اعاجاي-التاي تورابى   ›   اقپارات ايدىنى   ›   سۋرەتتى حابارلار

شي جينپيڭنىڭ حالىق جۇرەگىندەگى ىستەرى

  مەن حالىقتىڭ قىزمەتكەرىمىن

  2013-جىلى 11-ايدا، شي جينپيڭ باس شۋجي حۋناننىڭ شياڭشيىنداعى شىبادۇڭ قىستاعىنا بارادى، حات تانىمايتىن ءتىپتى ‹ورتاق ءتىلدى›دە سويلەي المايتىن مياۋزۋ اجەي شى پا ونى قالاي شاقىرۋدى سۇراعاندا، ول وسىلاي عانا قاراپايىم جاۋاپ قايتارعان بولاتىن. وسى ءبىر قانشا جىلداردان بەرى، شي جينپيڭ كوپتەگەن ورىنداردا ءوزىن ‹حالىقتىڭ قىزمەتكەرىمىن›، ورتالىقتىڭ باسشىلارى حالىقتىڭ قالاۋلى قىزمەتكەرلەرى دەپ باسا دارىپتەدى.

  شي جينپيڭ قاراپايىم قىزمەتكەر سالاۋاتىمەن بۇقارانىڭ ىسىتىق-سۋىعىنا كۇيىنىپ، حالىققا بار ىقىلاسىن باعىشتاسا؛ ال ول قيىنشىلىق قىسپاعىنداعى بۇقارالاردى ءارقاشاندا جادىندا ساقتاپ، قالىڭ قاۋىمنىڭ اراسىندا بولىپ، جۇرت احۋالىن ۇعىسىپ، قيىنشىلىقتارىن شەشىپ، حالىق ءۇشىن ناقتىلى جۇمىس ىستەپ، مەيىر باعىشتادى.

  جۇرت احۋالىن ۇعىسۋداعى كورگەن-بىلگەندەر جۇرەككە جىلىلىق باعىشتادى

  جاڭاعانا وتە شىققان 2018ـ جىلدا، باتىس وڭىردەگى سىچۋاننىڭ دالياڭشان ىشكى وڭىرىنەن شىعستاعى چيلۋدىڭ بايتاق جەرىنە دەيىن، حايناننان گۋاڭدۇڭعا ودان سوڭ شىعىس تەرىستىككە دەيىن، چاڭجياڭنىڭ ورتا اعارىنداعى حۋناننان حايكوۋ، شاڭحايعا دەيىن شي جينپيڭ باس شۋجيدىڭ اياق ءىزى قالدى. مىنەبارعان جەرلەرىندەگى حالىقتىڭ جاتىن ورنى، قورەكتەنۋ احۋالدارى، قيىنشىلىقتارى ونىڭ ەڭ كوڭىل بولەتىن ىستەرى ەسەپتەلدى.

  2018-جىلى شاعان قارساڭىندا، شي جينپيڭ كولىككە وتىرىپ، شاتقالدارى قاتەرلى، تەرەڭ اڭعارلى ءپانشان تاسجولىن بويلاپ، بارىپ –كەلۋگە 4 ساعاتتان استام ۋاقىت جۇمساپ، دالياڭشان ىشكى وڭىرىندە جاساپ جاتقان قيىنشىلىق قىسپاعىنداعى بۇقارالارعا امانداسا باردى. شي جينپيڭ قىستاق تۇرعىندارى جي حاۋيەچيۋ، جيەليەمۋ وتباسىندا، ەسىك الدىنداعى كەدەيلەردى سۇيەمەلدەۋدەگى بايلانىس كارتوچكاسىن مۇقياتتىلىقپەن تەكسەرىپ كورىپ، وتاعاسىلارىمەن ىستىق ىقىلاسپەن اڭگىمەلەسىپ، تۇرمىستارىنىڭ قانداي ەكەندىگىن، قايسى كاسىپتى دامىتىپ جاتقاندىعىن، كىرىس احۋالدارىن، بالالارىنىڭ وقۋ وقي العان-الماعانىن سۇراستىردى.
حاينان ولكەسىنىڭ حايكوۋ قالاسى شيۋيىڭ رايونى شىشان قالاشىعىنداعى شىچا قىستاعىندا، شالقار تۇستەگى شىلىڭگىر ىستىققا قاقتالا ءجۇرىپ ديحان جۇرتشىلىعىن كوزدەن كەشىردى.

