 17 ـ كۇنى التاي ايماقتىق ساياحات مەكەمەسىنىڭ قىزمەتكەرى تىلشىگە.

  ٴتىلشىنىڭ التاي ايماقتىق ساياحات مەكەمەسىنەن ۇعىسۋىنشا، جىل باسىنان بەرى، التاي ايماعىنىڭ قىسقى ساياحاتى ەرەكشە جانداندى. 1 ـ ايدىڭ 16 ـ كۇنىنە دەيىن التاي ايماعى ٴبىر ميلليون 517 مىڭ 700 ساياحاتشى (رەت) قابىلداپ، ساياحات جالپى تۇتىنۋى ٴبىر ميلليارد 662 ميلليون يۋانعا جەتىپ، ۇقساس مەزگىلدەگىدەن جەكە ـ جەكە %64.3، %99.7 ارتىپ، تاريحتاعى ەڭ جوعارى ورەگە جەتكەن. 2018 ـ، 2019 ـ جىلى قىس ماۋسىمىندا التاي ايماعى قابىلداعان ساياحاتشى سانىن 3 ميلليون ادامعا (رەت) جەتكىزۋ نىساناسىن ورىندايدى ەكەن.

  «قول جەتكىزگەن تابىستاردى التايدىڭ دارالىق ەرەكشەلىككە يە قار ـ مۇز بايلىعى مەن باي مازمۇندى ساياحات، دەنە تاربيە قيمىلىنان، التاي ايماعىنىڭ اۆياتسيانى، تەمىر جولدى، تاس جولدى، كوشى ـ قون جولىن ٴبىرتۇلعالاندىرعان مىڭ شاقىرىمدىق قاتىناس جۇيەسىنەن، التاي ايماعىنىڭ قىسقى ساياحاتتى جان ـ جاقتىلى ۇگىتتەپ تانىستىرۋىنان بولە قاراۋعا بولمايدى» ـ دەدى التاي ايماقتىق پارتكومنىڭ مۇشەسى، اكىمشىلىك مەكەمەسىنىڭ ورىنباسار ٴۋاليى ۋاڭ جۇن ـ ان.

  ساياحاتشىلار التايدا نەنى ساياحاتتايدى

  2018 ـ، 2019 ـ جىلى قىس ماۋسىمىندا، التاي ايماعى «قار كورىنىستەرىن تاماشالاۋدى، قاردا ويناۋدى، قار شاشۋدى» تاقىرىپ ەتىپ، قاناس ـ قوم قارمەكەنى قار ـ مۇز ساياحات دەمالىس رايونىن، ۇلىڭگىر كولىندە بالىق اۋلاۋ حالىقتىق سالت ـ سانانى سەزىنۋ رايونىن، التاي قار ـ مۇز ساياحات دەمالىس رايونىن، كوكتوعاي قار شاتقالىن جەكە اۆتوكولىكپەن ساياحاتتاۋ رايونىن قۇرىپ، قاناستى كوسباسشى ەتكەن التاي، كوكتوعاي، قوم قار شاڭعى الاڭى مەن التاي تاۋى مىڭ شاقىرىمدىق ساياحات كاريدورىن تىرەك ەتكەن «ٴتورت رايون، ٴبىر بەلدەۋ» قىسقى ساياحات جۇيەسىن قۇردى.

