اعاجاي-التاي تورابى   ›   اقپارات ايدىنى   ›   سۋرەتتى حابارلار

ات شاناعا وتىرىپ قىراۋلى قالاشىقتى ساياحاتتاعاندار

  بۋىرشىن اۋدانى شۇڭقىر قالاشىعىنىڭ قىسقى كليماتى سۋىق بولعاندىقتان، قالاشىقتى كەسىپ وتەتىن بۋىرشىن وزەنىنىڭ سۋى بۋلانىپ، وزەن جاعالاۋىنداعى اعاشتار قىراۋدان مونشاق تاعىنىپ، 10 كيلومەترگە جالعاسقان قىرۋالى كورىنىس قالىپتاساتىندىقتان، وسى قالاشىق قىرۋالى قالاشىق اتانعان. بۇگىن ءبىز تىلشىلەرمەن بىرگە وسى تاماشا كورىنىستى تاماشالايىق.

  شۇڭقىر قالاشىعىنداعى قىراۋلى ارالعا بارعان ساياحاتشىلار جەرگىلىكتى قازاق قىستاق تۇرعىندارىنىڭ ات شاناسىنا وتىرىپ، قايىڭدى ورمان بەلدەۋىنە بارادى، ولار تۇمان باسقان بۋىرشىن وزەنى اڭعارىنا بارعاندا ۇلى تابيعاتتىڭ ءتىلسىم كورىنىسىنەن بارىنشا ءلازاتتانادى.

  ساياحاتشى چين پىڭ: وتە كوركەم ەكەن، بۇل ارادان بۇرىن كورمەگەن تاماشا قىراۋلى كورىنىستى كوردىم.

  شاڭحايلىق ساياحاتشى رىن چيجيڭ دوستارىمەن بىرگە ەكى رەت ۇشاق الماستىرىپ، بۋىرشىن اۋدانىنا ارنايى كەلىپ، كوزدىڭ جاۋىن الاتىن تاماشا قىرالى كورىنىستى تاماشالادى.

  ساياحاتشى رىن چيجيڭ: اق كورپە جامىلعان قارلى القاپتاعى كوركەم قىرۋلى كورىنىستى كورگەندە بەينە ەرتەگى الەمىندە تۇرعىنداي بولدىم، شاڭحايعا قايتىپ بارعاننان كەيىن دوستارىمدى شينجياڭنىڭ تاماشا كورىنىستەرىن تاماشالاپ قايتۋعا ءناسيحاتتايمىن.

  شۇڭقىر قالاشىعىنىڭ جاعراپيالىق ورنى وزگەشە بولعاندىقتان، نەشە ءجۇز گەكتارلىق اققايىڭ ورمانىنان تۇتاس قىستا كوركەم قىرۋلى كورىنىس كورۋگە بولادى. بۇل جەر شينجياڭداعى قىراۋ كورىنىس تاماشالايتىن ەڭ تاماشا جەرلەردىڭ بىرىنە اينالعان.

  بۋىرشىن اۋداندىق ساياحات مەكەمەسىنىڭ باستىعى يە سۋچيڭ: بۇل جەردەگى قىراۋدىڭ ەڭ ۇلكەن ەرەكشەلىگى پەريودى ۇزاق، كولەمى كەڭ، كورىنسى ايشىقتى، شينجياڭ بويىنشا، ەلىمىز بويىنشا وتە كوركەم دەۋگە بولادى، فٶتو سۋرەت تارتۋ جانە تاماشالاۋ قونى جوعارى.

جاۋاپتى رەداكتور: ءاننا اكىمقان قىزى
  • ايماق اۋىل ـ قىستاقتىڭ كوللەكتيۆ مال ـ مۇلكىن اداقتاپ، قارجىنى ەسەپتەۋ جانە جەردىڭ ۇقىعىن تۇراقتاندىرۋ قىزمەتىن ناق مايداندا كوزدەن كەشىرۋ ءماجىلىسىن اشتى
  • اۆتونوميالى وبلىستىق 14 ـ كەزەكتى حالىق قۇرىلتايىنىڭ 3 ـ ءماجىلىسى جابىلدى
  • شي جينپيڭ پارتيا سىرتىنداعى قايراتكەرلەرمەن كوكتەم مەرەكەسىن بىرگە قارسى الدى
  • التاي قالاسىندا ايماقتىق پارتكومنىڭ كەڭەيتىلگەن ٴماجىلىس رۋجىن ۇيرەنۋدىڭ قىزۋ ورلەۋى كوتەرىلدى