  حۋبەي يچاڭدا، ول سانشياداعى كوشپەندى حالىق قونىستانعان قىستاققا بارىپ، قىستاق تۇرعىندارىنىڭ تۇرمىس احۋالىن، جاڭا تۇرمىس ورتاسىنا ۇيلەسكەن-ۇيلەسپەگەندەرىن دەن قويا سۇراستىردى، ءارى ولاردىڭ سانشيا ينجەنەريا قۇرىلىسىنا قوسقان ۇلەستەرىن تۇراقتاندىردى. شاندۇڭ ولكەسىنىڭ چيڭداۋ قالاسىنداعى ءبىر الەۋمەتتىك رايونداعى جۇرتقا قولايلى اسحانادا ول تاماق ىشۋگە كەلگەن تۇرعىندارمەن ىستىق ىقىلاستى كەڭەسىپ، تاماقتارىنىڭ قانداي ەكەندىگىن، باعاسىنىڭ ارزان-قىمباتتىعىن سۇراستىردى.

  شاندۇڭ ولكەسىنىڭ جينان قالاسىندا، ول قىستاق تۇرعىنى جاۋشۇنليدىڭ ۇيىنە ات باسىن بۇرىپ، وتباسىنداعىلارمەن القاقوتان وتىرا اڭگىمەلەسىپ، ولاردىڭ كىرىس احۋالىن، كوشكەندە قانشا قاراجات ىسەتكەنىن، تۇرمىستارىندا تاعىدا قانداي قيىنشىلىقتار ساقتالعانىن سۇراستىردى. حيلۇڭجياڭ ولكەسىندەگى چيشيڭ ەگىس الاڭىندا، كۇرىش ەگىسى باسىنداعى جۇمسشىلارمەن اڭگىمە شەرتىسىپ، ولاردان كىرىستەرىنىڭ قانداي ەكەندىگىن، استىق باعاسىن، وتباسى كىرىستەرىن، ۇرپاقتارىنىڭ كاسىپتەنۋ احۋالىن ىشكەرلەي سۇراستىرىپ، ولاردىڭ كاسىپتەگى حاۋىپسىزدىككە كوڭىل ءبولۋىن ەسكەرتتى.

  جيليندەگى شاگان كولىندە، ول قالقىما كوپىرگە شىعىپ، بالىقشىلىق الاڭىنداعى جۇمىسشىلاردىڭ ءونىم الۋ احۋلىن، سۋ ونىمدەرىنىڭ ساتىلۋ جولىن سۇراستىرىپ، اۋىلداستار تۇرمىسىنىڭ جىل سايىن كوركەيۋىن ءۇمىت ەتتى. لياۋنيڭداعى فۋشۇن قالاسىندا، ول كومىر قازۋدا شوككەن رايونداعى قاتەردىڭ الدىن الىپ، كوشىرىپ ورنالاستىرۋ احۋالىن كوزبە-كوز ۇعىسىپ، تۇرعىن ءۇي احۋلىن، پەنسياعا شىعۋ قاراجاتتارى قاتارلىلاردى شىنايى ىقىلاسىمەن سۇراستىردى.

