اعاجاي-التاي تورابى   ›   اقپارات ايدىنى   ›   احپارات اعىمى

شي جينپيڭ كاتاردىڭ ءامىرى تامميممەن كەڭەس وتكىزدى

  مەملەكەت ءتوراعاسى شي جينپيڭ 1-ايدىڭ 31-كۇنى حالىق سارايىندا كاتاردىڭ ءامىرى تامميممەن كەڭەس وتكىزدى. ەكى ەل باسشىلارى ءوزارا قۇرمەتتەيتىن، تەڭ دارەجەلى يگىلىك جەتكىزەتىن، ورتاق داميتىن جۇڭگو-كاتار ستراتەگيالىق سەرىكتەستىك قاتىناسىن ىشكەرىلەتۋدى ءبىر اۋىزدىلىقپەن ماقۇلدادى.
شي جينپيڭ بىلاي دەدى: 2014-جىلى جۇڭگو مەن كاتاردىڭ ستراتەگيالىق سەرىكتەستىك قاتىناس ورناتقاندىعىن ءسىز ەكەۋىمىز بەيجيڭدە بىرلىكتە جاريالادىق ءارى ەكى جاقتى قاتىناستى دامىتۋعا ماڭىزدى ورتاق تانىمعا كەلىسكەن ەدىك. مەن ەكى جاقتىڭ ورتاق قۇلشىنۋىندا بۇل ورتاق تانىمداردىڭ تياناقتانىپ، ەكى ەل حالقىنا ناقتىلى پايدالار جەتكىزگەندىگىنە قۋانۋدامىن.
شي جينپيڭ مىنالاردى باسا ايتتى: جۇڭگو كاتارمەن ءوزارا تۇسىنىستىكتى تەرەڭدەتىپ، ساياسيداعى ءوزارا سەنىمدى كۇشەيتۋدى قالايدى. جۇڭگو كاتاردىڭ ءوز مەملەكەت جاعدايىنا ۇيلەسەتىن دامۋ جولىن دەربەس تالداۋىن قولدايدى، كاتاردىڭ ءبىر جۇڭگو ساياساتىن اتقارعاندىعىن القايدى، كاتاردىڭ وزەكتى مۇدەلەرگە تىرەلەتىن ماسەلەلەردە جۇڭگونى باتىل قولداعاندىعىنا العىس ايتادى. ەكى جاق دامۋ ستراتەگيالارىن ءتىپتى ۇشتاستىرا ءتۇسۋ، «ءبىر بەلدەۋ، ءبىر جولدى» ورتاق قۇرۋ كەرەك.
شي جينپيڭ بىلاي دەدى: ەكى جاق مۇناي گاز سەلبەستىگىن ارقاۋ، نەگىزگى قۇرىلعى قۇرىلىسىن ءتۇيىن، فينانس جانە قارجى قوسۋدى جاڭا ارتۋ كوزى ەتكەن سەلبەستىك جاڭا جاعدايىن باستاپقى قادامدا قالىپتاستىرىپ ۇلگىردى.
شي جينپيڭ مىنالاردى باسا ايتتى: ەنەرگيا، نەگىزگى قۇرىلعى قۇرىلىسى، جوعارى-جاڭا تەحنيكا، قارجى قوسۋ سىندى 4 ۇلكەن سالاداعى سەلبەستىكتى ءبىر تۇتاس جۇرگىزۋ كەرەك. ەكى جاق حالىقاراداعى تەررورلىققا، ۇشقارى يدەياعا قارسى تۇرۋ جاعىنداعى اۋىس-كۇيىستى كۇشەيتۋ، تاجىريبەلەردەن ورتاق يگىلىكتەنۋ، سەلبەستىك ورىستەتۋ كەرەك. ادامزات مادەنيەتىندىك اۋىس-كۇيىستى قويۋلاتا ءتۇسۋ، ساياحات، مادەنيەت، دەنە-تاربيە جانە مەديالار سەلبەستىگىن كۇشەيتۋ، اسىرەسە، ءبىر-ءبىرىن قولداپ، 2022-جىلى جۇڭگودا جانە كاتاردا وتكىزىلەتىن قىستىق وليمپيك سپورت جينالىسى جانە دۇنيە كوزەسى فوتبول جارىسى سىندى وسى ەكى كەلەلى باس قوسۋدى ويداعىداي وتكىزۋ كەرەك

