اعاجاي-التاي تورابى   ›   مادەنيەت ارناسى   ›   ونەگە

سەرىگىڭىز قۇرمەتتەسىن دەسەڭىز...

  ۇيلەسىمدى قارىم-قاتىناس پەن باقىتتى وتباسىنى ماحاببات پەن ءوزارا سىيلاستىقسىز ەلەستەتۋ مۇمكىن ەمەس. سونىمەن قاتار، بۇل ەكى ەلەمەنت ءوزارا تىعىز بايلانىستى. ءبىراق كەيدە كۇيەۋىنىڭ ونى قۇرمەتتەمەيتىندىگىن ايتىپ، شاعىمداناتىن ايەلدەر كەزدەسىپ جاتادى. ايەل ەر ادامنىڭ قۇرمەتىنە يە بولۋ ءۇشىن نە ىستەۋ كەرەك؟

  وزىڭىزگە دەگەن قاتىناستى وزگەرتىڭىز

  ءوزىڭىزدى جاقسى كورمەي، بىرەۋدىڭ سۇيىكتىسى بولۋ قيىن. مۇنى پسيحولوگتار ءوزىن-ءوزى تومەن باعالايتىن ادامدارعا قايتالاپ ايتىپ كەلەدى. بۇل قۇرمەتتەۋگە دە تىكەلەي بايلانىستى. ەگەر ايەل ءوزىن قۇرمەتتەمەسە، وندا سەرىگىنىڭ قۇرمەتىن الۋى ەكى تالاي. ءوزىڭىزدى قۇرمەتتەۋ ءۇشىن نە ىستەۋ كەرەك؟

  بىرىنشىدەن، ءوز كەمشىلىكتەرىڭىزدى قابىلداڭىز جانە ارتىقشىلىقتارىڭىزدى پايدالانىڭىز. كەمشىلىكتەن گورى ارتىقشىلىقتارىڭىزعا كوبىرەك ءمان بەرىڭىز. ەكىنشىدەن، قاي سالادا ءوزىڭىزدى جاقسى كورسەتە الاتىندىعىڭىزدى ويلانىڭىز. جەتىستىكتەرىڭىزگە اناليز جاساپ، ماقتانىش سەزىمىن وياتىڭىز. نەنى جاقسىراق جاسايتىنىڭىز ماڭىزدى ەمەس: توقۋ، سۋرەتكە ءتۇسىرۋ، ءدامدى تاماق ءپىسىرۋ نەمەسە قايىرىمدىلىقپەن اينالىسۋ. باستىسى، سول ىستە ءوزىڭىزدى تابا بىلسەڭىز، سەزىنە بىلسەڭىز جانە ودان ءلاززات الا بىلسەڭىز بولعانى. وسىلاي، وزىڭىزگە دەگەن قۇرمەت ويانا باستايدى، ياعني، كۇيەۋىڭىز دە ءسىزدى قۇرمەتتەي باستايدى.

  وزىندىك دارالىعىڭىزدى ساقتاڭىز

  كەي ايەلدەر شوۋ-بيزنەس، اكتريسا، بلوگەر، قۇربى نەمەسە ت.ب ادامدارعا ەلىكتەپ، سولارعا ۇقساعىسى كەلىپ، ءتىپتى، كەيدە ولاردىڭ ارەكەتتەرىن دە قايتالاپ جۇرەدى. كەيدە ەلىكتەگەنى سونشالىقتى، ولار وزدەرىن جوعالتىپ الىپ جاتادى. بىرەۋدىڭ قۇرمەتىنە يە بولۋ ءۇشىن ايەل وزىندىك قاسيەتىن ساقتاۋ كەرەك. اركىم ءوز دارالىعىن تۇسىنۋگە تىرىسىپ، ونى ءارى قاراي دامىتۋدى ويلاۋ كەرەك. الەمدە ءتۇرى، مىنەزى، ويلاۋى، قاسيەتتەرى جانە ت.ب جاعىنان ءدال سىزدەي ادام جوق ەكەنىن ءتۇسىنىڭىز.

  ءوز كۇشىڭىزگە سەنىڭىز، ءوز دارالىعىڭىزعا باسشىلىققا الىڭىز، باسقانىڭ ويىمەن جۇرمەي، ءوز قالاۋىڭىزدى جۇزەگە اسىرىڭىز. ءيا، قاتىناستا كەلىسىمگە كەلە ءبىلۋ ماڭىزدى، ءبىراق ول سەرىگىڭىزدىڭ بارلىق ايتقاندارىمەن كەلىسۋ دەگەندى بىلدىرمەيدى. جاعدايعا قاراپ، ءوزىڭىزدىڭ دە ويىڭىزدى ايتىپ، ءبىر كەلىسىمگە كەلۋگە تىرىسىڭىز.

