اعاجاي-التاي تورابى   ›   مادەنيەت ارناسى   ›   ونەگە

ءومىرىڭىزدى جەڭىلدەتەتىن ادىستەر

  

ءومىرىڭىزدى جەڭىلدەتۋ سىزگە جانىڭىز شىنىمەن قالايتىن ىستەرگە ۋاقىت تابۋعا كومەكتەسەدى. جەڭىلدەتۋ شىعارماشىلىققا، قيالعا جانە ويىنعا ۋاقىت بەرەدى. ءومىرىڭىزدى جەڭىلدەتۋ ءۇشىن الدىمەن، وزىڭىزگە "ول ماعان نە ءۇشىن كەرەك" دەگەن سۇراق قويىڭىز. ءسىز ۇنەمى قارىزدار بولىپ جۇرەسىز، ءۇيىڭىز اركەز شاشىلىپ جاتقاندىقتان، كەرەگىڭىزدى تابا المايسىز، كۇيزەلىسكە ءجيى تۇسەسىز نەمەسە باسقا دا سەبەپ بولۋى ابدەن مۇمكىن. ەگەر سۇراعىڭىزعا جاۋاپ تابىلسا، تومەندەگى ادىستەرگە كوز جۇگىرتىڭىز.

  1. ۋاقىتىڭىزدى قالاي قولداناتىنىڭىزدى زەرتتەڭىز ءوزىڭىزدىڭ ءمىنسىز اپتاڭىزدى جازىڭىز. ونىڭ ىشىنە جۇمىس كەستەسىن، ۇيدەگى مىندەتتەرىڭىزدى، قىزىعاتىن جۇمىستارىڭىزدى كىرگىزىڭىز. ءبىر اپتا بويى سول جازعانىڭىزبەن دالمە-ءدال ءجۇرىڭىز. سودان سوڭ جاساعان ارەكەتىڭىز بەن جازعانىڭىزدى سالىستىرىڭىز. ەندى ويلانىڭىز: "ۋاقىتتى نە نارسەگە كەتىرەسىز؟"، "جاساعىڭىز كەلەتىن نارسەدەن ءسىزدى نە الاڭداتادى؟"، "ونى قالاي وزگەرتە الاسىز؟".

  2. كەي زاتتارعا "جوق" دەڭىز ۋاقىتىڭىزعا شەكتەۋ ورناتا باستاعاننان كەيىن ءومىرىڭىزدىڭ جەڭىلدەي تۇسكەنىن بايقايسىز. ەگەر ۇنەمى بوس بولماساڭىز، كەي زاتتاردان سەبەپسىز باس تارتۋدىڭ دا قاجەتى بار. ءوزىڭىزدى ء"يا" دەپ ايتۋعا مىندەتتى سەزىنبەڭىز. كەي زاتتارعا "جوق" دەپ ايتىپ، ونىڭ ورنىنا نە ىستەگىڭىز كەلەتىنىن ويلانىڭىز.

  3.اقشا قاپشىعىڭىزدى ۇيدە قالدىرىڭىز اسىرەسە، كورگەن نارسەڭىزدى الا بەرەتىن بولساڭىز، اقشانى ۇيگە تاستاپ كەتىڭىز. قالتاعا تەك جولىڭىزعا جانە تۇسكى اسىڭىزعا جەتەتىن اقشا عانا الىپ جۇرگەن ءجون. تاماقتى دا وزىڭىزبەن بىرگە الىپ ءجۇرۋدى ادەتكە اينالدىرۋعا تىرىسىڭىز.

  4. 2 مينۋت مەديتاتسيا جاساڭىز مەديتاتسيا جاساۋ ميدى دەمالتادى جانە سابىرلى بولۋعا كومەكتەسەدى. مىسالى، كوزىڭىزدى جۇمىپ، 1-دەن 10-عا دەيىنگى سانداردى ەلەستەتە وتىرىپ، اقىرىن ساناۋعا بولادى.