  مىنە وسىلايشا، ۇلى ەل كوسەمىنىڭ رياسىز كوڭىلى تابان ءىزى قالعان جەرلەرىندە ايگىلەنىپ، حالىقپەن ەتە-ەنەلىك سۇيىسپەنشىلىگى ايشىقتى بەينەلەندى. ول ءبىزدىڭ جاناشىرىمىز، حالىقتى جادىندا ساقتاپ، حالىق ءۇشىن ايانباي كۇرەس جۇرگىزدى؛ ول بىزگە مەيىر باعىشتاۋشى، جۇرەگىندە حالىق تۇرمىسىنىڭ جاي-جاپسارىن بەرىك ساقتادى. ول بۇقارانىڭ سىرلاسى، حالىقتىڭ قيىنشىلىعىن شەشۋ ءۇشىن ءجون كورسەتىپ، حالىقتىڭ كۇرەس جۇرگىزۋ ءۇشىن ۇمتىلۋىنا ءارقاشان ماداق بەردى.

  وتباسى قيىنشىلىقتارىن شەشىپ، جاقسى تۇرمىستى بۇقاراعا باعىشتادى

  شاعان جۇڭگولىقتاردىڭ ەڭ مەيىرلى مەرەكەسى. ءاربىر كەدەي وتباسىلارىنىڭ شاعاندى قالاي وتكىزۋى شي جينپيڭ باس شۋجيدىڭ كوڭىلىن تولقىتپاي قويمايدى. ءبىر قانشا جىلداردان بەرگى شي جينپيڭ باس شۋجيدىڭ شاعان قارساڭىنداعى جۇمىس كۇن-ءتارتىبىنىڭ ورنالاستىرىلۋىنا قاراساق، ‹قۇنارسىزدىقپەن الەمگە ايگىلى بولعان› گانسۋداعى ديڭشيدەن سولتۇستىك شەگارا وڭىردەگى ارشان قاراۋىل ورنىنا دەيىن، سانشيدىڭ لياڭجياحىسىنداعى جەر تولەدەن توڭكەرىستىك كونە بازا جيڭگاڭشانعا دەيىن، حىبەيدىڭ جاڭبەي اۋدانىنان سىچۋاننىڭ دالياڭشان تۇكپرىنە دەيىن.....پارتيانىڭ 18-قۇرىلتايىنان بەرى قاراي، ول ءار جىلى شاعاندا كەدەيلەردەن حال سۇراپ، قيىنشىلىقتارىن ۇعىسۋدى ەسىنەن شىعارعان ەمەس.

  2013-جىلى 2-ايدا، شي جينپيڭ جيۋچۇيداعى ون سەگىز شىنتاقتى اينالىپ ءوتىپ، تەڭىز دەڭگەيىنەن 2400مەتردەن استام بيىكتىكتەگى گانسۋ ولكەسىنىڭ ديڭشي قالاسى ۋييۋان اۋدانى يۋانگۋدۇي قىستاعىنا بارىپ، توزىعى جەتكەن، جاتاعان كەرپىش ۇيلەرگە كىرەدى، وسى بارىستاءبىر كەسە سۋ قۇيىپ تاتىپ كورەدى دە، سۋدىڭ دامىنەن قاتتى تىكسىنەدى. ارتىنان، ول ارناۋلى تاۋحى وزەنىنىڭ سۋىن باستاپ اكەلۋ ينجەنەرياسىنىڭ ناق مايدانىنا كەلىپ، جاۋاپتى جولداسقا ‹حالىق تۇرمىسى بارىنەن دە ماڭىزدى ەكەنىن، سۋدى جونگە سالۋدى باستى ورىندا ۇستاۋدى› ايتادى.

  مىنە تابانى كۇرەكتەي التى جىل وتە شىقتى، بۇگىنگى كۇنى يۋانگۋدۇي قىستاعىنداعى بارلىق وتباسىلارى قۇبىرلى سۋ ىستەتىپ، قىستاقتاعى بارلىق جولدار كەڭەيتىلىپ سالىندى ءارى اسفاليتتاندىرىلدى.

  2014-جىلى شاعان قارساڭى، ىشكى مۇڭعۇلدىڭ قاقاعان ايازىندا، شي جينپيڭ باس شۋجي 74 جاستاعى قيىنشىلىق قىسپاعىنداعى ورمان شارۋاشىلىق جۇمىسشىسى گويۇڭساي وتباسىنا كەلىپ، جەر تولەسىن كورىپ، بالشىق مەشىنە جىلىنىپ، مەرەكەلىك زاتتارىنا كوز جىبەرىپ، ساكى باسىنا وتىرىپ، بۇقارانىڭ تۇرعىن ءۇي جاعدايىن ۇعىستى.

