اعاجاي-التاي تورابى   ›   مادەنيەت ارناسى   ›   بىلگەنگە مارجان

بولمە گۇلدەرىن باپتاۋ

  بولمەنىڭ ءسانىن كەلتىرەتىن ءۇي وسىمدىكتەرى مەن گۇلدەر ەرەكشە كۇتىمدى قاجەت ەتەدى، سوندىقتان ولاردى اپتاسىنا 1-2 رەت جىلى سۋمەن جۋىپ تۇرۋ كەرەك. ودان وزگە گۇلدەردى ءوسىرۋ، باپتاۋ ءتاسىلى سانقىرلى. نازارلارىڭىزعا بولمە گۇلدەرىن ادەمى ەتىپ ءوسىرۋ مەن باپتاۋعا ارنالعان كەيبىر كەڭەستەردى ۇسىنامىز.

  1.بولمە وسىمدىكتەرىن بويىنا قاراي رەتىمەن ورنالاستىرادى. سوندا ولاردىڭ بارلىعىنا اۋا مەن جارىق جەتكىلىكتى، ءوسۋى قارقىندى بولادى.

  2. جاز مەزگىلىندە كۇن كوزى گۇلدەرگە تىكەلەي تۇسسە، قۋراپ كەتپەس ءۇشىن كولەگەيلەۋ قاجەت.

  3. گۇل ادەمى بولىپ ءوسۋ ءۇشىن، وعان قۇياتىن سۋدى 1 كۇن بۇرىن ىدىسقا قۇيىپ، بولمە ىشىنە بەتى اشىق كۇيىندە قويادى.

  4. بولمە گۇلدەرىنىڭ تۇبىندەگى توپىراقتى قوپسىتىپ بارىپ سۋ قۇيسا، جىلدام وسۋىنە وڭ اسەرىن تيگىزەدى.

  5. ءار كەزدە قانت سالىنعان سۋ قۇيۋ ارقىلى بولمە وسىمدىكتەرىنىڭ ءتۇسىن بالعىن كۇيىندە جانە قۋراتىپ الماي وسىرۋگە بولادى.

  6. ەگەر گۇل تۇبىندەگى توپىراعى قۇرعاپ، جارىلىپ كەتسە، وزەن جاعاسىنداعى قۇمنان نەمەسە اعاش ۇگىندىسىنەن از مولشەردە قوسادى.

  7. ەت جۋعان سۋدى سۇزگىدەن وتكىزىپ گۇلگە قۇيسا، ءوسۋ جىلدامدىعى ەكى ەسەگە ارتادى.

  8. ءۇي ىشىندە وسەتىن راۋشان گۇلدەرى جارىقتى ۇناتاتىندىقتان، وتە جارىق، ءبىراق كۇن كوزى تىكەلەي تۇسپەيتىن جەردە ۇستاۋ كەرەك.

  9. بولمەدە وسەتىن راۋشان گۇلىن جازدا ءجيى سۋ قۇيىپ، توپىراعىن ىلعال ەتىپ ۇستاۋ قاجەت. ەگەر دە توپىراعىندا مايدا شىركەيلەر پايدا بولعانىن بايقاساڭىز، سۋ قۇيۋدى 5-6 كۇنگە توقتاتىڭىز.

  10. راۋشان گۇلدەردىڭ جاپىراعىن اپتاسىنا ءبىر رەت كۇن باتقان كەزدە جۋىپ نە ءسۇرتىپ تۇرادى.

  11 كاكتۋس گۇلىنە 2-3 اپتادا ءبىر رەت قانا سۋ قۇيعان دۇرىس. ويتكەنى بۇل وسىمدىك ىلعالدىقتى ۇناتپايدى.

  12. كاكتۋس ەگىلگەن ىدىستى جاز مەزگىلىندە اعاش تاقتايشالارمەن كولەگەيلەيدى. سەبەبى قاتتى ىستىقتان ونىڭ تامىرى قۋراپ كەتەدى.

  13. كاكتۋس وتىرعىزىلعان ىدىس وتە ۇلكەن بولماعانى دۇرىس. سەبەبى ىدىس تۇبىندەگى توپىراق قۇنارىن تەز جوعالتادى دا، تامىرىنا زيان تيگىزەدى.

  14. ەگەر ۇزاق ۋاقىت ۇيدە بولماي، گۇلدەر قاراۋسىز قالىپ جاتسا، ونىڭ شەشىمى بار. گۇلدەردى ۆانناعا سالىپ ىدىستارى جارتىسىنا دەيىن باتقانشا سۋ قۇيىپ، 40 مينۋتقا قويادى. سودان كەيىن ىدىسىنىڭ سىرتىنان پوليەتيلەن پاكەت كيگىزەدى. تاعى ءبىر شەشىمى، ۆانناعا گۇل ىدىستارى 4-5 سم باتاتىنداي سۋ قۇيىپ، گۇلدەردى سالىپ، ەسىگىن اشىق كۇيىندە قالدىراسىز.

جاۋاپتى رەداكتور: ءاننا اكىمقان قىزى
  • الداعى ءۇش كۇندىك اۋا رايىنان الدىن-الا مالىمەت
  • ايماقتاعى ءتورت باسشىلىق القانىڭ باسشىلارى قارت باسشىلار، قارت جولداستار، قارت پارتيا مۇشەلەرى ۋاكىلدەرىنە جانە التايدا تۇراتىن اسكەري ءبولىمىنىڭ وفيتسەر ـ اسكەرلەرىنە امانداسا باردى جانە ولاردان حال سۇرادى
  • 2019 - جىلعى كوكتەم مەرەكەسىن توپتىق قۇتتىقتاۋ جينالىسىندا سويلەنگەن ءسوز
  • ات شاناعا وتىرىپ قىراۋلى قالاشىقتى ساياحاتتاعاندار