  2018 ـ جىلى 10 ـ ايدىڭ 28 ـ كۇنىنەن 2019 ـ جىلى 4 ـ ايعا دەيىن التاي تاۋى تابيعي قار باقشاسىندا تۇڭعىش قار شاڭعى تەبۋ قيمىلى، بۋىرشىن قىراۋ مەرەكەسى، جەمەنەي ساۋىر قىسقى مال شارۋاشىلىق مادەنيەت، ساياحات مەرەكەسى، بۋرىلتوعاي بالىق اۋلاۋ مادەنيەت، ساياحات قيمىلى، كوكتوعاي قار ـ مۇز سالت ـ سانا مەرەكەسى، شىڭگىل قار ـ مۇز دەنە تاربيە قيمىلى، قابا «قار قىمتانعان اققايىڭ ورمانى» قار ـ مۇز مەرەكەسى ت. ب. التاي ايماعى ىلگەرىندى ـ كەيىندى 85 ٴتۇرلى باي مازمۇندى قىس ماۋسىمىنداعى مادەنيەت، دەنەتاربيە، ساياحات قيمىلىن وتكىزىپ، التايعا ساياحاتتاي كەلگەن ساياحاتشىلاردى مول ساياحات قيمىلىمەن قامدادى.

  ساياحاتشىلار قالاي كەلدى

  ۇعىسۋىمىزشا، قىسقى ساياحاتتى دامىتۋ ٴۇشىن، التاي ايماعى اۆەياتسيانى، تەمىر جولدى، تاس جولدى، كوشى ـ قون جولىن ٴبىر تۇلعالاندىرعان مىڭ شاقىرىمدىق ساياحات جۇيەسى قۇرىلىسىن قۇرعان. «كەڭىستىك كولىگى» جوباسىن اتقارىپ، التايدان شىنجىن، جىڭجوۋ، نانجيڭ، لانجوۋ، شي ـ ان قاتارلى قالالارعا اۋە لەنياسىن اشقان؛ شينجياڭنىڭ ىشىندە ٴۇرىمجى، شاۋەشەك، قارامايلى، قۇلجا، قاشقار، كورلا، شىحىزى قالالارىنا تىكە ۇشاق قاتىناپ، قاناس كورىنىس رايونىنان كوكتوعاي كورىنىس رايونىنا باۋىرلاپ ۇشىپ ساياحاتتاۋدى جۇزەگە اسىرىپ، «نەگىزگى جەلى ارقىلى ەلىمىزگە قاتىناۋ، تارماق جەلى ارقىلى شينجياڭعا قاتىناۋ، كورىنىس رايوندارىنا باراتىن اۋە قاتىناس تورىن قالىپتاستىرۋداي» اۋە قاتىناس تورىن قۇرعان. كوزالدا، التاي ايماعىنىڭ بۋرىلتوعاي اۋدانىنا، بەيتۇن قالاسىنا، التاي قالاسىنا تۇگەلدەي پويەز قاتىناعان ٴارى ٴۇرىمجى __ التاي «جەر جانناتى__ قاناس، قارلى مەكەن __ التاي» ساياحات ارناۋلى پويەزى دا قاتىناعان.

  التاي ايماعى قىسقى ساياحاتتاعى تاس جولداردىڭ دارەجەسىن جوعارىلاتىپ وزگەرتىپ سالىپ، «قاناس»، «كوكتوعاي» قاتارلى ٴتۇيىندى كورىنىس رايوندارىنىڭ قاتىناس حاۋىپسىزدىگىن ارالاپ تەكسەرۋدى كۇشەيتتى. اۋا رايى تاراۋلارى اۋا رايىنان دەركەزىندە الدىن الا مالىمەت بەرىپ، قىسقى ساياحاتتاعى تاس جول حاۋىپسىزدىگىنە كەپىلدىك ەتىپ، قىس ماۋسىمىندا قاناسقا بارۋ ەندىگارى قيىن ماسەلەگە اينالۋدان قالدى.

