اعاجاي-التاي تورابى   ›   مادەنيەت ارناسى   ›   ونەگە

اقىلدى انانىڭ اقىلى

  «قىز جات جۇرتتىق»، «قىز قوناق». ۇزاتىلعان بويجەتكەن اق بوساعا اتتاپ كەلىن بولدى. اناسى باۋىر ەت بالاپانىنا بىلاي دەپ اقىل ايتتى:

  - قىزىم، بۇگىننەن باستاپ سەن ءبىزدىڭ قولىمىزدان كەتتىڭ. باسقا ءبىر ادامنىڭ جارى، جاقىنى بولدىڭ. كۇيەۋىڭ سەنىڭ ەندىگى بۇكىل ومىرىڭە سەرىك بولاتىن ادام. قۋانىشىڭدى كوبەيتەدى، قايعىڭدى ازايتادى. ونىڭ ساعان دەگەن ماحابباتى مەن ءۇمىتىن اياعىڭا تاپتاما. قىزىم، وتباسى بولۋ وڭاي شارۋا ەمەس. ءبىر شاڭىراقتا قايىن اتاڭ مەن قايىن ەنەڭدى قۇرمەتتە. ولاردى ءوز اناڭ، ءوز اكەڭدەي كور. كىشىگە قۇرمەت، ۇلكەنگە يبا تانىت. ولاردى ءتۇسىن، مىنەزىن كوكەيىڭە ءتۇي، سول مىنەزدەرگە قاراي مامىلە جاسا. ولارمەن ءتۇس شايىسىپ، قاباق شىتىسۋدان اۋلاق بول. ويتكەنى، سەنىڭ بۇل ءىسىڭنىڭ جۇگىن، اۋىرلىعىن باسقا ەمەس كۇيەۋىڭ كوتەرەدى، جۇرەگىنە سالماق تۇسەدى. ەكى وتتىڭ ورتاسىندا قالادى. ەر ادام جانۇيانىڭ تىرەگى، كۇيەۋىڭ قام-قايعىسىز بولسىن. ولاردىڭ كوڭىلىندە الاڭ بولسا ىستەگەن جۇمىسىندا بەرەكە بولمايدى. وعان سۇيەۋ بول.

  قىزىم، كۇيەۋىڭنەن سىر جاسىرما. كۇيەۋىڭنەن باسقا ادامعا سىر ايتپا. باسقالاردىڭ الدىندا كۇيەۋىڭە قارسى ءسوز ايتپا، ابىرويىن توكپە. ەر ازاماتتار ايەلىنىڭ ەڭ ۇلكەن، ەڭ جامان دەگەن كەمشىلىكتەرىن بىردەن كەشىرىپ جىبەرە الادى، ءبىراق، ءدال وسى دوس-جاران، كوپشىلىكتىڭ الدىندا بەتىنەن الىپ، قارسى ءسوز ايتقان كەزىڭدى مۇلدە كەشىرە المايدى. بۇل ولاردىڭ تابيعاتتارىندا جوق. قانشا ايتقىڭ كەلىپ تۇرسا دا، ەل-جۇرتتىڭ الدىندا ونى ماقتاپ، شاراپاتىن اسىر.

  قىزىم، كۇيەۋىڭ ءىش تارتاتىن، جاقسى كورمەيتىن ىستەردەن اۋلاق بول، ونداي ادەتتەرىڭ بولسا تاستا. كۇيەۋىڭ تاپقان اقشا مەن بايلىققا ۇقىپتى بول. ءۇيدىڭ ىرىسى مەن بەرەكەسى سەنىڭ قولىڭدا. ءۇيىڭدى تازا، رەتتى ۇستا. بالالارىڭ اكەسىن ساعىنىپ، ودان ونەگە الۋعا ۇيرەت. قۇرمەتتەۋدى ۇيرەت. ولاردىڭ كوكىرەگىندە اكەسىنەن ۇلى ادام بولماسىن.

  قىزىم، بۇل ايتقان ىستەردى ورىنداۋ اقىلدى، يبالى كەلىندەر ءۇشىن ورىنداۋ تىم قيىن ەمەس. اقىلدى ايەل كۇشىمەن ەمەس، زەردەسىمەن-اق تاۋ قوتارادى. ءوزىڭدى كۇيەۋىڭنەن تومەن ۇستا، اسقاقتاۋ سەنىڭ بۇكىل ومىرىڭە، باقىتىڭا، جىلى وتباسىڭنىڭ تامىرىنا بالتا شابادى.

  ءۇي بولعان سوڭ، شىنى-اياق سىلدىرلاماي تۇرمايدى. وسىنداي ساتتەردە سالماقتى بول، كەي سوزدەردى ايتۋدىڭ كەرەگى دە جوق. بەت-الپەتىڭدى، ءسوز ءلامىڭدى سۋىققا سالىپ نەمەسە بايسال قالپىڭنان وزگەرتە كورمە. اشۋ وتكىنشى، وعان قارسى بولام دەمە. جاقسى ايەل – ءوز كۇيەۋىنىڭ اشۋى الدىندا دا ءوزىن ەركىن ۇستاپ، وعان ەركەلەي بىلەتىن ايەل.

  قىزىم، بالالارىڭدى مەكتەپكە دەيىن جاقسى تاربيەلە. بالا بۇكىل ومىرىنە جەتەتىن اقىلدى مەكتەپكە دەيىن الادى.

جاۋاپتى رەداكتور: ءاننا اكىمقان قىزى
  • الداعى ءۇش كۇندىك اۋا رايىنان الدىن-الا مالىمەت
  • ايماقتاعى ءتورت باسشىلىق القانىڭ باسشىلارى قارت باسشىلار، قارت جولداستار، قارت پارتيا مۇشەلەرى ۋاكىلدەرىنە جانە التايدا تۇراتىن اسكەري ءبولىمىنىڭ وفيتسەر ـ اسكەرلەرىنە امانداسا باردى جانە ولاردان حال سۇرادى
  • 2019 - جىلعى كوكتەم مەرەكەسىن توپتىق قۇتتىقتاۋ جينالىسىندا سويلەنگەن ءسوز
  • ات شاناعا وتىرىپ قىراۋلى قالاشىقتى ساياحاتتاعاندار