  ال سول جىلى 6-ايدا، گويۇڭساي وتباسى سان جىلدىق ‹تاقتايلى بالشىق ۇيگە› حوش ايتىپ، ساۋلەتتى قابات ۇيگە كوشىپ كىردى. 2012-جىلدان 2017-جىلعا دەيىن، ىشكى مۇڭعۇل اۆتونوميالى رايونى لاشىق مەكەندەردى جاڭالاۋدى تەبىندى ىلگەرلەتىپ، مولشەرمەن 3 ميلليون 490 مىڭداي باسپانا قيىنشىلعى بار بۇقارا ‹جايلى قونىس ارمانىن› جۇزەگە اسىردى.
2016-جىلى شاعان قارساڭىندا، شي جينپيڭ باس شۋجي جاڭبىر ارالاس قارعا قاراماي سۋ مەن باتپاق ارالاس تاۋ جولىن ارالاپ جياڭشيداعى جيڭگاڭشاننىڭ ماۋپيڭ اۋىلدىعى شىنشان قىستاعىنداعى كەدەي وتباسى جاڭ شىڭدىنىڭ وتباسىنا كەلىپ، ەرلى-زايىپتىلارمەن بىرلىكتە وتىرىپ، وتباسى كىرىس-شىعىسىن ۇعىسىپ ءتۇسىندى. ول اۋىلداستارعا پارتيامىزدىڭ بارىنتا پەيىلىمەن حالىق ءۇشىن ىستەيتىن پارتيا ەكەندىگىن، بايىرعى ازات رايونداردىڭ دامۋىن جالعاستى پارمەندى قولداپ-قۋاتتايتىنىن، اۋىلداستار تۇرمىسىنىڭ كۇننەن-كۇنگە جاقسارا بەرەتىنىن تاپتەشتەي ءتۇسىندىردى.

  مەملەكەتتىڭ كەدەيلەردى دالمە-ءدال سۇيەمەلدەۋ ساياساتىنىڭ جەتەكشىلىگىندە، 2016-جىلدىڭ اياعىندا، جيڭگاڭشانداعى كەدەيلەردىڭ ۇشىراۋ سالىستىرماسى %1.6 تومەندەپ، ەلىمىزدەگى كەدەيلىكتەن ارىلۋ مەحانيزمى قۇرىلعاننان كەيىنگى ەڭ الدىمەن كەدەيلىكتەن ارىلۋدىڭ‹قالپاعىن العان› كەدەي اۋدان بولدى.

  2017-جىلى شاعان قارساڭىندا، شي جينپيڭ حىبەيدا قىزمەت تەكسەرگەندە، جاڭ بەي اۋدانى دىشىڭ قىستاعىندا قيىنشىلىق قىسپاعىنداعى بۇقارا شۇي حايچىڭنىڭ وتباسىنا بارىپ، شۇي حايچىڭنىڭ كىرىس جاعدايى مەن اۋرۋ كورسەتۋ احۋالىن ۇعىسىپ، ونىڭ كوڭىلىن ورنىقتىرىپ، پارتيا مەن ۇكىمەتتىڭ وسىنداي وتباسىلارىنءسوزسىز جالعاستى قولدايتىنىن، اۋىلداستاردىڭ ءتىپتى دە جاقسى تۇرمىس كەشىرەتىنىن ءبىر-بىرلەپ تۇسىندىرەدى.

  ال قازىرگى كۇنى، بۇل قىستاقتا دىشىڭ ماركالى كارتوپيا ماركاسى تىزىمگە الىنىپ، ۇكىمەتتىڭ قولداۋىندا 280 كارتوپيا شاعىن پارنيگى سالىنىپ، جىلدىق جالپى ءوندىرىس مولشەرى 30 ميلليون تۇيىرگە جەتىپ، ءاربىر پارنيكتىڭ كىرىسى 20مىڭ يۋاننان اسقان.