  ساياحاتشىلار قايدان كەلدى

  وتكەن جىلى 12 ـ ايدىڭ 11 ـ كۇنى، التايدىڭ قىسقى ساياحاتىن ۇگىتتەپ تانىستىرۋ ۇيىرمەسى شي ـ ان، جىڭجوۋ، بەيجيڭ، چۇڭچيڭ، شاڭحاي، گۋاڭجوۋ سىندى 6 ٴىرى قالاعا، سونداي ـ اق ٴۇرىمجى، سانجى، قارامايلى، شاۋەشەك، بەيتۇن سىندى قالالارعا بارىپ ۇگىتتەپ تانىستىرىپ، ساياحات ونىمدەرى، ساياحات لەنياسى جانە تيىمدىلىك جاساۋ ساياساتى قاتارلىلاردى ٴتۇسىندىرىپ، ساياسات ارقىلى ىشكى ولكەلەردەگى ساياحاتشى قاينارىنا يە ساياحات ورىندارىن بەلسەنە جۇمىلدىرۋ ارقىلى التايدىڭ قىسقى ساياحات ونىمدەرى مەن لەنياسىن كولەمدى تۇردە ۇگىتتەپ، ساياحاتشىلاردى التايعا كەلۋگە باستادى.

  2018 ـ جىلى التاي ايماعىنىڭ تۇتاس جىلدا قابىلداعان ساياحاتشى سانى 22 ميلليون 827 مىڭ 400 ادامعا (رەت) جەتىپ، ۇقساس مەزگىلدەگىدەن جەكە ـ جەكە %43.57، %106.68 ارتتى. مۇندا، قاناس كورىنىس رايونى قابىلداعان ساياحاتشى سانى 6 ميلليون 889 مىڭ 800 ادامعا (رەت)، ساياحات جالپى تۇتىنۋى 7 ميلليارد 915 ميلليون يۋانعا جەتىپ، ۇقساس مەزگىلدەگىدەن جەكە ـ جەكە %48.49، %175.76 ارتتى؛ كوكتوعاي كورىنىس رايونى قابىلداعان ساياحاتشى سانى 776 مىڭ 800 ادامعا (رەت)، ساياحات جالپى تۇتىنۋى 777 ميلليون يۋانعا جەتىپ، ۇقساس مەزگىلدەگىدەن جەكە ـ جەكە %16.39، %50 ارتتى. جان باسىندىق تۇتىنۋى تۇڭعىش رەت مىڭ يۋاندىق قامالدى بۇزدى.

  «التاي دۇنيە ٴجۇزى دارەجەلى قار ـ مۇز ساياحات نىسانالى جەرىن، دۇنيە ٴجۇزى دارەجەلى قار ـ مۇز سپورتى نىسانالى جەرىن قۇرۋعا كۇش سالدى. التايدىڭ قىسقى ساياحاتىن جان ـ جاقتىلى دامىتىپ، ‹جۇڭگوداعى قارلى مەكەندى› ‹جۇڭگونىڭ قار ـ مۇز ورتالىعىنا› اينالدىرۋعا كۇش سالامىز. ‹جەر ٴجانناتى _ـ قاناس، قارلى مەكەن _ـ التاي› وزەكتى ماركاسىنىڭ ىقپال قۋاتىن ۇزدىكسىز جوعارىلاتىپ، ەلىمىزدەگى ساياحاتشىلاردى التايدىڭ قار ـ مۇز مادەنيەتىنىڭ ٴتىلسىم كۇشىن سەزىندىرەمىز» ـ دەدى ۋاڭ جۇن ـ ان.

جاۋاپتى رەداكتور: ءاننا اكىمقان قىزى
  • شي جينپيڭنىڭ حالىق جۇرەگىندەگى ىستەرى
  • الداعى ءۇش كۇندىك اۋا رايىنان الدىن-الا مالىمەت
  • ايماقتاعى ءتورت باسشىلىق القانىڭ باسشىلارى قارت باسشىلار، قارت جولداستار، قارت پارتيا مۇشەلەرى ۋاكىلدەرىنە جانە التايدا تۇراتىن اسكەري ءبولىمىنىڭ وفيتسەر ـ اسكەرلەرىنە امانداسا باردى جانە ولاردان حال سۇرادى
  • 2019 - جىلعى كوكتەم مەرەكەسىن توپتىق قۇتتىقتاۋ جينالىسىندا سويلەنگەن ءسوز