اعاجاي-التاي تورابى   ›   مادەنيەت ارناسى   ›   دەنساۋلىق

تەرىنى قورعاۋ ءۇشىن الدىمەن باۋىردى قورعاۋ كەرەك

  «باۋىردىڭ ناشارلاعانى بەتتەن بىلىنەر» دەگەن ءتامسىل بار. باۋىر ادام دەنەسىنىڭ ۋلى زاتتى شىعاراتىن مۇشەسى، ادام دەنەسىنىڭ «حيميا ونەركاسىپ زاۆودى» دەۋگە بولادى، ءبىز جايشىلىقتا جەگەن ازىقتاردىڭ قۇرامىنداعى زياندى بولەگىن نەمەسە ءدارى بولەگىن ادام دەنەسى باۋىردىڭ ۋىتتى شىعارۋىنا سۇيەنىپ جويادى. ەگەر باۋىردىڭ ىشىندەگى توكسين قالىپتى بولىنۋگە شاراسىز بولسا، ادام دەنەسىنىڭ ىشىندە قالادى، ادامنىڭ بەتىندە « سەگنال» پايدا بولادى.

  تارعاق. جۇڭگوشا ەمشىلىكتە تارعاق بۇيرەك ارقاۋىنىڭ السىرەۋى، باۋىردىڭ جەلدەنۋى قاتارلى جاعدايلاردىڭ سەبەبىنەن بولادى دەپ قارايدى، باۋىر قىزمەتى زياندالعاندا، ٶت قىزىلىنىڭ زات الماستىرۋىندا قالىپسىزدىق پايدا بولادى، سول ارقىلى قانداعى ءوتتىڭ قىزىل پيگمەنتى كوبەيىپ، دەنەنىڭ تەرى، كوز ءمولدىر قابىعى قاتارلى ورىندارى سارعايىپ كەتەدى.
 

  تەرى تۇتىگىنىڭ جۋانداپ كەتۋى. ادام دەنەسىندەگى توكسين، ماي، سونداي – اق كلەتكا الماستىراتىن زات قاتارلىلار باۋىردىڭ ءبولىپ شىعارۋىن قاجەت ەتەدى، ەگەر باۋىر زاقىمدالسا، باۋىردىڭ قىزمەتى السىرەيدى، ٵرءتۇرلى توكسيندەر تەرىنىڭ تۇتىگىن بەكىتىپ قالادى، تەرى تۇتىگى تابيعي تۇردە بارعان سايىن جۋاندايدى.
 

  بەزەۋ. ادام دەنەسىندەگى سارى گورمون تەرى مايىن ءبولىپ شىعارۋدى جەدەلدەتۋ رولىن اتقارادى، سارى گورموننىڭ سانى كوپ بولعان سايىن، دەنەنىڭ ماي قۇرامى دا سونشا كوپ بولادى. باۋىر سارى گورموندى بۇلدىرەدى، سونان مايدىڭ ءبولىنۋى تومەندەيدى، سوندىقتان باۋىر قىزمەت السىرەگەن كەزدە، بەزەۋ شىعۋى مۇمكىن.
 

  بورتپە. بورتپە ادام دەنەسىندەگى توكسيننىڭ جينالىپ قالۋىنان، گورموننىڭ تەڭسىزدىكتەن ايىرىلۋى جانە ىشكى سەكراتسيانىڭ ءبۇزىلۋ جاعدايى سەبەبىنەن تەرى ماسەلەسى كەلىپ شىعادى. باۋىردىڭ ىشكى بولەگىندەگى توكسيننىڭ جينالۋى سەبەبىنەن پايدا بولاتىن بورتپەنى سىرتىنان تازالاۋ ارقىلى جوعالتۋعا بولمايدى، تەك باۋىردى جاقسىراق كۇتىمدەگەندە عانا، بورتپە وزدىگىنەن جوعالادى.
 

  بەت كۇرەڭىتۋ . باۋىردا قان ساقتالادى، باۋىرعا قان جەتىسپەگەندە، بەتكە قان جەتىسپەي، بەتتىڭ كۇرەڭىتۋ جاعدايى پايدا بولادى.
 

  ەگەر تەرىڭىزدە جوعارىداعى 5 ءتۇرلى وزگەرىس پايدا بولسا، شيپاحاناعا بارىپ باۋىرىڭىزدىڭ قىزمەتىن جاقىسراق تەكسەرتىڭىز. مۇنان سىرت كوپشىلىككە كۇندەلىكتى تۇرمىستا تەرىنى قورعاۋدىڭ ازىراق امالدارىن ايتا كەتەيىك.
 

  1. ٵر كۇنى باۋىردى كۇتىمدەيتىن ءشاي ءىشىڭىز. باقىتگۇلدەن 3 تال، قىزىل كەندىر تامىرىنان 3 كەسەك، الاقاتتان 30 تال، قىزىل ميادان 3 جاپىراق سالىپ ءشاي ورنىنا ٵر كۇنى ءبىر شىنى ىشسەڭىز، باۋىردىڭ ىستىعىن تومەندەتىپ، ۋىتتى ايداۋىن ىلگەرىلەتەدى.
 

  2. ۇيقى جەتكىلىكتى بولسىن. «جاتقانداعى قان باۋىرعا ءتان» دەگەن ايتىلىم بار، باۋىردى جاقسارتىپ، قان تولىقتاۋ ءۇشىن ەڭ ماڭىزدىسى ۇيقى جاقسى بولۋ، وتە جاي جاتپاۋ، اسىرەسە تاڭعى ساعات 1 مەن 5 ارالىعىندا ۇيقىدا بولۋعا كەپىلدىك ەتۋ كەرەك .

 3. تاماشا كوڭىل كۇيدى ساقتاۋ. باۋىر قۋانىشتا جاقسارىپ، جابىرقاعاندا جايسىزدانادى، جابىرقاۋ، اشۋلانۋ باۋىردى وڭاي زاقىمدايدى. ٵر كۇنى تاماشا كوڭىل كۇيدى ساقتاپ، كەڭ پەيىل ، ۇمىتكە تولى كوڭىل كۇيمەن العا ۇمتىلساڭىز، ىشكى ورگاندارىڭىزدىڭ جاقسى بولۋىنان ءجۇزىڭىز اشىلا تۇسەدى.

جاۋاپتى رەداكتور: ءاننا اكىمقان قىزى
  • الداعى ءۇش كۇندىك اۋا رايىنان الدىن-الا مالىمەت
  • ايماقتاعى ءتورت باسشىلىق القانىڭ باسشىلارى قارت باسشىلار، قارت جولداستار، قارت پارتيا مۇشەلەرى ۋاكىلدەرىنە جانە التايدا تۇراتىن اسكەري ءبولىمىنىڭ وفيتسەر ـ اسكەرلەرىنە امانداسا باردى جانە ولاردان حال سۇرادى
  • 2019 - جىلعى كوكتەم مەرەكەسىن توپتىق قۇتتىقتاۋ جينالىسىندا سويلەنگەن ءسوز
  • ات شاناعا وتىرىپ قىراۋلى قالاشىقتى ساياحاتتاعاندار