  5. قايتالاما زاتتاردى لاقتىرىڭىز ءبىر قوراپتى الىپ، ۇيىڭىزدەگى ەكەۋ-ۇشەۋدەن بار زاتتاردىڭ بىرەۋىن عانا الىپ قالىپ، قالعانىن سول قوراپقا سالىڭىز. ول بىردەي بىرنەشە كىتاپ، بىردەي ويىنشىق ت.ب بولۋى مۇمكىن. سودان سوڭ قوراپتى كوزگە كورىنبەيتىن جەرگە (مىسالى، بالكون) قويىڭىز. ءبىر-ەكى اي وتكەن سوڭ ول قوراپتان ەشتەڭە قولدانباعان بولساڭىز، زاتتاردى بىرەۋلەرگە تاراتىپ بەرىڭىز. سول كەزدە ول زاتتار ۇيىڭىزدەن ورىن المايدى جانە باسقانىڭ پايداسىنا اسادى.

  6. ۇساق-تۇيەكتەرگە ءمان بەرىڭىز سىزگە شىنايى قۋانىشتى نە اكەلەدى؟ نەمەن شۇعىلدانساڭىز، شىنىمەن دەمالاسىز؟ دەمالىس كۇندەرىڭىزدى شۋلى، تىنىمسىز ساۋدا ورتالىقتارىندا وتكىزۋدى شىنىمەن قالايسىز با؟ مۇنداي ورتالىقتارعا بارعاسىن مىندەتتى تۇردە ارتىق اقشا جۇمسايسىز جانە ۇيگە كەلگەسىن دەمالعان-دەمالماعانىڭىزدى تۇسىنبەي قالاسىز. ونىڭ ورنىنا دەنساۋلىققا، ميىڭىزعا پايداسى تيەتىن جانە ادام از جەرلەردى تاڭداڭىز. اينالاداعى ۇساق-تۇيەكتەرگە ءمان بەرىڭىز. مىسالى، وتباسىمەن ساياباقتا سەرۋەندەۋ كەزىندە ءپىشىنى ەرەكشە تاستار جيناپ كورىڭىز.

  7. زاتتارىڭىزدى ءجيى جيناڭىز اينالاڭىز تازا ءارى جيناقى بولىپ تۇرسا، ءومىرىڭىز جەڭىلدەي تۇسەدى. كەرەگىڭىز جىلدام تابىلادى، سونىڭ سەبەبىنەن ەشقايدا كەشىكپەيسىز. اينالانىڭ جينالىپ تۇرۋى كوڭىل كۇيگە دە جاقسى اسەر بەرەدى. سوندىقتان كيىم تۇراتىن شكافتى جانە توڭازىتقىشتى، جۇمىس ۇستەلىن جيناپ، كەرەك ەمەس زاتتاردى لاقتىرىڭىز.

  8. تەحنولوگيانىڭ جاقسى تۇستارىن پايدالانىڭىز كوپ جەرلەرگە بارماي-اق ۇيدەن ۇيالى تەلەفونداعى ارنايى قوسىمشالار ارقىلى تولەۋگە بولادى.

جاۋاپتى رەداكتور: ءاننا اكىمقان قىزى
  • ج ك پ التاي ايماقتىق پارتكومنىڭ كەڭەيتىلگەن ٴماجىلىسى اشىلدى، جاڭ يان قىزمەت بايانداماسىن جاسادى
  • ساقتانۋ - تىزگىندەۋ قابىلەتىن جوعارىلاتىپ، ەلەۋلى حاۋىپ - قاتەردەن ساقتانۋعا جانە ونى جويۋعا كۇش سالىپ، ەكونوميكانىڭ ءۇرتىس، اقاۋسىز دامۋىن، قوعامدىق جالپى جاعدايدىڭ ورنىقتىلىعىن ساقتاۋ كەرەك
  • باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، نازاردى باس نىساناعا شوعىرلاندىرىپ، پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتەيىك
  • بۋىرشىن اۋدانىنىڭ 3 ـ كەزەكتى قىراۋ مەرەكەسى 1 ـ ايدىڭ 22 ـ كۇنى وتكىزىلەدى