  ومىرگە دەگەن كوزقاراسىڭىزدى، قىزىعۋشىلىعىڭىزدى ەر ادامنىڭ كوڭىلىنەن شىعۋ ءۇشىن تۇبەگەيلى وزگەرتۋدىڭ قاجەتى جوق. ورتاق حوببي، قىزىعۋشىلىق مىندەتتى تۇردە تابىلادى. ەگەر سىزگە فۋتبول كورۋ ۇناماسا، وتىرىك ۇنايتىندىعىن ايتىپ، ءوزىڭىزدى قيناۋدىڭ قاجەتى جوق. وعان وزىنە فۋتبول كورۋىنە ۋاقىت بەرىپ، شىنىمەن دە سىزگە ۇنايتىن ىسپەن اينالىسىڭىز.

  ەر ادامدى قۇرمەتتەڭىز

  "سىيعا – سىي..." دەمەكشى، كۇيەۋىڭىزدىڭ قۇرمەتىنە يە بولۋ ءۇشىن، الدىمەن، ونى قۇرمەتتەپ ۇيرەنىڭىز. ەگەر ايەل كۇيەۋىنەن ءوز ارتىقشىلىقتارى مەن كەمشىلىكتەرى بار ادامدى كورمەسە، ونى جەكە تۇلعا رەتىندە قابىلداماسا، ەر ادام دەپ سىيلاماسا، قۇرمەت تۋرالى ارمانداماسا دا بولادى.

  نازىكتىگىڭىز بەن جۇمباقتىعىڭىزدى ۇمىتپاڭىز

  جان-جاقتى دامۋعا تىرىسىڭىز. ەڭ الدىمەن، ءوزىڭىز ءۇشىن دامۋعا تىرىسىڭىز جانە سول جاڭا قاسيەتتەرىڭىزدى وتباسىلىق ومىرىڭىزگە قولدانىڭىز. مىسالى، بوس ۋاقىتىڭىز بولسا، تىگۋدى، سۋرەت سالۋدى، تاماق ءپىسىرۋدى جانە ت.ب ۇيرەنىڭىز. سودان سوڭ وتباسى مۇشەلەرىنە ەرەكشە تاماق دايىنداپ بەرىڭىز، بىردەي ەتىپ كيىم تىگىپ كورىڭىز، ياعني بىرتىندەپ ولارعا جاڭا قىرىڭىزدان كورىنىڭىز. سونىمەن قاتار، نازىك بولۋدى ۇمىتپاڭىز. بارىنە ۇلگەرەمىن دەپ، بارلىق شارۋانى تەك ءوز موينىڭىزعا الا بەرمەڭىز. اۋىر ءىستى ەر ادامعا تاپسىرىڭىز، كەي شارۋانى بالالارىڭىزعا ءبولىپ بەرىڭىز.

  سىپايى بولىڭىز

  قانشا شارشاپ تۇرساڭىز دا، باسقالاردىڭ كوزىنشە ايقايلاي سالۋدى، سويلەي بەرۋدى دوعارىڭىز. ەر ادامدار سىپايى ءارى سالماقتى ايەلدەردى قۇرمەتتەيدى. ول ۇندەمەي، بار ايتىلعان نارسەمەن كەلىسىپ جۇرە بەرۋ دەگەن ءسوز ەمەس. ءبىراق، ءار نارسەنىڭ ءوز ورنىن ءبىلۋدى، بىردەن ءتۇسىنۋدى ۇيرەنىڭىز.

جاۋاپتى رەداكتور: ءاننا اكىمقان قىزى
  • الداعى ءۇش كۇندىك اۋا رايىنان الدىن-الا مالىمەت
  • ايماقتاعى ءتورت باسشىلىق القانىڭ باسشىلارى قارت باسشىلار، قارت جولداستار، قارت پارتيا مۇشەلەرى ۋاكىلدەرىنە جانە التايدا تۇراتىن اسكەري ءبولىمىنىڭ وفيتسەر ـ اسكەرلەرىنە امانداسا باردى جانە ولاردان حال سۇرادى
  • 2019 - جىلعى كوكتەم مەرەكەسىن توپتىق قۇتتىقتاۋ جينالىسىندا سويلەنگەن ءسوز
  • ات شاناعا وتىرىپ قىراۋلى قالاشىقتى ساياحاتتاعاندار