  2018-جىلى شاعان قارساڭىندا، دالياڭشانداعى شي جينپيڭ بۇرىن امانداسا بارعان كەدەي بۇقارا جي حاۋيەچيۋدىڭ دا تابىسى مول بولعان. 2018-جىلى جي حاۋيەچيۋ ەگىمشىلىكتە اعاش وتىرعىزۋ، سيىر، قوي، تاۋىق باعۋ، جانە سىرتتاي جۇمىس ىستەۋ ارقىلى جالپى كىرىسى 64000 يۋانعا جەتىپ، كەدەيلىكتەن ارىلۋدى الدەقاشان ىسكە اسىرعان.

  ءىس جۇزىندە، تەك قانا شاعان مەرەكەسى ەمەس، پارتيانىڭ 18-قۇرىلتايىنان بەرى قاراي، شي جينپيڭ جەرگىلىكتى ورىنداردا قىزمەت تەكسەرۋدە بولعانىندا، قاي جەردە بولسىن قاراپايىم بۇقارانىڭ وتباسىندا جاعدايلارىن ۇعىسپ، حال سۇرادى. ال جەرگىلىكتى ورىنداردا قىزمەت ىستەگەن كەزدەرىندە، ول قيىنشىلىق قىسپاعىنداعى بۇقارانى قاي-قاشاندا جادىندا ساقتادى. ول بىلاي دەيدى: ‹40نەشە جىلدان بەرى، مەن بۇرىندى-سوڭدى جۇڭگوداعى اۋدان، قالا، ولكە، ورتالىقتا قىزمەتتە بولدىم، كەدەيلەردى سۇيەمەلدەۋدى ءارقاشاندا قىزمەتتەگى ماڭىزدى مازمۇن ەتىپ ۇستاپ، كۇش قۋاتىمدى سارقا جۇمسادىم›.

  حالىقتىڭ ءتۇبىرلى ارمانى ۇكىمەتتىڭ قىزمەت باعىتى

  بۇقارانىڭ ىستىعىنا كۇيىپ، سۋىعىنا توڭعان ول كەدەيلەردى دالمە-ءدال سۇيەمەلدەۋدى، ءسوزسىز ءىس جۇزىندىكپەن ىستەۋدى، جەرگىلىكتى احۋالعا ساي ىستەۋدى، ادامىنا، وتباسىنا قاراي ساياسات جۇرگىزۋدى ورتاعا قويدى. بۇقارانىڭ جايلى قونىسنىڭ قامىن ويلاپ، تۇرعىن ءۇيدى قامتاماسىزداندىرۋمەن قامداۋ جۇيەسىن قۇرۋدى ءبىر ءتۇرلى امالياتتان، حالىق كوڭىلىنەن، تاريحي تەكسەرۋدەن وتكەن ءادىل ساياسات ەتىپ ۇستاۋدى ورتاعا قويدى.

  ول بۇقارانىڭ ءجۇرىپ-تۇرۋ قولايلىعىنىڭ قامىن ويلاپ، ‹تورتتە جاقسى اۋىل-قىستاق جولى› قۇرىلىسىنا نازار اۋدارىپ، اۋىل-قستاق تاسجولىن جاقسارتۋدى جاقسى ىستەۋمەن قاتار، ونى باسقارۋدى، قورعاۋدى، ىستەتۋدى، ديحانداردى بايۋ جولىنا باستاپ، دوڭگەلەك داۋلەتتىلىككە قادام تاستاۋدى ورتاعا قويدى.