  شي جينپيڭ مىنالاردى ناقتاپ ايتتى: وڭىرلىك سەلبەستىك پەن شىعاناقتىڭ ورنىقتىلىعى- وڭىرلىك كوركەيۋدىڭ ماڭىزدى نەگىزى ەسەپتەلەدى. جۇڭگو شىعاناق رايونى-اراب ەلدەرى سەلبەستىك كوميتەتى جانە اراب ەلدەرى جۇلگەسىندە الاۋىزدىقتار مەن قايشىلىقتاردى ساياسي جانە ديپلوماتيالىق جولدارمەن ۇيلەسىمدى شەشىپ، شىعاناق رايونى مەن اراب ەلدەرى اراسىنداعى ىنتىماق پەن جاراستىقتى قالپىنا كەلتىرۋدى قولدايدى. جۇڭگو شىعاناق رايونى-اراب ەلدەرى سەلبەستىك كوميتەتىنە مۇشە ەلدەردىڭ تىلەگى بويىنشا، جالعاستى سىندارلى رول اتقارۋدى قالايدى.
تامميم اۋەلى شي جينپيڭگە جانە جۇڭگو حالقىنا شاعان قۇتتى بولسىن ايتتى. ول بىلاي دەدى: كاتار مەن جۇڭگو ستراتەگيالىق سەرىكتەر، ەكى جاقتىڭ دوستىق قاتىناسى جەدەل دامۋدا. كاتار جۇڭگو شارۋاشىلىعىنا سەنىممەن قارايدى ءارى «ءبىر بەلدەۋ، ءبىر جول» دارىپتەمەسىنە ەڭ ەرتە ءۇن قوسقان مەملەكەتتەردىڭ ءبىرى. كاتار جۇڭگومەن ەنەرگيا، قارجى قوسۋ، عىلىم-تەحنيكا، نەگىزگى قۇرىلعى قۇرىلىسى قاتارلى كەڭ كولەمدى سالالاردا سەلبەستىكتەر ورىستەتۋدى تىلەيدى. جۇڭگو كاسىپورىندارىنىڭ كاتارداعى بەينەسى القاۋعا ابدەن تاتيدى، جۇڭگو كاسىپورىندارىنىڭ كاتاردا قارجى قوسىپ كاسىپ كوركەيتۋىن قارسى الامىز. كاتار جۇڭگومەن مادەنيەت، ساياحات جانە احبارات اۋىس-كۇيىستەرىن ۇدەتۋگە كۇش سالادى. كاتار جۇڭگونىڭ كوپ جاقتى ىستەردەگى، سونداي-اق، ورتا شىعىس جانە شىعاناق ءوڭىرى ماسەلەسىندەگى سىندارلى مايدانىن بەلسەندى باعالايدى، جۇڭگومەن تۇسىنىستىكتى، سەلبەستىكتى كۇشەيتۋدى، تەررورلىققا، ۇشقارىلىققا قارسى تۇرۋ سەلبەستىگىن ىشكەرىلەتۋدى قالايدى.
كەڭەستەن سوڭ ەكى ەل باسشىلارى ەكى جاقتى سەلبەستىك حۇجاتتارعا قول قويۋعا كۋا بولدى.
كەڭەستەن بۇرىن شي جينپيڭ حالىق سارايىنىڭ سولتۇستىك زالىندا تامميمدى قارسى الۋ سالتىن وتكىزدى.

جاۋاپتى رەداكتور: ءاننا اكىمقان قىزى
  • اۆتونوميالى وبلىستىق 14 ـ كەزەكتى حالىق قۇرىلتايىنىڭ 3 ـ ءماجىلىسى جابىلدى
  • شي جينپيڭ پارتيا سىرتىنداعى قايراتكەرلەرمەن كوكتەم مەرەكەسىن بىرگە قارسى الدى
  • التاي قالاسىندا ايماقتىق پارتكومنىڭ كەڭەيتىلگەن ٴماجىلىس رۋجىن ۇيرەنۋدىڭ قىزۋ ورلەۋى كوتەرىلدى
  • ايماعىمىزدىڭ ساياحات كاسىبىنىڭ تۇلعالىق ورنى بەكەمدەلدى