اعاجاي-التاي تورابى   ›   مادەنيەت ارناسى   ›   بىلگەنگە مارجان

ۇيدە گۇل وسىرسەڭىز

  بولمە وسىمدىكتەرى تازا اۋامەن قامتاماسىز ەتۋمەن قاتار، ۇيىڭىزگە ءسان بەرىپ، كوڭىل-كۇيىڭىزدى كوتەرىپ، ءسىز وتىرعان ورتادا جاقسى اتموسفەرا قالىپتاستىرادى. الايدا ءۇي وسىمدىكتەرى ەرەكشە كۇتىمدى، باپتاۋدى قاجەت ەتەدى. بولمە وسىمدىكتەرىنىڭ ادەمى قالپىن ساقتاپ، ۇزاق ءومىر ءسۇرۋى ءۇشىن تومەندەگى جاعدايلار قاجەت.

  قاجەتتى مولشەردەگى شۋاق. بولمە وسىمدىكتەرى جارىقتى قاجەت ەتكەنىمەن، ولاردىڭ كوبى كۇن كوزىنىڭ تىكەلەي ءتۇسۋىن اسا «ۇناتا بەرمەيدى». ماسەلەن، كاكتۋس، سۇتتىگەن، فاۋكاريا، سەنەتسيو سىندى گۇلدەر جارىقسۇيگىش گۇلدەر قاتارىنا جاتادى. ال پاراگۋس، بەگونيا، فۋكسيا سياقتى بولمە وسىمدىكتەرى جارىقتىڭ شاشىراپ ءتۇسۋىن قاجەت ەتەدى. قىرىققۇلاقتار، تىكەنەكتى وسىمدىكتەر كۇن كوزىن سۇيمەيدى، سوندىقتان كولەڭكەگە ءتوزىمدى بولىپ كەلەدى.

  جىلى جاي. بەلگىلى ءبىر مولشەردە بولمە وسىمدىكتەرى جىلۋدى دا قاجەت ەتەدى. اسىرەسە، ءۇي تەمپەراتۋراسى ماڭىزدى رول اتقارادى. جىلۋسۇيگىش وسىمدىكتەردىڭ كۇتىمىندە ولاردىڭ جەل وتىندە تۇرىپ قالماۋىنا ەرەكشە نازار اۋدارىڭىز. تەمپەراتۋرا رەجيمىنىڭ بۇزىلۋى گۇلدەردىڭ جاپىراعىنىڭ زاقىمدانۋىنا، سارعايۋىنا جانە ءجيى تۇسۋىنە الىپ كەلەدى.

  جايلى مەكەن. بولمە وسىمدىكتەرىنىڭ تۇراقتى ورنى بولعانى ءجون. سول سەبەپتى ولاردى ورنىنان ءجيى قوزعاۋعا بولمايدى. تەلەديدار، مۋزىكالىق ورتالىق، كىر جۋعىش ماشينانىڭ جانىنا بولمە وسىمدىكتەرىن قويماۋعا تىرىسىڭىز. جاتىن بولمەڭىزدە بولمە وسىمدىكتەرىنىڭ سانى از بولعانى دۇرىس. سەبەبى، وسىمدىكتەر كۇندىز وتتەگىن، ال تۇندە كومىرقىشقىل گازىن بولەدى.

  قۇنارلى توپىراق. كەز كەلگەن بولمە وسىمدىگى ءۇشىن توپىراقتىڭ قۇنارلى بولۋى اسا ماڭىزدى. سوندىقتان تىڭايتقىشتاردى ۇنەمى پايدالانىپ وتىرۋ قاجەت. بولمە وسىمدىكتەرىنىڭ تۇرىنە بايلانىستى ولارعا سەبەتىن تىڭايتقىشتار دا ءارتۇرلى بولىپ كەلەدى.

  سۋ قۇيۋ. بولمە گۇلدەرىنە قۇياتىن سۋدىڭ تەمپەراتۋراسى بولمە تەمپەراتۋراسىمەن شامالاس بولعانى ءجون. سونىمەن قاتار، سۋدى الدىن الا تۇندىرىپ الۋ كەرەك. سۋدىڭ شامادان تىس مولشەرى وسىمدىك تامىرىنىڭ شىرۋىنە سەبەپشى بولادى.

  تازالىق ساقتاۋ. بولمە وسىمدىكتەرىن اپتاسىنا ءبىر رەت جۋىپ العان دۇرىس. گۇلدەردى شاڭ باسقان جاعدايدا، ولار تەز زاقىمدانىپ، اۋرۋعا ءجيى شالدىعاتىن بولادى. ەگەر جۋاتىن مۇمكىندىگىڭىز بولماسا، گۇلدىڭ جاپىراقتارىن جىلى سۋعا مالىنعان ماقتامەن نەمەسە گۋبكامەن ەكى جاعىنان بىردەي ءسۇرتۋ قاجەت.

جاۋاپتى رەداكتور: ءاننا اكىمقان قىزى
  • الداعى ءۇش كۇندىك اۋا رايىنان الدىن-الا مالىمەت
  • ايماقتاعى ءتورت باسشىلىق القانىڭ باسشىلارى قارت باسشىلار، قارت جولداستار، قارت پارتيا مۇشەلەرى ۋاكىلدەرىنە جانە التايدا تۇراتىن اسكەري ءبولىمىنىڭ وفيتسەر ـ اسكەرلەرىنە امانداسا باردى جانە ولاردان حال سۇرادى
  • 2019 - جىلعى كوكتەم مەرەكەسىن توپتىق قۇتتىقتاۋ جينالىسىندا سويلەنگەن ءسوز
  • ات شاناعا وتىرىپ قىراۋلى قالاشىقتى ساياحاتتاعاندار