  بۇقارانىڭ اقاۋسىز بولۋىنىڭ قامىن ويلاپ، ەمدەۋ دەنساۋلىق ساقتاۋ قىزمەتىنىڭ ءتۇيىنىن تومەنگە ءتۇسىرۋدى ىلگەرلەتىپ، ەمدەۋ دەنساۋلىق ساقتاۋ بايلىعىن جالپىلاستىرۋدى، اۋىل-قالاشىق نەگىزدىك الەۋمەتتىك قىزمەت وتەۋدى تەڭەستىرۋدى ىلگەرلەتىپ، بۇقارالاردى حاۋىپسىز، ءونىمدى، قولايلى، ارزان الەۋمەتتىك دەنساۋلىق ساقتاۋى مەن نەگىزدىك ەمدەۋ قىزمەت وتەۋىمەن قامداۋدى ورتاعا قويدى.

  وقۋشىلاردىڭ وقۋىنىڭ قامىن ويلاپ، وقۋ-اعارتۋ ىستەرىن الدىمەن دامىتۋدى، اۋىل-قىستاقتىڭ مىندەتتى وقۋ-اعارتۋىن ءبىر تۇلعالى دامىتۋدى، اۋىل-قىستاق مىندەتتى وقۋ-اعارتۋىنا ويداعىداي ءمان بەرۋدى باسا دارىپتەدى. ول بۇقارالاردىڭ كاسىپتەنۋىنىڭ قامىن ويلاپ، حالىق تۇرمىسىنا ساياتىن ەڭ ۇلكەن ءىس كاسىپتەنۋ ەكەنىن، بارىنەن بۇرىن كاسىپتەنۋ ستىراتەگياسى مەن بەلسەندى كاسىپتەنۋ ساياساتىندا تاباندى بولىپ، ءتىپتى دە جوعارى ساپالى جانە تولىق كاسىپتەنۋدى جۇزەگە اسىرۋدى ورتاعا قويدى.

  الدىڭعى عاسىردىڭ 60-جىلدارى، شي جينپيڭ زيالى جاس سالاۋاتىمەن سانشيداعى اۋىل-قىستاقتا قاتارعا كىرگەندە، توسپا سوعۋ، جول جوندەۋگە، شالشىق گازىن جاساۋعا، ساتىلى اتىز جوندەۋگە قاتىناستى......ول ءبىر ماقالاسىندا :‹سولتۇستىك سانشي ءۇستىرتى مەنىڭ تامىر تارتقان اتامەكەنىم، ۇيتكەنى بۇل جەردەن مەن ‹حالىق ءۇشىن ناقتىلى ءىس ىستەۋ› سىندى بەرىك سەنىمىمدى جەتىلدىردىم!›-دەپ ەسكە تۇسىرگەن.

  قىرىق نەشە جىلدان بەرى ول حالىققا ىقىلاسىن ارناۋدا قاي-قاشاندا تاباندى بولىپ، ءارقاشاندا حالىقتى ەسىنەن شىعارمادى. ءاربىر ساياسات ورنالاستىرۋى بولسىن، مەيلىءاررەتكى رەفورما بولسادا، حالىقتىڭ قىزمەتكەرى سىندى تۇراقتى سالاۋاتىن جادىندا ساقتاپ، ‹حالىقتىڭ باياشاتتى تۇرمىسقا بولعان ارمانى، ءبىزدىڭ كۇرەس نىسانامىز› سىندى حالىققا بەرگەن قاستەرلى ۋادەسىن اتقاردى.

جاۋاپتى رەداكتور: ءاننا اكىمقان قىزى
  • الداعى ءۇش كۇندىك اۋا رايىنان الدىن-الا مالىمەت
  • ايماقتاعى ءتورت باسشىلىق القانىڭ باسشىلارى قارت باسشىلار، قارت جولداستار، قارت پارتيا مۇشەلەرى ۋاكىلدەرىنە جانە التايدا تۇراتىن اسكەري ءبولىمىنىڭ وفيتسەر ـ اسكەرلەرىنە امانداسا باردى جانە ولاردان حال سۇرادى
  • 2019 - جىلعى كوكتەم مەرەكەسىن توپتىق قۇتتىقتاۋ جينالىسىندا سويلەنگەن ءسوز
  • ات شاناعا وتىرىپ قىراۋلى قالاشىقتى ساياحاتتاعاندار